الموضوع: عايز نصيحه لمجالات العمل

الحاجه الوحيده اللي ممكن اشتغل سيلز فيها هي العربيات
علشان بحب المجال ده و بفهم فيه نوعا ما و بفهم في المستعمل برضوا
و حاولت كتير جدا بقالي سنين اني الاقي شغل في المجال ده ابدء فيه حتا لو مش مرتب كبير
بس مالقتش خالص لحد ماذهقت

ماشتغلتش سيلز قبل كده
و انا عارف نفسي اني هتخنق منه من اول يوم و هسيب الشغل
مش بحب الهري و لا بحب الناس الفقيعه اللي جايه تقفع مرارتي
سمعت من ناس صحابي حكاوي لو في مكانه هشتم العميل بالشركه باللي فيها
انا مش ناقص فقع مراراه الصراحه كفايه البلد الفقيعه و الناس الفقيعه اللي بنشوفها كل يوم

بص يا عمر خد كلام ده من اخوك صغير
لو فضلت ماشى بالمبدا ده و لا هتشتغل و لا هتعمل اى حاجه
باشا انا بكلمك على سلز فى شركات كبيره مش بقولك روح بيع امشاط و فليات فى المترو
فى شركات المنتجات بتعتها بايعه نفسها اصلن انتا مجرد وسيط
اكتر شغل يديك خبره فى اى حاجه فى الحياه هو السلز لان انتا بتتعامل مع كل اشكال البشر و بتتعامل مع فءه التجار و دى فءه من الاخر مدارس
من اول صاحب البقاله التحت البيت عندك لحد مدير كارفور
ممكن تشتغل سلز فى الادويه
سلز العربيات زه مفهوش اى مستقبل و لا فيه اى حاجه انتا مبتختلفش حاجه عن البيبيع كروت شحن فى الكشك
الحق نفسك يا حج العمر بيجرى و الشركات بقت تبص على الفوق ال ٣٠ انو بقا منتهى الصلاحيه
السى فى بتاعك هتلقيه سمك لبم تمر هندى
يعنى مش قوى كليتك مستقبله فى مصر غير مبشر
تحياتى

يا باشا من عارف ان كلامي غير مبشر
اومال انا داخل عامل موضوع ليه!!!!
علشان حاسس ان شويه و هجيب 30 سنه و هبقي ماوصلتش لحاجه برضوا
و في الحاله ديه هقعد جنب الحيط و خلاص كده
بس لازم يكون في الاعتبار مش كل حاجه الناس بتحبها و كل الناس تعرف تعملها
ذي مانت بتحب مثلا السيلز و كويس فيه
انا مش بحبه و مش هفلح فيه
الا كان بقي كل الناس شغاله نفس الشغل و بتشتري نفس الحاجه

و كلامك عن السيلز في شركات كبيره ولا كأنه مغاره علي بابا هتتفتحلي :d
مانا اعرف ناس شغاله سيلز و خدمه عملا و كول سنتر و كل الهري ده
ولا عملوا حاجه و لا هيعملوا من اللي شايفه و ناس كمان اكبر مني في السن

السيلز ده انا شايفه حاجه فشله بالنسبه لدوله متخلفه ذي بلدنا
كله بيع بيع مافيش اي انتاج و مش شايف يعني انهم اخدوا خبره وهميه مثلا علشان نقول ده السيلز حلو ..من الاخر بياع ولا تفرق بقي معاك شهاده كليه ولا ابتدئيه
اي حد بيحب الهري و فقع المراراه يعرف يشتغلها
وانا ولا بحب الهري ولا ناقص فقع مراره كفايه اللي عندي

المشاركة الأصلية كتبت بواسطة amr011111

ممكن تدرس دورة شبكات وتشتغل اى تى فعلا
خلاف ذلك يبقى الافضل ليك العمل الحر

المشاركة الأصلية كتبت بواسطة 3mr farrag

انا نفسي من زمان اشتغل اي عمل حر بس التنفيذ صعب من كذا ناحيه

اولا مش شايف حاجه اثق فيها اني ابدئها
ثانيا مافيش سيوله كويسه اني اشتغل شغل خاص حتا لو اتصرفت في فلوس خايف
اني اخسر و البلد بصراحه غير مشجعه و ناس كتير حالها واقف و بتخسر و هضطر ابدء من الاول تاني مع خساره الفلوس اللي هكون ممكن مستلفها و هتبقي دين عليا

ابدأ بشغلانه متخسركش
انا شايف انك كاتب فى البروفايل بتاعك انك معاك اكسنت
اشتغل عليها تأجير ومره على مره هتجيب عربيه واتنين وتلاته ويبقى عندك شركة تأجير سيارات

شغلانه حره تانيه
اى محل أكل وده إن شاء الله مكسبه بنسبه كبيره مضمون خاصة لو اخترت المكان الصح

المشاركة الأصلية كتبت بواسطة amr011111

ابدأ بشغلانه متخسركش
انا شايف انك كاتب فى البروفايل بتاعك انك معاك اكسنت
اشتغل عليها تأجير ومره على مره هتجيب عربيه واتنين وتلاته ويبقى عندك شركة تأجير سيارات

شغلانه حره تانيه
اى محل أكل وده إن شاء الله مكسبه بنسبه كبيره مضمون خاصة لو اخترت المكان الصح

العربيه استحاله اسبها لحد يأجرها و يبهدلها
و جربت موضوع اني اسوقها بنفسي و لقيت الموضوع مش جايب همه
هلكه و اللي بتطلع بيه مالوش اي لازمه جنب فحت العربيه و احيانا كنت الي باخده بصرفه علي العربيه

موضوع محل اكل متوقف انك لازم تكون بتفهم في اللي بتعمله و بتفهم ازاي يتعمل الاكل
علشان ما تكونش دايما تحت رحمه الصنايعيه
ده غير الايجار هيكون مكلف علشان تعمله في مكان كويس و صعب عليا الفتره ديه اصرف في حاجه مش متاكد منها

لسه امبارح بالصدفه لقييت واحد صاحبى عايز شباب عندك استعداد تشتغل سيلز اندور فى مول كمبيوتر كبير

تشكر يا باشا علي ذوقك
بس انا ماليش في شغل السيلز و مش حبه