الموضوع: الحدفة طلعت من الكاوتش

السلام عليكم ورحمه الله وبركاته

بعد ما لفيت السبع لفات ما بين عفشجي لميكانيكي لترصيص لظبط زوايا طلع العيب من الكاوتش
العربية كانت بتحدف فظبط زوايا بردوا بتحدف رحت لميكانيكي يمكن يكون فيه فردة بتمسك فرامل قبل التانية كله تمام رحت لفشجي لقي الدنيا تمام المهم ساب الورشة ورايح معايا عند بتاع الكاوتش قاله عاوز انقل الفردتين اللي قدام ورا والعكس واقلبهم بره ورصص
راحت الحدفة والحمد لله وعرفت اني داخل علي طقم كاوتش
وبردوا كان عندي طقطقة وصوت لما باخد ملف وافتكرت كبالن وكنت هجيبهم طلع العيب من الكارتيرة اليمين بتحف في الفردة وادينا بنتعلم
المهم عاوز نوع كاوتش كويس وبيعمل كام انا كنت مركب كاوتش سرعات علي الجنط 15 بس زبالة بيلم زلط الشارع كله ومقرف
فدلوني اجيب نوع ايه يكون كويس

اعلي حاجه ميشلان فرنساوي
بعده بردجستون ياباني
بعدين جود يير و بريللي
لاسا تركي ارخصهم وشغاله وفي حاجه جديده اسمها سافا