السلام عليكم

دى اول عربية ناوى اشتريها ومحتار جدا لان خبرتى فى العربيات قليلة وعمال ادور على حاجة مناسبة لية واحترت وكل لما تعجبنى حاجة واقول هخلص فيها اجى ابحث عنها فى المنتديات الاقي ليها عيوب

وتقريبا مجال المقارنة بين الاتي ومحتاج حد عنده خبرة يحسملى الاختيار لانى بجد تعبت

1- فورد اسكورت 99 1600 cc لفت باك ... عجبانى جدا
لكن الانتقادات الموجهه ليها ارتفاع اسعار قطع الغيار والسخونة فهل هذا صحيح ؟

2- اوبل كورسا 1200 سي سي موديل 95 .. مبحبش العربيات الصغيرة لكن وفق اماكنياتى

3- سوزوكى سويفت موديل تسعينات موتور 1300 مقتنع بيها بنسبة 60%

4- فيات بونتو مو 95 1300 cc

5 - فيات سينا مو 2001

انا عارف اني هتعبكم لكن انا فعلا محتار

عاوز اعرف افضلهم فى استهلاك البنزين والثبات والسحب والتكييف وعربية تكون بنت ناس متقرفنيش علما بان امكانياتي فى حدود 30 الف وآسف على الاطالة