الموضوع: ممكن سعر الفائدة السنوية علي الدوﻻر في hsbc

المشاركة الأصلية كتبت بواسطة trondo

ياستاذ عمر

الhsbc الاونلاين عنده الاول فى مصر بدون منازع و شكلها كده حسابك فى ال qnb

شتااااان فى الفرق

اهم مميزات ال hsbc online

البنك الوحيد له ابليكشن على الابل ستو علشان الايفون
تحويلات اونلاين حسابات داخليه و خارجيه
تقدر تفتح حسابات جديدع اونلاين
تطلب دفاتر شيكات
تدفع فواتيير حاجات كتيره جدا و منها ممكن تحدد دفع فواتير فى ميعاد محدد يوم كذا ادفع فاتوره لينك مثلا ١٤٥ جنيه ... اتوماتيك
فواتير تليفون ارضي و نت و موبيل و تتبرع كمان
تدفع كمان تذاكر طيران مصر للطيران
شحن رصيد لتلات شبكات بكل الفئات
دا غير السيكيورتى العاليه بتاعته

انا بتعامل معاهم من ١٠ سنين فى هونج كونج و مصر.... اساس البنك هونج كونج

اختصار hsbc
hongkong and shanghai banking coporation

يا افندم انتا واضح انك انسان سمارت جدا.
أنا فعلا حسابى فى مصر فى qnb وبصراحه خدمات الأون لاين عندهم وحشه جدا بس من ناحيه تانيه هما تعاملهم كويس جدا ومريحين جدا.
لكن فى الخليج انا ليا حساب فى hsbc من سبع سنين وفعلا باعمل عليه كل اللى حضرتك قلت عليه وهو عنده خدمات الآون لاين ممتازه.
انتا حضرتك كدا حاتخلينى افتح حساب فيه مصر .

مافيش حاجه اسمها عموله السحب من الخارج :
مثلا انا كنت في السعوديه - و كنت بسحب من اجهزه ساب - هو اسمه كد هناك - بيحول بسعر التحويل بس اغلى شويه من سعر البنك - 3- 4 ساغ في الريال فرق .
عموله التحويل اون لاين جوه مصر 14 جنيه لاي مبلغ للحساب الادفانس و اعتقد العادي ب 20 جنيه - و لا تمن اقل مشوار و بنزين وركنه ...الخ
برضه عموله الكريديت زيها تقريبا او حتى ممكن تكون بسعر البنك . يعني تشتري من بره بسعر البنك هنا او ازيد برضه حاجه بسيطه ..

الحد الاقصى للسحب هو هو نفس الليميت اللي حسابك عليه
يعني الكريديت بتاعي له يسحب 50 الف .. ممكن اشتري ب 25 الف ريال تقريبا ... الخ

للتصحيح
فى اي بنك يوجد عمولة للسحب من خارج مصر بتبقى حسب البنك - من حوالي 8 الى 20 جنيه لمرة السحب الواحدة
كما يوجد عمولة للسحب لو استخدمت الكارت داخل مصر بس مش فى نفس الشبكة بتاعتها - يعنى مثلا لو استخدمت الHSbc فى شبكة CIB (برضه حاجة بسيطة تقريبا 8 - 10 جنيه)

زائد توجد عمولة طفيفة لتحويل الجنيه المصري لعملة البللد اللى بيتم فيها السحب ( قروش قليلة) ماعدا العملات الاجنبية بتحس بيها توصل ل 20- 30 قرش فى الاسترليني مثلا

عمولة السحب ملغاة فى حالة الشراء فقط و ليس استخدام ال ATM

تحويل الاموال عن طريق البنوك داخل مصر بتبقى من 20- 60 جنيه ( نسبة بسيطة من المبلغ المتحول) و بحد ادنى مذكور حسب كل بنك

تحويل الاموال من الخارج الى داخل مصر - على حسب كل بنك بياخد عمولة و ممكن تكون كبيرة نسبيا الا لو البنك عامل اتفاقية مع بنك محلي هنا فى مصر او لو كان ليك حساب عالمي بيسمح للتحويل بمصاريف بسيطة

كل بنك ليه لمت سحب على حسب نوع حسابك و نوع كارت السحب بتاعك
- عادي - كلاسيك - بلاتنيوم - تايتنيوم و هكذا
لازم تسأل البنك اللى بتتعامل معاه
تقريبا

العادي 6 آلاف يوم و بحد أقصي 2 الف مصري للمرة
ممكن توصل ل 50000 الف مصري فى اليوم بحد اقصي 8 او 10 الف فى المرة الواحدة و ممكن تكسر القاعدة على مسئوليتك و تقدم طلب فى البنك او اونلاين
حول كل المصري لعملة البلد اللى رايحها تعرف الليمت بتاعك هناك كام

المشاركة الأصلية كتبت بواسطة mk3

لو حضرتك تعرف عموله التحويل لخارج مصر كام
او ممكن رقم البنك اكلمهم

عموله التحويل تقريبا ٣٠$ مصاريف السويفت و ١٠$ عموله البنك المراسل و ٣$ لكل ١٠٠٠ دولار

رقم البنك ١٩٠٠٧

المشاركة الأصلية كتبت بواسطة omar101970

يا افندم انتا واضح انك انسان سمارت جدا.
أنا فعلا حسابى فى مصر فى qnb وبصراحه خدمات الأون لاين عندهم وحشه جدا بس من ناحيه تانيه هما تعاملهم كويس جدا ومريحين جدا.
لكن فى الخليج انا ليا حساب فى hsbc من سبع سنين وفعلا باعمل عليه كل اللى حضرتك قلت عليه وهو عنده خدمات الآون لاين ممتازه.
انتا حضرتك كدا حاتخلينى افتح حساب فيه مصر .

ياباشا ميرسي لذوقك
انا عندى خبره فى الخدمات البنكية بحكم شغلى فى الاستيراد و اتعاملت معا بنوك بره و جوه مصر

انصحك لو هتفتح حساب افتحه ادفانس او بريمير حسب تعاملاتك
و هتدلع اخر دلع :)

تحياتى