الموضوع: دنجل الفلوانس

لو عايز نصيحتي اكشف علي العربيه عند حد تاني الاول يكون شاطر و اسمع كلامه و شوف لو زي كلام اللي قال لحضرتك كده و لا ممكن يكون ليه رأي تاني. احيانا ممكن تلاقي فني شاطر يجيبلك اصل المشكله و العلاج بالضبط بدون ان تلجأ لتغيير الدنجل كله بالمساعد و لذلك دور الاول افضل قبل ما تدفع المبلغ ده كله و في اسوأ الاحوال لو طلع كلامه مضبوط يبقي ما خسرتش حاجه غير ثمن الكشف انما قصاده اخدت فرصه انك تلاقي حل للمشكله بدون تكاليف جامده

المشاركة الأصلية كتبت بواسطة yalahwy2010

ألف شكر لمرورك ونصيحتك
انا بالفعل عملت كدة.....وفعلا كشفت عند مكان لظبط الزويا فى صقر قريش وقالللى مافيش حاجة
بس توكيل العبور كان مطلع قراية الزويا من الخلف باللون الاحمر ......وطبعا حضرتك عارف ان التوكيل اول ما هيشوف كدة هيقول ان الدنجل السبب
المهم انا ان شاء الله قررت اروح لواحد عندنا هنا فى الزقازيق معروف جدا اسمه شيبوب.....اللى اعرفه انه شاطر جدا.........وهو ان شاء الله هيكون الفيصل فى موضوع الدنجل
بس الغريب ان العربية فيها تعويمة بسيطة من الخلف فعلا.........وهو ده اللى مخلينى شاكك فى الدنجل........فا هل ممكن يكون حاجة تانية ممكن تتظبطت وتعدل التعويمة دى؟

طيب كده تمام قوي المهم بس حضرتك تقول له علي الاعراض بس و ما تقولوش انك كشفت عليها قبل كده و اللي التاني قالهولك علشان ما تأثرش علي رأيه. بالنسبه للتعويمه البسيطه دي احتمال تكون ليها دعوه بالكاوتش يعني لو النقشه ماسحه شويه او ضغط الهوا مش مضبوط ممكن تعمل كده و علشان تتأكد ممكن ببساطه تراجع ضغط الهوا في العجل و تعمل rotation للعجل يعني هات الفردتين اللي قدام ورا و اللي ورا قدام و لو التعويمه راحت يبقي غير الفردتين الممسوحين باتنين جداد و خللي الجداد قدام طبعا

المشاركة الأصلية كتبت بواسطة land_cruiser

طيب كده تمام قوي المهم بس حضرتك تقول له علي الاعراض بس و ما تقولوش انك كشفت عليها قبل كده و اللي التاني قالهولك علشان ما تأثرش علي رأيه. بالنسبه للتعويمه البسيطه دي احتمال تكون ليها دعوه بالكاوتش يعني لو النقشه ماسحه شويه او ضغط الهوا مش مضبوط ممكن تعمل كده و علشان تتأكد ممكن ببساطه تراجع ضغط الهوا في العجل و تعمل rotation للعجل يعني هات الفردتين اللي قدام ورا و اللي ورا قدام و لو التعويمه راحت يبقي غير الفردتين الممسوحين باتنين جداد و خللي الجداد قدام طبعا

جلبتين كبار في الدنجل الخلفي ممكن تسال عليهم في التوكيل لو مش متوفرين ممكن تسال عند المهندس في صقر قريش ده في حاله لو الدنجل مفهوش خبطه او معووج