الموضوع: تعديل سوزوكى ماروتى

أ / noni67 ارجو ان تكون بخير و اريد ان اعرف منك اخبار الماروتى ايه معاك انا ارسلت اليك على الخاص لكنك اكيد كنت مشغول تقريباً . ارجو منك الافاده لأنى سأتريها قريباً .

المشاركة الأصلية كتبت بواسطة noni67

شوفوا يا جماعه
هى العربية طبعا بتاعه مراتى لكن انا باخدها منها ساعات لانى لحد الان بعد ما بعت الابيزا ما رستش على عربية من حوالى 3 سنين مستنى اقدر اجيب التيجو
انما الماروتى بسم الله ماشاء الله ادا غير متوقع منها بتاتا
انا لما مراتى حبت تيجبها مستعملة رفضت بشدة واصرت نجبها زيروا وحصل فعلا فى شهر 6 سنة 2007 وهى معانا لحد الان وزى ما قلت اداءها غير متوقع لدرجة ان احنا فى العيد دخلنا بيها الصحراء كان فى رحلة سفارى صوغنونة فى وادى الحيتان ووادى الريان وكان معانا واحد صديق معاه نيسان باترول ولما قلت له انى احنا هنيجى معاكم استغرب جدا وما كانش مصدق
لكن الحمد لله دخلنا احنا التنين وكان مش مصدق نفسة وبيبص لى باستغراب وانا ماشى بيها على مدقات وفى رمل ولا فى دمغاها حاجة خالص ماشية عادى جدا جنب نيسان باترول
المهم مش هاطول عليكم انا شخصيا للاسف كنت باحتقرها لكن بعد ما جربتها المدة دى كلها وللعلم احنا ماشيين بيها 45 الف كيلو فى المدة البسيطة دى لان مشاويرنا كتير الغرقدة الواحات شرم الشيخ مرسى مطروح اسكندرية فايد بورسعيد
وهى كل ده ما شاء الله صامدة ولا الهوا
طول الفترة اللى فاتت دى ما عملتهاش معانا خالص ولا حتى الاستبن نزل على الارض زى ما هوه فى الشنطة من يوم ما جبنها
اما عن سرعتها انا شخصيا قفلت عددها 150 كيلو متر ساعة مرة واحدة وانا راجع من الغردقة وكانت عادية جدا
علشان كده اقترحت على محمد ممدوح نركبلها تيربوا
المهم انا عايز اعدلها من برة ومن جوه وما عنديش حدود يا محمد فى التعديل ابدا
اتفقنا
اشكركم

كل اللي انت بتقوله ده علي الماروتي حضرتك متاكد انا بنت خالتي معاها وعمري ما فكرت اركبها ولا حتي لفتت نظري اساسا كان ميزتها الوحيدة من وجهة نظري التوفير في الوقود والحجم الصغير فقط لا غير وحط تحت لا غير دي 135 خط فودافون هههههههههههههه لاكن الصراحة بعد كلامك ده عنها انت شوقتني بجد اني اجربها وعلي كلامك تصنيفها بالنسبالي هيتغير خااااااااالص
بس برضه لا مؤاخذة يعني هيفضل يعيبها شكلها انا مش عارف ليه طول ما عملو عربية عملية زي ما حضرتك بتقول مقدروش يعدلو شكلها شوية
عموما ربنا يخليهالك ويديخ خيرها ويكفيك شرها