الف حمدالله على السلامه
ربنا يسترها معانا جميعا
عرض للطباعة
الف حمدالله على السلامه
ربنا يسترها معانا جميعا
ربنا يخليكم ليا كلكم يا جماعة و شكراَ لدعواتكم جميعاَ .
و متقلقش يا كريم مش إنت لوحدك lol الإحساس كان غريب جداَ زي ما تكون إنفصلت عن المكان و بتفكر إيه اللي يتعمل بس مبتعملش حاجة و قاعد تتفرج تشوف إيه اللي هيحصل و كل ده في ثانية واحدة .
يا لهووووووووووووووووووووووو ى حمد لله على سلامتك يا محمود
انت مشيت كده من غير ما تنزل تمسك السواق ده وتحطه تحت العجل ؟؟؟؟؟
الله ياخدهم هو مش كفايه عربجه فى السواقه كمان افلام اكشن ورعب على الطريق هى ناقصه والله ده حرااااااااااااااااااااااا اااااااااااااام بئه الواحد لو سلم من سواقين الميكروباص والنقل يموت بالسكته القلبيه من سواق جرار
ربنا بنتقم من اللى مشغله
و نعم بالله يا علا .. و لو إن ده بقي العادي في مصر إن الواحد إحتمال يموت كل يوم و انا بنصح أي حد عايز يتعلم السواقة في مصر إنه يسيبه من دروس السواقة و ياخد فرقة صاعقة .
زمان كان البطل هو اللي بيحارب عشان بلده دلوقت بقي البطل اللي بيقدر يحافظ علي نفسه علي قيد الحياة .. في بلده .
البتاع اللى فى صور الحادثة ده اسمه لودر وليس جرار، انا اذكر هذا ليس بغرض الفزلكة واستعراض المعلومات ولكن لتوضيح فارق هام جدا، الجرار-اللى هو بعجلة كبيرة من ورا وعجلة صغيرة من قدام ومالوش جاروف من قدام وغالبا بيكون لونه احمر- بيترخص بنمر(جرار زراعى) لونها اخضر ويحق له السير على يمين الطريق وهو المعدة (بضم الميم وكسر العين وتشديد الدال) الوحيدة التى يمكن ترخيصها للسير فى الطريق
صورة جرار زراعى
http://img.alibaba.com/photo/1134839...260_60_Hp_.jpg
لكن الوضع يختلف تماما بالنسبة لكل ما هو لودر او بلدورز او جريدر او فوركليفت ...الى آخر كل هذة المعدات اللى لونها بيكون اصفر فى العادة،كما فى الصور التالية
صورة لودر
http://www.dankoconstruction.com/images/644loader.jpg
صورة ونش
http://eng.gazgroup.ru/data/news-ano...O-4225A-06.jpg
صورة جريدر
http://www.leeboy.com/cms400/uploade...r%20Grader.jpg
صورة فوركليفت
http://www.hupchingfl.com.my/images/...n_Forklift.jpg
كل هذة المركبات الموجودة باللون الأصفر فى الصور الأربعة السابقة لا ترخيص لها ولا لوحات ولا يحق لها السير فى الطريق نهائيا وانما تنقل من موقع لموقع بواسطة سيارات النقل المناسبة، كما فى الصورة التالية
http://www.crouchrecovery.co.uk/images/low-loader.jpg
وده طبقا لقانون المصرى مش قانون موزمبيق ولا مدغشقر، يعنى مش كونه عمل حادثة ونام هو اللى غلط، لكن ده وجوده فى الشارع اصلا جريمة ، يعنى احنا لو فى بلد بتحترم نفسها مجرد ظهور البتاع ده فى الشارع يدى الحق للمرور انه يسحبه على بعضه او تطبيق عقوبة قيادة مركبة غير مرخصة على الللى سايقه، فما بالك بارتكاب حادثة بشعة زى دى
بس هو فين المرور؟ لأ معلش المرور اصله مش فاضى. مشغولين بيلموا الفيردة بتاعة الرادار والحزام والموبايل
حمد الله على سلامتك يا محمود بس فعلا الواحد لما بيحصلوا موقف زى ده بتقلب معاه بتتنيح و مبيبقاش عارف يتصرف ازاى كويس ان ربنا سترها معاك انا لسه والدى عند الهايبر مقلوبه قصاده عربيه من الناحيه التانيه كان الفرق بينه و بينها صباع فربك هو اللى بيستر و حمدالله على سلامتك تانى يا محمود
الف حمد الله على السلامة
وربنا يحفظنا جميعا بفضله
ويصلح الحال يارب
المهم ان الواد اتمسك ويعلموه الأدب شوية
بس انت تلاقيك لسة شايف تايتانيك على الـ OTV من يومين كده صح ؟ :D
انا كمان لسة شايفه
لأن وانت بتحكي الحكاية وقبل ماتقول الحتة دي جه في بالي نس المشهد باظبط (المخنة بتاعت السفينة والحبال بتاعتها بتتقطع وبتقع بالراااااااحة ودب)
كلام مظبوط يا سبعاوى
و خاصة إن دا المجال إللى شركتى شغالة فيه