الموضوع: ميتسوبيشي أتراج و لا كيا بيكانتو

المشاركة الأصلية كتبت بواسطة monol

عليكم السلام، طبعا على المستوى الشخصى واعتقد ايضا العام انا شايف ان الامر محسوم لصالح الميتسوبيشى ,,, عربيه حجمها معقول وامكانياتها كويسه جدا على سعرها ,,, وبالنسبه لموضوع قدرة المحرك دا مفيش منه قلق تماما وممكن حضرتك تسافرى بيها اى مكان بدون قلق ان شاء الله لان طبعا تكنولوجيا المحركات اليابانيه وخصوصا هوندا وميتسوبيشى غنيه عن ان احنا نتكلم عنها ,,, وبالتوفيق

شكراً جداً لحضرتك .. أنا كمان كنت بقول لنفسي دي ياباني يعني و أكيد ميتسوبيشي عمرها ما هتصنع عربية تعبانة .. بس من قرايتي للمواضيع في المنتدى .. لقيت في ناس كتير بتشتكي من موديل من موديلات اللانسر نزل 1300 سي سي و أوتوماتيك و كانو بيقولو عليها بطة بلدي .. فده خلاني أشك في الأتراج .. وقلت ما بالك بقى الأترج دي 1200 سي سي و على بودي مش صغير برضه

المشاركة الأصلية كتبت بواسطة monol

يافندم لاشكر على واجب احنا كلنا هنا فى المنتدى للافادة والاستفاده ،والبنسبة لموضوع البطه البلدى دى :) هيه فعلا البومه 1300cc اداءها مش اد كده مع التكييف وخصوصا الاوتوماتيك ولكن مثلا لو جربتى الكريستاله 1300 هتلاقيها كانت ممتازه وسحبها كويس فالموضوع مش مقياس وخصوصا ان حجم الاتراج مش كبير فلا داعى للقلق اطلاقا طالما دى حدودك ، وتوكلى على الله وبالتوفيق

اه منا محتارة علشان بردو الياريس كانت 1300 و كانت كويسة جداً و سوقها كان ماشي كويس .. ربنا يعمل إلي فيه الخير :)