الموضوع: استشارة محتاجة رأي أصحاب الخبرة واساتذة المنتدي

المشاركة الأصلية كتبت بواسطة mmamdouh

العربية مفيهاش جوان وش... متسمعش كلام الميكانيكى

فيه منتج من شركة abro عبارة عن علبة بلاستيك جواها ما يشبة التراب بتتحط على مية التبريد... المادة دى بتدوب فى المية و اول ما تتعرض للهوا بتتجمد و بالتالى بتسد اى تسريب فى دورة المية

يفضل قبل ما تستعمل المادة دى تكبس دورة التبريد عشان تعرف مصدر التسريب اللى بينقص المية 4 سنتى يوميا

mmamdouh

جزاكم الله خيرا يا باشا
سأضع المادة التي أوصيتم بها في دورة المياه غدا
شكرا جزيلا

المشاركة الأصلية كتبت بواسطة tarek_2005

دا التعبير الدارج بين الناس والصنايعية (( اخدت هواء من دورة المياه )) الصح هل افرغت الضغط من دورة المياه

غطاء القربة في الدورة المغلقة مصمم انه به بلف عند زيادة الضغط يخرج الضغط الزائد من عند الغطاء وعند تلف هذا البلف بنغير الغطاء لنقصان المياه

المقصود بافراغ الضغط هو عند ملئ الدورة بالمياه ثم غلق الغطاء وادارة المحرك بيزيد الضغط داخل الدورة نتيجة ارتفاع الحرارة وعند برودة المحرك يقل الضغط ولكن تاثير الحرارة علي المياه ليس كتاثيره علي الهواء لا في الضغط ولا الحجم فالهواء يتمدد اكثر بكثير من المياه ولذا يفضل عند برودة المحرك بعد عملية ملئ الدورة بالمياه او زيادتها انك بتفتح الغطاء لخروج الضغط الزائد للهواء وفي الدورات المغلقة تاثير عدم عمل هذا الاجراء بيتركز في شيئين الاول هام وهو تقليل الضغط علي بلف غطاء القربة وبلف زيادة الضغط في طرمبة المياه

السبب التاني وليس زو اهمية شديدة هو انتظام سريان المياه بالدورة ودا بيزيد من عمر الاجزاء الكاوتش في الدورة

الأستاذ المحترم طارق : أنا بالفعل عملت ارشاداتك وملأت القربة صباحا ..ثم جعلت أخويا دور العربية ولم تخرج أي مياه باندفاع ..اللهم بعد 5 دقائق بدأت الميه تنزل قليلا جدا خارج القربة وببطئ ثم وجدتها فجأة نقصت نوعا ما وكأنها ملأت فراغا داخل المواسير تأكدت من صحة كلام سيادتك وإن بداخل الدورة ضغط او هواء..
مش عارف اقول لحضرتك غير جزاكم الله خيرا وزادك الله علما وفهما وخلقا وصبرا على إلحاحي في طلب الاجابة لكنه الانسان الذي خلقه الله عجولا ..جمعنا الله وإياكم في الجنة