ظبطت اللانوس بتاعتى والخطوات. My Lanos. بالصـور

**Ahmed-SAMIR** · 21-06-2014 10:48 PM

ربنا يباركلك فيها

**عمرولبيب** · 22-06-2014 12:20 AM

المشاركة الأصلية كتبت بواسطة ahmed.elashy

شغل حلو ماشاء الله وعاوزه بال رايق
بس لما تيجي تبيع هل هتخسر ف العربيه عشان واضح انك صارف عليها

هو اللى اتصرف عليها فى حدود 5000 جنيه والحمد لله .. وعلى تمنها مانا شاريها 42500 يبقى عامله 47500 لو فكرت ابيع هبيع على 50000 .. لان فى السوق بقيت باسمع اسعار عجيبه ( علما العربيه مش راشه السقف فبريكا دواخل كامله .. 185000 كيلو انا اللى عامل اخر 5000 كيلو دول .. مش محتاجه اى شئ نهائى والحمد والشكر لله .. كما بالصور .. المكنه حلوه ولا خفيفه ولا الهوا .. العفشه زيرو والحمد لله ومش محتاجه اي حاجه .. تكييف تلاجه بمعنى الكلمه ماشاء الله . كقليه السرينه اللى فيها شئ خرافى اللى هى سرينه الفيدرالى دى كذا صوت . فيها نور اللى هو قلاب ازرق فى احمر زى النجده دا بس على صغير زى شرطه البلاد الاوروبى. عزل كأنك راكب تيوتا واحسن من اللانسر فى العزل الصراحه مكتومه صح عن اللانسر .. كوتش بحاله الزيرو يعتبر .. طبعا الكماليات بالصور
بس النهارده بقى حاجه غريبه ( لمبه من لمبات الفانوس ضعفت لإما الكتاوت اتهز لإما اللمبه اتحرقت .. خير والحمد لله )

**عمرولبيب** · 22-06-2014 12:22 AM

المشاركة الأصلية كتبت بواسطة ahmed-samir

ربنا يباركلك فيها

ربنا يبارك فى حضرتك يافندم

**Mohamedmaree91** · 22-06-2014 12:25 AM

الف مبروك يا عمور وربنايديك خيرها يا رب زىما وصفتلى الشغل اللى عملته بالضبط

**عمرولبيب** · 22-06-2014 01:06 AM

المشاركة الأصلية كتبت بواسطة mohamedmaree91

الف مبروك يا عمور وربنايديك خيرها يا رب زىما وصفتلى الشغل اللى عملته بالضبط

الله يبارك فيك يامحمد بك وربنا يخليك يارب
وابعد عن التكييف يامحمد بياكل وبيشرب البنزين بطريقه غبيه جدا جدا هههههههههههه
التفويله مبتقعدش معايا حاجه يعنى ممكن الـ 20 لتر يعملوا معايا بالتكييف 150 كيلو بالعافيه

**NightmarE84** · 22-06-2014 03:51 AM

ماشاء الله الف مبروك على العربية

وربنا يكفيك شرها
بالنسبة للسروجى منين وهل فرش الابواب الجزء الجلد الاسمر اللى فيه انت اللى عملته ولا العربية اشتريتها كده؟؟؟

والدواسات جبتها بكام وكام قطعة؟؟

وبالنسبة للارضية الجلد كلفتك كام جلد ومصنيعة؟؟

**عمرولبيب** · 22-06-2014 08:44 AM

المشاركة الأصلية كتبت بواسطة nightmare84

ماشاء الله الف مبروك على العربية

وربنا يكفيك شرها
بالنسبة للسروجى منين وهل فرش الابواب الجزء الجلد الاسمر اللى فيه انت اللى عملته ولا العربية اشتريتها كده؟؟؟

والدواسات جبتها بكام وكام قطعة؟؟

وبالنسبة للارضية الجلد كلفتك كام جلد ومصنيعة؟؟

ربنا يبارك فى حضرتك

السروجى من المنصورة
فرش الابواب وفرش الهاند وعصايه الفتيس انا اللى عامله مع الفرش
المستلزمات علبه كوله 10 ج
جلد امريكي كسوه الكراسى 7 متر المتر بـ 45 جنيه
جلد أرضيه كانو 4 متر بالشنطه المتر بـ مش فاكر صراحه بس كان انضف جلد ورخيص مش غالى اوى يعنى زى جلد الكسوه وكان وش جلد ووش قطيفه
كيسين دبابيس دبل
حوالى 2 متر دمور
وتلات فروخ اسفنج
و 2 متر لباد مستورد المتر 40 جنيه نضيف غير المصري
ولباد وش سيلفر ووش اسفنج كدا تخانه 6 مم عامل 10 جنيه للمتر وجبت خمسه متر
كان الحساب كله 670 وعمل اكراميه بقت 650 جنيه من عند ابو العباس فى المنصوره
مصنعيه السروجى 400 جنيه غير دخان للعيال حوالى 20 جنيه
الوقت يوم كامل
فك الفبر بتاع العربيه كله وغسله كإنه لسه طالع من المصنع .. فك السقف وغسله يعتبر كالجديد .. فك الكراسى وعملها الكسوه .. ركب اللباد فى الارضيه طبعا فوق عازل بلادها وفى ضهر الكنبه .. ركبت العازل الحرارى السيلفير على الاربع ابواب وفى ارضيه الشنطه والشنطه وطبقتين فى السقف .. فصل جلد الارضيه والشنطه وركبهم كلهم وبعد كدا كان مركب الكراسى والكنب بره وركبهم فى العربيه وكله تمام وقفلنا العربيه