-
بيقول لك ( طول مالطماع موجود .. النصاب بخير ) وكل المجادله دى .. والكلام اللى بتقوله لنفسك وللناس ده كلاسيكيات الطمع المعتادة .. وشكلك هاتقع !!! علشان النص التانى من المقولة يكتمل .. النصاب بخير .
-
قولها تعالي و انا اتزوجك ... و مهرك ال 10% من ال 30 في الميه و اجيبلك فلوسك و اظبطك
و ياسلام لو ترجعيني معاكي امريكا يبقى كتر خيرك .. وو هادفعلك ال 10% التانيه ...
بكده يا معلم تبقى نصبت عل الماده الخام للنصب ...
اتجوزت سوريه كام يوم ... وخدت الجنسيه الامريكيه ..... و خدت 400 الف دولار
يا سلااااااااااااااااام ...........زززناس طيبين قوي يا خال
-
نصب. 1 صاحبي إتنصب عليه في 37,000 دولار أمريكي.... كان النصاب بيقول إنو تاجر من جنوب أفريقيا و نصب على صديقي مع اني قلتلو إن الرجل نصاب عشان صور مستندات الشحن غلط و طلع صاحبي المصري مكشفش على الرجل كويس في سفارة جنوب أفريقيا. صديقي كان عاوزني اشاركه، قبلتلو أنا ادمانك و أعرف عجين حقي منك لكن أجيب الحرامي ده منين بظبط من بلد فيما وراء البحار؟ المهم إستلف فلوس من 1 صديق لينا و حت تحويشة عمره و لبس و حول الفلوس ذي الشاطر برة مصر... في الآخر رحنا السفارة و المسؤول قلنا من مستوى النصب إن ده نصاب من نيجريا و قاعد في جنوب أفريقيا عشان خلاص إسم نجيريا اطلت يا مدير! و قلنا إنو ميقدرش يساعدنا في حاجة عشان الفلوس خلاص إتحولت و الرجل ممضاش على أي مستند بتحويل بضاعة. انسى الموضوع خالص و لو رد عليك قلو أنا صرفت نظر و توقع بردو إنو هيزن عليك... الموضوع مش حيروح بالساهل، بصراحة هو مش هيلاقي زبون عدم المؤاخذة يستلطخو بسهولة كل يوم يعني! و ممكن تلاقي رسالة تقولك بعد شوية مبروك كسبت اليانصيب و الذي منو... أكيد كلمة 1 لا غير..... إهرب بجلدك فوراً و لو كملت يبقى لا تلومن إلا نفسك. أخوك أحمد سامي - موظف شحن سابقاً في شركة شحن إيطالية عالمية و تذكر دائماً المثل البلدي الشهير... الحداية ما تحدفش كتاكيت!!
-
شكلها هتلعب يا حمادة ،، متابع .
-
هههههه- فصلتوني ضحك
ياعم ده نصب
اقولك اللي حصل معايا يشبه ده وكنت شاكك انها نصابه - بعت كل بياناتي ماعدا رقم الحساب البنكي وعملت انا ناسيه واني شربت المقلب - راحت قلتلي خلاص براحتك يومين وبعت لها الميل وقلتلها فين الورق اللي انت باعتها قالت ان اتعاب المحاماه هنا كتير قوي وانها محتاجة 3500 دولار للمحامي و900 دولار توثيق في السفارة و120 دولار رسوم فيدكس وهي ممعهاش وطالبه فلوس من ناس قرايبها واصدقاءها يساعدوها - قلتلها براحتك خدي وقتك - كل شوية بقي تبعت في صور ليها وتتكلم باسلوب حلو وانها عاوزة تعملي تاشيرة زيارة للولايات المتحده وليها اصدقاء كتير ممكن يساعدوني وكل الهبل ده - وانا بأرد عادي - جت في يوم قالتلي انها خلصت الاجراءات والمحامي عاوز فلوسه كامله وصديقها مش قادر يجمع المبلغ - وان موعد المطالبة باقي علي 10 ايام ولو محدش قدم الاوراق وطلب للامم المتحدة الفلوس هتتصادر -ويسقط حقها في المطالبه بيها وان وقت كتير ضاع وانها بتطلب مني كجنتل مان اني اساعدها واحولها الفلوس علي حساب هتبعتهولي وهتعطيني 15% من قيمة المبلغ اللي هو 1.25 مليون دولار - فانا وافقت وطلبت منها رقم الحساب فارسلتلي رقم حساب في نيجيريا ولما عملت سيرش علي الرقم لقيت ناس كتير كاتبه ان حساب لاشخاص وهميين وبلاش تحولو فلوس ليه - فانا قلتلها اني مش قادر اجمع الفلوس وسالتها ازاي حساب في نيجيريا هيوصلها الفلوس فقالت ان دي وسيلة لتفادي الحكومة الامريكية عشان هتدقق معاها وهترفض لجوءها وهترحلها علي سيراليون اللي هربت منها بسبب المعارك وان المتمردين اسروها وكانو عاوزين يبيعوها في سوق الرقيق وانها لو رجعت هتلاقي مصير مظلم واني كجنتل مان ممكن اخلصها من العذاب ده واغير حياتها للابد - وانا اقولها مش قادر اجمع المبلغ عندي مشاكل وهي بتستموت حتي لما 10 ايام عدو فضلت تقول ان فيه امل وهتعطيني 30%- وبعدين وصلتهم ل70% اهم حاجة ابعتلها ال4000 دولار وانا برضو باشتغلها لغاية ماقالت حول اي مبلغ يساعدني ان شاء الله 100 دولار وانا عامل فيها عبيط واقول حاضر لحد مازهقتها في عيشتها و زقت مني وبطلت تبعت رسايل
-
-
نصب
و بيلعبوا على واحد زيك فاكر انه مش نصب و فاكر انه "و فيها ايه يعني"
طمعنجي بنا له بيت ...... فلسنجي سكن له فيه
-
استمالة الوازع الانسانى والطمع المادى و النازع الدينى فى رسالة وحدة معنها حاجة وحدة ...... نصب
-
الاميل بتاعى ملياااااااااااااااااااااا ااااااااااااااااااااااان رسايل من دى
وانا ولا كأنى شفت حاجه
-
النصاب بيكون عايز يكسب ثقة الضحيه باسرع وقت
هيه بعتتلك صورة الباسبور ولا انت اللى طلبت
قالتلك هديلك نسبه من الفلوس ولا انت اللى طلبت
((مساعدتك الشخصية لي باستلام الصناديق باسمك )) ولما تلاقى فيها مخدرات ولا اثار ده على اعتبار ان فى صناديق اصلا
** : من كتر مابنشوف حالات نصب لو شوفنا حد محتاج مساعده فى الغالب بنقول عليه نصاب
Content Relevant URLs by
vBSEO 3.6.0 PL2