أشترى صنى سوبر صالون ولا لا؟؟؟؟

**MustafaFadl** · 21-06-2014 03:15 PM

لو حد قالك متشتريهاش ... ياريت يقول البديل ايه

**toty_305** · 21-06-2014 03:19 PM

المشاركة الأصلية كتبت بواسطة karim tolba

يا صاحب الموضوع متسمعش من الناس دى كلام العربية زى الفل واسال ناس كتير المنتدى دا معروف انة فى حالة هجوم غير مبررة على سيارات نيسان

-معلش سؤال جانبي ...أنت ساكن فين في القاهرة ؟؟

**Karim tolba** · 21-06-2014 03:30 PM

من بنها حضرتك

**Adnfalcon** · 21-06-2014 04:28 PM

احنا مش بتوع أفوره يا أخ
احنا بننصح الراجل قبل مايشتري و هو حر و عيب انك تدخل شمال كده
وجبتلك الدليل علي كلامي بتجربه ناس مشتريه العربيه و مش بنفتي !!
عموما عربيتك دي تحفه استمتع بيها وسيبك من الأفوره بتاعت الشعب المصري

**medo-312** · 22-06-2014 01:11 AM

المشاركة الأصلية كتبت بواسطة adnfalcon

احنا مش بتوع أفوره يا أخ
احنا بننصح الراجل قبل مايشتري و هو حر و عيب انك تدخل شمال كده
وجبتلك الدليل علي كلامي بتجربه ناس مشتريه العربيه و مش بنفتي !!
عموما عربيتك دي تحفه استمتع بيها وسيبك من الأفوره بتاعت الشعب المصري

طيب مااحنا برضه ناس مشترية العربية وبنقول العربية كويسة .. !!

**Adnfalcon** · 22-06-2014 01:17 AM

المشاركة الأصلية كتبت بواسطة medo-312

طيب مااحنا برضه ناس مشترية العربية وبنقول العربية كويسة .. !!

مبروك ودي عربيه سوبر كار مش سوبر صالون
و متنساش كل لما تغير الزيت تغير تيل فرامل وساعات الايرباج مش بتفتح زي ما اشتكي عضو هنا و بالصور

**MustafaFadl** · 22-06-2014 11:27 AM

أحلى حاجة أن الناس عمالة تدخل شمال فى بعض ... حاجة غريبة بصراحة ....

المفروض اللى ينصح .. يتكلم بوضوح عن عيوب ومميزات

والأهم من ده كله أيه البديل وهل فى نفس الفئة السعرية ولا أعلى!!!

والموضوع بسيط ( النيسان 2014 السوبر صالون مشكلتها فى التيل ) المهم الواحد يحدد هو عايز أيه من العربية وبعدها يختار براحته ... يعنى أنا بالنسبة لية نيسان هية أحسن الوحشين فى الفئة السعرية دية وهية دية كانت إمكانياتى (وبطريقة سواقتى هحافظ على العربية) ... العربية معايا على فكرة ... ولو معايا فلوس كنت جيبت الشارك الفئة التانية .... مع أن توكيلها تعبان .. أنما صيانتها برة سهلة مش صعبة

مميزات النيسان ... عالية أنسى موضوع المطبات .. المجمل كويسة فى حاجات كتير مش وحشة ..
وربنا يهديك للإختيار اللى يرضيك..

**Abdelkader.S.R** · 22-06-2014 01:07 PM

شكراً يا جماعه على مساعدتكم ليا أنا ساكن في عين شمس وشغلى في المعادى وكل اللى محتاجه عربيه تستحمل المشاوير دى+ إنى محتاجها تكون وسعه شويه علشان العيله والسفر والشغل ده،،، فقولت إنى أروح للنيسان لإنها يابانى وواسعه من جوه،،، وزى ما انتو عارفيين المشاكل اللى ناس بتتكلم فيها عن التيل والكلام ده ، لكن قولت أروح أشترى إلنترا 2015 لقيت ناس بتقول العربيه ضعيفه أوى وخفيفه وكمان قصة إنها بتتسرق بسهوله ... فكنت ناوى اكمل وأجيبها بالقسط، وشوفت الريو لقيتها ضيقه وماتورها وإمكانيتها أقل لكن شكلها مقبول. علشان كده أنا محتار أنا عاوز عربيه تبقى إقتصاديه وعائليه وتقدر تستحمل الشغل. فياريت الزملاء اللى شايفين العربيه وحشه يدونى بديل عنها فعلا ده هيسهل عليا الإختيار وطبعا أنا بشكركم جميعاَ على إهتمامكم ومشاركتكم بأرأكم

**Karim tolba** · 22-06-2014 01:18 PM

صدقنى الى انت عاوزة موجود فى الصنى روح اى معرض واركبها من جوا وشوف

**Abdelkader.S.R** · 22-06-2014 02:55 PM

المشاركة الأصلية كتبت بواسطة karim tolba

صدقنى الى انت عاوزة موجود فى الصنى روح اى معرض واركبها من جوا وشوف

أنا فعلاً روحت وشوفتها وركبتها هى فعلا واسعه من جوه ومناسبه فعلاً للعيله بس لاقيت شويت حاجات ظاهره خوفتنى منها على سبيل المثال الشنطه من جوه أسلاك الكهرباء موجوده في خراطيم رديئه جداً، مفتاح إنارة لمبة الصالون تحسه إنه ضعيف قوى ، الفتيس رغم إنه مطعم بالنيكل إلا أنك تحسه فقير قوى في خاماته بالعكس مثلاً مع الإلنترا والبيجو301.