الموضوع: الى ملاك اوبل الافاضل محتاج نصيحه منكم

مش حطول عليكم بارجاله من الاخر انا حشترى عربيه اليومين دول غالبا قدامى 10 ايام انا كان معايا هوندا سيتى 2009 وبفكر جديا او تقريبا كمان عملت طلب موافقه من البنك على تقسيط عربيه اوبل استرا مشكلتى يارجاله انى فوجئت ان هوندا سيفيك نزلت عشر الاف جنيه بقى سعرها 205,000 وبكده تبقى قربت من الرينج اللى انا حاطه انا دلوقتى محتار ايه رأيكم بأمانه اكمل فى الاوبل ولا ايه ؟ انا بس فيه كام نقطه كده مقلقانى
1- منصور اخباره ايه فى التوكيل والصيانه حيبقى مريح ومحترم زى هوندا كده ولا حيطلع عينى
2- انا برده معلش يارجاله اعذرونى فى السوال هى الاوبل المانى ولا هى امريكانى جنرال موتورز يعنى انا بشترى تكنولوجى المانى خصوصا انى عرفت ان الموتور بتاعها نفس موتور الكروز والكروز كورى فانا مش فاهم لحد دلوقتى ايه العلاقه بين اوبل وجنرال موتورز امريكا ؟ وليه لما الموتور هو هو فيه فرق فى السعر بين الكروز والاسترا ؟
3- لو حد عنده اى تعليقات عن العربيه او اى نصيحه ياريت ميبخلش عليه بيها وجزاكم الله كل خير

المشاركة الأصلية كتبت بواسطة احمد فهمى

مش معنى انى منسق قسم اوبل اكون فى انحياز عن الحق ببساطه شديده كل الاوروبى لا يصلح ﻷجواء مصر وبشكل ادق كل السيارات اللي بجائرة تبريد مغلقه ﻷن درجة حرارة المتور بتعدى ال100 درجه داخل المحرك والريداتير وللأسف مش معمره وده بسبب اجواء الشرق الاوسط يعنى لو حسبت مالك اي المانى صرف كام فى 100 الف كيلو او 5 سنين هتلاقى رقم كبير وغير قطع كتير عكس اليابانى ويليه الكورى يكاد يكون لا شئ غير الزيت والصيانات الدوريه وضيف تعقيد السيارات الاوروبى مع قلة الخبرات فى مصر وباﻷخص عند منصور وقصة الامان مش بالشكل حضرتك ادخل شوف اختيارك بيساوى كام نجمة امان هوندا سيفك 5 نجوم يعنى زي الاسترا وبالتوفيق

احمد باشا انا متشكر يافندم على النصيحه وشكلى كده حكبر من الاوبل بالرغم من انى كانت داخله دماغى وقولت اجيب حاجه احس فيها بالتغيير عن اللى انا راكبه انما انا بصراحه معنديش استعداد برده ادخل مع منصور فى مشاكل او تطلعلى حاجه فى العربيه واقعد الف وادور وانا دافع مبلغ 200 الف اده غير انى متأكد تماما من ان السيفيك اعتماديه جدا وهوندا كتوكيل من انضف التوكيلات فى مصر للان انا اصلا راكب هوندا سيتى 2009 وبرده التوكيل هو اللى حيشتريها منى للانه عامل خدمه شراء مستعمل كان نفسى والله اركب اوروبى بس كده خلينى فى المضمون والبعد عن المشاكل ووجع القلب
اشكرك يافندم على النصيحه وربنا يباركللك