تجربتي مع Mobil 1 New Life 0W40

**Hesham256** · 19-06-2014 08:40 PM

السلام عليكم يا رجالة....
جيتلكوا النهار ده بتجربة زيت موبيل 1 0W40 للأسترا ال2004 البرازيلي.
نبتدي بالزيت اللي قبله.....كان فالفولين engine armour 5w40 وكان كويس جداً.....صوت الموتور كان عادي أوعالي شوية بس مش بشع يعني وسحب العربية كان جميل جداً جداً جدأً وفعلاً مكنتش بحس أنها تقيلة خالص بالعكس كنت بحسها رشيقة والموتور جامد عليها (يمكن عشان خدت عالاسترا الجديدة وعرفت يعني إيه عربية تقيلة).
والصراحة مفيش زيت موتور ظبطلي العربية زي الشيل هيلكس الترا 5w40.....ومش عارف إيه اللي خلاني اغيره اساساً....بس فعلاً شيل أحسن زيت موتور جربته. الفالفولين حلو بس مش زي الشيل في نعومة الموتور والصوت وإستهلاك البنزين والأهم التنظيف....شيل كان بينظف بطريقة مفيش زيها فعلاً.

نيجي بقه للموبيل
والله عشان الحق يتقال الموتور كإهتزازات نعم خالص وبقه هادي جداً...بس صوته زي ماهو (مقارنة بالفالفولين) يمكن أعلي شوية بسيطة.
السحب بقه احسن من فالفولين بحاجة بسيطة في الطلعة بسسسسسسس يعني الموتور من 750-4000 لفة بقه انعم وبيشد اجمد حاجة بسيطة.....بس بعد كده صوته بيعلي أويييييييييييييي وسحبه مش قد كده....يعني السحب عاللفات العالية للموتور ضعفت عن الفالفولين زائد الصوت العالي.
انا لما كنت بعمل kickdown بالشيل وأوصل الموتور ل6000 لفة...مكنش حد بياخد باله أصلاً من كتر صوت الموتور اللي مش طالع......بالفالفولين سعات يبصه وسعات لأ.....بالموبيل كله بيلف يشوف مين الروش اللي عامل فيها دكر ده.....ودي حاجة مش حلوة خالص.....أكتر حاجة بكرهها أن صوت الموتور يبقي عالي...خصوصاً علي اللفات العالية.
بس الزيت فعلاً خفيف جداً وبينظف كويس والمهم أنه نعم الموتور وقلل الإهتزازات. فأعتقد أنه زيت كويس جداً...خصوصاً للأوبل الجديد زي الاسترا والإتسيجنيا لأنهم محتاجين زيت خفيف جداً....بس برضه الشيل أحسن والفالفولين الEngine Armour أحسن بس في نفس الوقت اتقل ومش مطابقين للمواصفات المطلوبة للأوبل الجديد.
وأنا ممشتش عليه كتير خالص علي فكرة...هما 100 كيلو بس....بس حبيت انقل التجربة علي طول عشان الإختلافات بين الزيت القديم والجديد.
وأسف عالإطالة ويا رب اكون افدتكم.

**mahmoud kamal** · 19-06-2014 08:50 PM

مشكور للأفاده ياباشا بس طبعا الزيت بيختلف من عربيه لعربيه على حسب الماتور ومش اى زيت ينفع لأى ماتور
تحياتى

**Adnfalcon** · 19-06-2014 08:52 PM

كلام منطقي إلي حد كبير جدا
ميزه الزيت دا بيوصل لكل اجزاء الموتور ف جزء من الثانيه عند الدواره الصبح و دي ميزه رهيبه ف الشتاء .. مبروك الزيت و تابعه كل 2000 كم

**Hesham256** · 19-06-2014 09:13 PM

المشاركة الأصلية كتبت بواسطة mahmoud kamal

مشكور للأفاده ياباشا بس طبعا الزيت بيختلف من عربيه لعربيه على حسب الماتور ومش اى زيت ينفع لأى ماتور
تحياتى

المشكلة ان في ناس بتسمع كلام الصنايعية لما يقوله هحطلك زيت 10.
وطبعاً ولا يعرف الزيت ده مطابق لمواصفات الشركة الأم اللي صنعت الموتور ولا لأ....هو زيت 10 بالنسباله كفاية.
و شكراً للرد.

**Hesham256** · 19-06-2014 09:15 PM

المشاركة الأصلية كتبت بواسطة adnfalcon

كلام منطقي إلي حد كبير جدا
ميزه الزيت دا بيوصل لكل اجزاء الموتور ف جزء من الثانيه عند الدواره الصبح و دي ميزه رهيبه ف الشتاء .. مبروك الزيت و تابعه كل 2000 كم

الله يبارك فيك يا باشا....وده لازم اتابعه كويس جداً لأن موبيل سمعته انه بيتبخر بسرعة جداً....فانا هفضل وراه كده وإن شاء الله ابلغكوا إذا كان تبخيره عالي ولا ماسك نفسه.

**mahmoud_ali** · 20-06-2014 01:27 AM

طب مجربتش كاسترول ايدج ليه انا بقارن بينه وبين فالفولين ولسه مستقرتش

**hagagatc** · 20-06-2014 01:41 AM

بس الزيت ده عايز بلاد الجو فيها مش حر وانا منصحش بيه الصراحه وتجربتك حتبينلنا
الزيت في اوله مش مقياس

**Hesham256** · 20-06-2014 08:29 AM

المشاركة الأصلية كتبت بواسطة mahmoud_ali

طب مجربتش كاسترول ايدج ليه انا بقارن بينه وبين فالفولين ولسه مستقرتش

معجبتنيش المواصفة بتاعت الكاسترول والفالفولين كويس جداً بس الEngine Armour 5w40

**Hesham256** · 20-06-2014 08:41 AM

المشاركة الأصلية كتبت بواسطة hagagatc

بس الزيت ده عايز بلاد الجو فيها مش حر وانا منصحش بيه الصراحه وتجربتك حتبينلنا
الزيت في اوله مش مقياس

مش شرط يا باشا......مش معني انه خفيف يبقي مش كويس في الحر.

طب ليه إحنا بندفع فلوس كتيرة في زيوت متعددة الللزوجة ؟؟؟ ال0W40 هو نفسه ال10W40 وال15W40 في الحر....لأنهم كلهم 40....و الفرق إن ال0w40 ده بيقي خفيف جداً الصبح في السقعة بس مش معناه أنه بيخف أوي في الحر لدرجة انه يبقي وحش.....في عوامل كتيرة جداً فنية في الموصوع ده.....هو أه خفيف الصبح بس بيفضل محتفظ باللزوجة حتي في الحر لأن المواصفة بتاعته عالية جداً.

أنا قبل مجيب أييييييييي زيت ببص عالمواصفات الفنية ليه واقرر علي اساها....زي
الViscosity Index ( الإحتفاظ باللزوجة خلال تعدد درجات الحرارة من الواطي للعالي....كل ما الرقم يبقي اعلي كل ميبقي أحسن...والموبيل 185...يعني عالي جداً)

الHTHS ( ده قياس الShearing بتاع الزيت علي درجة حرارة عالية في عمود الكرنك عالسبيكة......كل ما يعلي كل ميبقي أحسن.....والموبيل 3.8...عالي جداً برضه)

الkinematic viscosity (وده بقه لزوجة الزيت نفسه...مش ال0w ولا ال5w....ودول كويسين قوي في الموبيل)

ولو العربية جديدة لازم تبص عالSulfated ASh عشان لو عالي ممكن يبوظ الcatalytic converter....انا عشان الموتور قديم مصمم انه يستحمل لحد 1.6% والموبيل 1.3% فكويس جداً.....بس الاسترا الجديدة عايزة 0.6 % فحتي الموبيل ده مينفعش للأسترا الجديدة.

واكيد الزيت فاوله مش مقياس....بس أنا قلت أشوفه وهو في أحسن حالاته عشان نحكم هو هيضعف بعديها بقد إيه.
وشكراً للمشاركة