هي دي خلاصة الموضوع و ده اللي بيخلي الناس دي تعرف تنصب
مثل سمعته و شفته بيتطبق قدامي في حالات كتير
النصاب ميعرفش ينصب الا على طماع
انا بتكلم بصفه عامه و مقصدش اي إهانه لصاحب الموضوع
استاذ خالد
بحكم خبرتى أعرفك انا طرق النصب
العملية لا تتعدى شئ من الاثنين
اما طريقة بسيطة و الغرض منها بداية استنزاف اموال صغيرة منك تحت ادعاء
فتاة أجنبية ترغب فى الزواج من مصرى ( قال يعنى المصريين مقطعين السمكة و ديلها )
يانصيب او شئ مشابه و تطلب مصاريف ادارية ، هذه الطريقة لو نجحت بتخسرك فلوس بس و على فكرة القائمين عليها 99% من نيجيريا بالاستعانة بفتيات حقيقيات من روسيا او اوكرانيا او امريكا و مركزهم بيبقى روسيا او اوكرانيا او انجلترا او التشيك او هولندا او جنوب افريقيا
الطريقة الثانية و هى اخطر و معقدة للغاية
و هى عبارة عن تهريب فلوس مسروقة او عمليات غسيل اموال بشبكة معقدة ، الفلوس دى بتلف على كذا دولة قبل ما تروح مقرها النهائى فى نيجيريا او غانا ، و طبعا علشان تلف لفتها لازم تخش و تطلع من كذا حساب فى كذا دولة علشان يبقى مستحيل تعقبها
طب النصب بيتم بطريقة من طريقتين
الطريقة الأولى رقم حساب فى مصر تخش الفلوس و تطلع منه فى نفس اليوم بتحويل الكترونى و صاحب الحساب غالبا مش بيتابع يوميا و الطريقة دى كانت منتشرة قبل 2011 دلوقتى مع تشديد الرقابة على التحويلات و قيود التحويل من مصر اصبح فيه الطريقة الثانية .
جواز سفرك و بياناتك و يتفتح بيها حساب الكترونى فى احد بنوك الدول ذات الرقابة الضعيفة ( أفريقيا او شرق اوروبا )
الفلوس تتسرق فى امريكا او فى انجلترا ( من الكريدت كارد أو من تحويلات الكترونية ) و تتحول على حسابك و من حسابك تتحول على حساب تانى و تالت لغاية ما تتسحب طبعا الحسابات الى بتستخدم فى النصباية دى بتستخدم لمرة واحدة و تتقفل بعديها و لكن يوم ما تتكشف بتيقى كارثة لان فيها قضية فيدرالية و ما ادراك يعنى ايه قضية فيدرالية يعنى ليه الحق يتتبعك فى العالم كله و شفت قبل كده قضايا من هذا النوع فى روسيا و اتحكم على نيجيرى و مراته الروسية 15 سنة و الله أعلم كان فيه قضية فى مصر برضه زى كده
من الأخر لا ترسل اى معلومات عنك او صور مستندات و بالطبع أى اموال الى اى شخص فى الكون مقبلتوش شخصيا وجها لوجه و عارف عنه كل حاجة
السلام عليكم
بقولك ايه انا مش هقولك نصب
بس هقولك حاجه واحده بس انت عاوز كام ميل من دول
عندى اللى يعدى العشره او يزيد كمان وكلهم متنوعون فى الاحداث
انا بصراحه مش بفوت ميل واحد منهم :)
اصلى بكون محتاج انى اضحك وانبسط شويه
يا راجل حرام عليك ده مش نصب ده هبل مفيش حد يقدر يصدق الكلام ده غير واحد بس ولآنى بفترض فيك حسن النيه .... اكيد الشخص ده مش انت عارف الشخص ده مين ؟؟؟؟
الطماع
والناس قلتهالك كتير وانت مش واخد بالك
طول ما الطماع موجود النصاب بخير
أبسط شئ-بفرض ان الموضوع حقيقي-
إنها كانت هتتصل بمحامي من المعروفين في مصــر
وتخليه يتولى الموضوع
انما واحد ماتعرفوش...!!!ومبلغ مهول زي ده..!!!
انا مستغرب اننا بنتناقش في الموضوع اساسا
اكتب الرقم والرجالة تهريها رنات ههههههههههه عشان تعرف انها غلطت لما اختارت مصري سيحلها. بس اللي هيتفتح عليه انتا ملزم تعوضه ماديا :-p
غسل اموال صريييييييييييح
حقيقى التوبيك دا جاااااامد ^_^
السلام عليكم انا عندي نفس النص وهذي تقريباً ثاني مره ينطلب مني صوره الجواز بس بكذا طريقه و نفس النص و الرقم يراسلني من فتره و الرقم نفسه
كان الحساب بكلمني بلهجه مترجمه من قوقل
بلاش طمع، انت عارف مصدر الفلوس؟ مش ممكن تكون مخدرات؟؟
ده لو الكلام ده صح.
بس الاكيد انه نصباية
احذر الطمع ..