استمتع بالتكنولوجيا زى ما قال الاخ فرحات
عرض للطباعة
استمتع بالتكنولوجيا زى ما قال الاخ فرحات
شكرا يا جماعه على ردكم ومساعدتكم ليا
هو فعلا الباور الكهربا في الهيونداي مش رائع زي باقي العربيات الالماني الي باورها كهربا
بس الناس الي بتشتكي انه صعب تتحكم في العربيه دي بتبالغ جدا جدا
انت قدامك باور رااااااااااااائع في الزحمه والركن
انما في الجري طبيعي انت تحاسب وانت بتفادي او بتاخد غرز انما مش غشوميه على الدركسيون
وانا قدت ال اي 30 كان باور كهربا وعلى السرعات العاليه لما ادوس فرامل الباور بيتقل
اشعات وسمع وفهلوه
يعني حضرتك في حد قال لك ان البور الكهربا في مشاكل ؟
في العاشر السياره منتشره جدا والمدينه مفتوحه والشوارع وسعه وفاضيه والشاب بتطيير بيها وتلف بسرعه مع فرامل عشان المطبات بلا ادني مشكله
النترا افضل سياره
انا كنت من الناس اللي حذرت من الباور بتاع الالانترا فعلا..
و ده عن تجربة..
انا جربتها و حسيت بالموضوع ده جدا.. اكيد ف الركن و الزجمة حلو قوي..
لكن مع الجري و السرعة.. انا حسيته خطر.. و سوقت عربيات تانية الباور فيها كهربا برضه و كان اتقل من دي..
و موضوع انه بيتقل او بفصل بعد ال60 ده مش صح.. (علي الاقل في العربية اللي جربتها..)
لأني جيبت بيها حوالي 90 في مسافة قليلة قوي..و كان زي ما هو..
الكلام مش علي الباور الكهربا.. ولكن كان التحذير من انه بتاع الالانترا خفيف جدا..
اخي العزيز
موضوع الباور الكهرباء ده معنه ان الباور بتاع اعربية بيتقل سنة بعد ال100 او ال120
عشان يضمن ان العربية مش تحدف من اقل حركة للدريكسيون
و ده حاجة جديدة كويسة للامان و الثبات على الطريق
و مش معناها ان الدرسكسيون بيكون تقيل زي العربيات القديمة
ده اللى انا اعرفه
و المهم انك ترب و تحكم بنفسك
ولو الباور الكهرباء مش عاجبك ساعتها ممكن تجيب مكانه واحد زيت
يا جماعة خطر اية بس :)
الباور مفيهوش اى مشاكل
و هوة معمول لية الباور ستيرينج ؟ انت عاوزة يعنى تقيل ؟ :)
و متخافش انا عندى الباور كهرباء و مفيش اى مشاكل خالص خالص
دية اشاعات :)
السلام عليكم
انا معايا النترا من شهر 7 و الحمد لله البور ممتاز و بيفصل فى السرعات العالية و مش بس الألنترا فى عربيات كتير فيها الخاصية دى
بجد ياباشا حاجه تضحك جدااااا
ومش جديد علي الشعب المصري اللي بيحب يفتيييييييييي
عايز اقولك حاجه ياباشا انا معايا سيريون 2008 والباور بتاعها كهربه طول ما انت ماشي براحه او واقف الباور بيبقي عجينه معاك اول ما تطلع علي الطريق وكل ما السرعه تزيد الدركسيون اتوماتك بيتقل وعايز اقولك اني بسيب الدركسيون اصلا وانا ماشي وعمره ما يروح يمين ولا شمال علي العكس بقه من اباور العادي اللي بيكون علي الطريق زفت ولازم تمسكه يايدك الاتنين خصوصا لو سرعه عاليه انا لما بجي اركب النسيان صني بجد ببقي ماسك الدركسيون بايدي الاتنين وبكون حاسس اني مش مظبط ودايما علي طول تلاقي ايدك رايحه يمين وشمال
الاباور الكهربه ميزته ان هو خفييييف جدا وانت واقف او بتركن او ماشي براحه غير كده فهو زي الباور العادي ان ماكانش احسن كمان
شكرا يا جماعه لردودكم