مصر بلد 7000 سنة حضارة

**amr100** · 23-06-2014 07:24 AM

مصر بلد 7000 سنة حضارة ماذا تمثل لك هذه العبارة الان بالنسبة لي عندما اسمعها اشعر بقهر وحزن شديدين واحس ان احنا دلوقتي خايبين قوي

**automea** · 23-06-2014 07:32 AM

عبارة فاشلة عبارة كاذبة هاتلي واحد من المصرين دلوقتي شارك في بناء الاهرمات او الاثار , مش احنا الي عملنا الحضارة دي يبقى منقولش احنا الي عملناها المصرين عبارة عن بقايا ناس كانت بتشتغل وتنحت وكانت مبتقفش وكانت في كل يوم في ابتكار واختارع احنا ولا شيء منهم احنا تكالين طيب الاجداد عملوا حضارة احنا عملنا ايه ؟؟
عملنا سلسلة مطاعم ام حسن :d

**automea** · 23-06-2014 07:34 AM

امريكا روسيا انجلترا ليس لهم حضارة 7000

وشووووووووووووووووووووووو ووووفوا وصلوا لايه ؟؟

**shiko85** · 23-06-2014 08:12 AM

المشاركة الأصلية كتبت بواسطة automea

عبارة فاشلة عبارة كاذبة
ايه الفشل و الكذب اللى فيها ؟؟؟
هاتلي واحد من المصرين دلوقتي شارك في بناء الاهرمات او الاثار , مش احنا الي عملنا الحضارة دي يبقى منقولش احنا الي عملناها
و هل فالصين مثلا اللى عندهم سور الصين العظيم قالوا ان اللى بنى السور مش هم الصينين الحاليين ؟؟
المصرين عبارة عن بقايا ناس كانت بتشتغل وتنحت وكانت مبتقفش وكانت في كل يوم في ابتكار واختارع احنا ولا شيء منهم احنا تكالين طيب الاجداد عملوا حضارة احنا عملنا ايه ؟؟
للأسف كل ده مقصود
حضارات كتير و بلاد كتير هدفها القضاء على مصر و تحوليها الى بلد كلها جهل و تخلف لمصالحهم الشخصيه
لو افتكرنا حال مصر قبل اى حرب او عدوان عليها هتلاقى ان مصر كانت فبدايه طريق التقدم و الأزدهار فا كان لازم مصر تدخل حرب علشان التقدم و التطور يقف
ابسط مثال الطائره المصريه الهنديه فعهد عبد الناصر لو حضرتك تراجع مواصفات الطائره دى فالوقت ده هتلاقى انها كانت متقدمه عن باقى الطائرات اللى بلاد منتجه للسلاح كانت بتصنعها زى انجلترا اللى عرضت على مصر انها تنقل التصنيع عندها و مصر رفضت و عرضت على الهند انها تعمل شراكه معاها بعيد عن مصر و الهند رفضت و كان الحل الوحيد هو اغتيال اللى شغالين فالمشروع ده و مشاريع تانيه كتير
بس الفرق ان المصرى مش بييأس و هيرجع تانى زى الأول و احسن لان مفيش نجاح طول الوقت ولا فشل طول الوقت

**M R. Z E C O** · 23-06-2014 01:05 PM

العبو غيرها

**mr_vampire** · 23-06-2014 02:13 PM

زي اللي شغال في شركة فاشلة كانت كسبانة زمان. ولا هو هياكل عيش ولا تاريخها هينفعه.

**a7medsh3rawi** · 23-06-2014 02:45 PM

مصر ياما شالت هموم ووقفت جنب كل دول العالم
7000 سنه وهى تحت الظلم من فراعنه لهكسوس لتتار للمغول لانجليز لفرنسييين
لعدوان ثلاثى ونكسه للاحتلال اليهود واخيرا حكم العسكر من سنه 1956 لغاية دلوقتى
امتى المواطن المصرى يعيش حياة حره كريمه
امتى المواطن المصرى ما يكونش خايف على حياته وبيته واسرته
امتى المواطن المصرى يقدر يفتح شركات ومصانع ويقدر ينتج ويطور بلده
امتى المواطن المصرى يسافر اى بلد بدون تأشيره او فيزا
يارب انت أملنا الوحيد فرج عنا ما نحن فيه

**Adnfalcon** · 23-06-2014 04:04 PM

بيقولك احنا تعبنا جامد واحنا بنبني الأهرامات والمعابد قلنا نريح 7000 سنه كتر خيرنا

**ramymechanics** · 23-06-2014 04:28 PM

محدش ياخد 1000 سنة من الحضارة دى ويدينا 100 سنة مستقبل ؟؟

**ahmedwagdy03** · 23-06-2014 05:06 PM

عبارة لا تمثل أى شيىء بالنسبة لى . لماذا ننسب لنا أمجاد ناس عاشوا قبل 7000 سنة و لم نساهم فيها و كل ماهو مشترك بيننا و بينهم أننا عايشين على الأرض التى كانوا عليها ( ورثنا أرضهم بما عليها )

و إذا كان لنا الحق أن نفتخر بحسناتهم فمن العار أن نتبرأ من مساوئهم ( إذا كنا نحن بناة الأهرام من 7000 سنة فنحن أيضا من هزمنا الهكسوس و إحتلوا أرضنا و نحن أيضا من إستباحنا الرومان و البطالمة و غيرهم و لا دى وحشة يبقى لا ننسبها لنا )

أصلا حرب أكتوبر نفسها ملك للأجيال التى عاصرتها و شاركت فيها فقط .

تعالى بقى قولى ماذا فعلت أجيال المصريين من 1980 و حتى اليوم كل يتفاخر بها الأجيال القادمة .