اخيرا اشتريت سيارة هوندا وبقيت هونداوى وارجو قبولى عضو جديد بينكم وبين خبراء وكبار هوندا فى هذا المنتدى العظيم.
ارجو مساعدتى فى اول ايامى مع الهوندا بماذا ابداء واعمل اية واروح لمين. ارجو التفاصيل الدقيقة اعدم خبرتى وشكرا
عرض للطباعة
اخيرا اشتريت سيارة هوندا وبقيت هونداوى وارجو قبولى عضو جديد بينكم وبين خبراء وكبار هوندا فى هذا المنتدى العظيم.
ارجو مساعدتى فى اول ايامى مع الهوندا بماذا ابداء واعمل اية واروح لمين. ارجو التفاصيل الدقيقة اعدم خبرتى وشكرا
الف 1000 مبروك العربيه وربنا يكفيك شرها يا رب ويسترها ف طريقك
باركنالك خلاص عرفنا بقى جايب موديل ايه ولا عايز تعمل ايه ؟ ؟؟ علشان نفيدك يعني اي جيل ؟ ؟
لو مستعمل وشاريها من حد مش تعرفه
مفروض السيرفس العادي تغير سيور وتغير سير روح لحسني مثلا الكهربائي يشيك على الكهرباء كلها
لو فيه حاجه ف العفشه عندك عصام او جاسم سواء عفشه او ميكانيكي
يعني ال 3 حاجات دول وصيانتها اول باول
وان شاء الله مش هتشوف منهها اي حاجه وحشه نهائي
الف مبروك وربنا يباركلك فيها
ويديلك خيرها ويكفيك شرها
بالاضافة الى ما سبق
لازم تتأكد ان الكاوتش تمام
لانه عنصر الامان الاول فى العربية
وشوف اللى قبلك كان ممشى الصيانة ازاى
وكمل
والف مبروك مرة تانية
الف الف مبروك ...
اشكركم على قبولى بينكم كعضو جديد. السيارة si 93. معلش هتكون اسئلتى كتير فارجو من سيادتكم الصبر. اريد ان اعمل الصيانة فارجو معرفة ما هو المطلوب. ومنين اشترى وما هى المطلوب شراؤة. وبعد كدة اروح لمين لعمل الصيامة و يكون رجل امين وعندة ضمير. ارجو التفاصيل والاسعار للمعرفة قبل التحرك وشكرا.
مبروك عليك وربنا يديك خيرها ويكفيك شرها
بس اهم حاجه في الاول بشويش على العربيه وبلاش جري لحد ما تطمن للعربيه وتتاكد ان كل حاجه تمام (أنا عارف ان السيفيك بتموت في الجري :Copy of m-s5:)
اشكرك انا لسة ماشى واحدة واحدة علشان لسة بتعود عليها واخليها تتعود عليا بردة. بس عايز اعمل الصيانة وعايز حد يكشف على على العفشة واليكانيكا وكمان اية تانى مطلوب والاسعاروالمصنعية. ارجو من سامح باشا الخلاصة من الاول للاخر. وشكرا
ياباشا ربنا يباركلك فيها ويحفظهالك , ويديك خيرها ويكفيك شرها
مبدأيا : هتعمل الصيانة العادية , هتغير الاتى :
1- سير كاتنية اصلى ب 330 جنية , واليابانى ماركة sun ب 130 جنية والامريكى ب 100 جنية , خليك فى اليابانى او الامريكى بيقعدوا 70 الف كيلو وزى الفل
2 - سيور ( التكييف - الباور - الدينامو ) كل واحد فيهم ب 45 جنية ونوعهم يابانى sun وبيتغيروا كل 50 الف
3- بلية كاتينة ( اذا كانت محتاجة متخليهوش يغيرها وخلاص لأ يكشف عليها الاول وهو بيغير سير الكاتينة وسعرها ( 110 جنية ) يابانى , الاصلية غالية ب 350 جنية وموجودة فى التوكيل مش هتلاقيها برة
4- هتغير البوجيهات بنوع ( ngk paltinium ) هتجيبهم من عند شارع قدرى فى السيدة زينب قدام مستشفى الحوض المرصود ( شركة محمد توفيق ) ودة الوكيل المعتمد لشركة ngk تمنهم 120 جنية وبيقعدوا 80 الف كيلو وممتازين
5- هيتم المراجعة على الاتى ( شحن الدينامو + البطارية ) - العفشة كلها وتشوف محتاجة اية - تكشف على تيل الفرامل امامى وخلفى - ويتم تربيط العفشة كلها - ضغط الكاوتش وظبط زوايا وترصيص ان احتاجت - ومراجعة حالة الكاوتش وملئة بغاز النيتروجين بدل الهواء
6- تغير زيت المحرك : هتقولى حالة المحرك عشان اقولك الزيت المناسب
7- تغير زيت الفتيس : هتجيب زيت موبيل atf 220 هتشترى 4 علب , وهتصفى زيت الفتيس كويس جدااا , وتحط الزيت لحد مايوصل عندك للماكس , والفتيس عموما بياخد 3.2 لتر بس اهم حاجة مايزيدش عن علامة ال max ومايقلش عنها
8- زيت الباور يتم الكشف علية - يتم تغير زيت الباكم الخاص بالفرامل وهتجيب dot 4 المانى عشان تحافظ على الماستر
9- يتم مراجعة كل خراطيم المياة وتشوف اللى بايظ منة او على وشك انة ينفجر يتم تغيرة فورا , وتعمل تنظيف للريدياتير والسربنتينة من الخارج بضغط مياة خفيف
10- يتم تنظيف الايدل + البوابة - وظبط السيارة على الكمبيوتر عشان لو فية اى عطل فى حساس او قراية غلط نقدر نعرفها منين
11- التكييف عندك لو حاسس انة ضعيف شوية , يبقى لازم يتعمل لية صيانة محترمة عشان يرجع لكفاءتة
هتشترى بقى الحاجات دية منين
1- مجدى الدسوقى
2- توشكى
3- علاء حفنى
دول فى الحرفيين
اللى يعملك السيرفيس بتاع العربية , قدامك اتنين
1- جاسم فى الحرفيين
2- احمد حسانين خلف السندباد ودة ممتاز عشان كمان عندة كمبيوتر وارشحهولك
3- وحسنى الكهربائى فى اى شغل خاص بالكهرباء ( ممتاز ماشاء الله علية )
واى حاجة احنا فى الخدمة
سامح باشا اشكرك على الرد الوافى. انا هنزل اجيب الحاجات المطلوبة فى اسرع وقت انشاء الله. ولكن من ترشح لى لشراء الطلبات و سوف اذهب لاحمد حسنين ولكن اريد العنوان او التيليفون لمعرفة المكان. وهل هو بردو يكشف العفشة مع الميكانيكا. ولو فى مشكلة فى جلب المقصات يتجابو جديد بردو وهو يغيرهم وما سعرهم. وارجو المساعدة فى الكبالن حيث اسمع تكتكة خفيفة. فهل هو بردو يكشف عليهم ويغيرهم. واشتريهم جديد ولا مستعمل وهل ياتو كاملين بيتغير جوان. وما مجموع المصنعية. بالنسبة للموتور الحالة جيدة جدا وتقريبا 85% 2 كامة فما هو الزيت المناسب للموتور. اخر سؤال هل حسنين يعرفك سامح باشا قصدى هل يمكن التوصية. اسف للاطالة وشكرا
الف مبروك يا باشا وربنا يكفيك شرها