الموضوع: ايهما افضل رينو كليو ام ستروين اكسارا؟

المشاركة الأصلية كتبت بواسطة rotanamasoud

شوف انا كنت جمعت شويه حجات عن الكسارا واتفرجت عليها
وسع الاكسارا كبير خاصه الكنبه ورا ولاكن الشنطه كوسع نفس وسع الزد اكس
محرك واتزان وسرعات ولا كلمه مع امان فرامل اى بى اس فى الكسارا2 وفرامل 4 سكينه والمحرك قادر على تقفيل ال200 كيلو (عدادها 220)يعنى فيرنا باتزان وقوه ونعومه واعتماديه وامان الاوروبى
قطع الغيار العفشه بالكامل نفس عفشه الزد اكس والبيجو 405 مع فرق مقصين فقط والعفشه رخيصه ومتوفره جدا جديد واستعمال
محرك بالكامل بالضفيره 4000 جنيه(محركها محرك المليون كيلو اعتمادى جدا) بيوصل ل120 حصان
الغلو يكمن فى الرفرف مثلا بتاع الزد اكس ب120 والاكسارا ب200 ومش شايفه غالى (وهكذا ابواب اكسسوارات)
العيوب كلها تتلخص فى تعقيد النظام الكهربائى كل حاجه على حساسات ومعقده(فيها حساس للزوجه الزيت لما لزوجه الزيت تقل يقولك تغير الزيت)
كارته المحرك ممكن توصل ل1000 وفى كارتتين داخليين اخرى
لاكن الكليو انا معنديش اى معلومات عنها
شخصيا لو فكرت اغير بفكر فى الاكسارا اوتوماتك

حبيبى احمد باشا
ازيك
كنت هارد عليك وقت ما انت كتبت المشاركة بتاعتك بس النور قطع :(
اللى انت قولته ده بالظبط هو اللى كان فى دماغى وانا كنت متخيل اسعار قطع غيار الاكسارا كده فعلا بس كلام الاستاذ رمضان عن غلو اسعار قطع غيار الاكسارا لغبطنى
دلوقتى محتاجين مقارنه بين بعض اسعار قطع الغيار فى الاكسارا ومثيلاتها فى الكليو من ناس معاهم العربيتين فعلا او كان معاهم احد العربيتين

النهارده حصل موقف غريب وصدفة صعب حدوثها :)
كنت فى جسر السويس وبعد ما خلصت شغلى كلمت صديق ليا علشان اسلم عليه واقعد معاه شويه قاللى انه عند الميكانيكى بيعمل حاجه فى عربيته روحتله لقيت عربيته (ميجان1) واقفه قدام الميكانيكى ووراها راكنه عربيه كليو وورا الكليو ستروين اكسارا
وطبعا وقوف العربيتين جنب ورا بعض ادانى فرصه ممتازة انى اقارن بينتهم فى الشكل والحجم وانا واقف بتفرج عليهم لقيت صاحب الاكسارا ولقيته عارضها للبيع واتفرجت عليها مده كويسه وفرجت صاحبى عليها هى موديل 2001 اكسارا 1 وكان طالب فيها 35 الف
ملاحظاتى:
1- لازالت الكليو فى نظرى احلى بكتير من الاكسارا
2- شنطه الاكسارا صغيره جدا سواء من بره (موحشه شكل العربيه) او من جوه وخصوصا من جوه اكبر من شنطه عربيتى بحاجات بسيطه ولا تقارن طبعا بحجم شنطة الكليو
3- الكنبه اللى ورا فعلا فى الكليو ضيقه جدا يعنى لو اللى بيسوق رجع الكرسى سنه صغيره محدش هايعرف يقعد وراه
4- لما قعدت على كرسى السواق حاسس ان الكرسى واطى قوى يا اما التابلوه هو اللى عالى مش عارف ورغم ان انا طويل (190 سم) ماكنتش شايف الكبوت خالص ودى حاجه ماريحتنيش بالمره خصوصا ان العربيه كبوتها طويل جدا

الموضوع كده شكله هايطول معايا شويتين :)

المشاركة الأصلية كتبت بواسطة ramadan kader

شوف الدراع هتلاقيه ظاهر فالصوره فاللينك ده
2000 citroen xsara lx hdi for sale in thetford, uk - caricle.co.uk

شكرا يا باشا
شوفته
انا اول مره اعرف ان الكرسى ينفع يعلى كنت فكره بيرجع ويقدم بس والله :)