كهربائى فى الدقى قبل نعمه بعد ما تنزل من كوبرى الدقى وانت رايح على جامعة القاهره
بشوف عنده عربيات كتير وكل الموديلات بس متعاملتش معاه
عرض للطباعة
كهربائى فى الدقى قبل نعمه بعد ما تنزل من كوبرى الدقى وانت رايح على جامعة القاهره
بشوف عنده عربيات كتير وكل الموديلات بس متعاملتش معاه
فكرت في كدة ... بس خوفت من موضوع الرطوبة وكنت عايز أعمل حاجة بنضافة بدون ما أمد سلك كدة طاير من البطارية ... عموما أنا إن شاء الله حجرب على العربية وأديكم التجربة المعملية :)
بس هل التوصيلات ديه موجودة ولا لاء :)
أهم حاجة :)
وغالبا أنا إن شاء الله حعملها بنفسي ... تبقى مصيبة لو أنا مهندس كهربا ومش عارف أركب Relay في دايرة هههههههه
انت مهندس كهربا وانا عمال أبسطهالك :)
المهم اللي بيخوفني من الفيوزات الاحتياطي انهم (أغلبهم) بيبقي ليهم وظيفة أو مثلا اوبشن مش نازل ف الفيرجن ده أو الفئة دي فا هي كدة كدة نفس الضفيرة بتركب علي أساس لو عاوز تزود حاجة تبقي الفيوزات بأغلب الضفيرة موجودة من غير ما التوكيل يلعب فيها.
المشكلة بقي لو السلك اللي واصلها قطره رفيع أو بالأصل مش متصمم يتحمل عليه أمبير عالي.. يبقي كل سنة وانت طيب :)
عشان كدة لما قلت عاوز تخليها برة ضفيرة العربية أحسن حل من البطارية بفيوز منفصل تماما بحاجات بعيدة عن أي حاجة بالعربية .. آخرها coil ال relay داخل علي جاك الكشافات الفابريقة وعمرها ما حاتعمل مشكلة وأقصي مشكلة ممكن تعملها التوصيلة دي كلها انها تفضي البطارية (علي اعتبار ان الفيوز مش حايطيرقبل كدة)
أنا روحت بصيت على العربية وقست بالمالتيميتر وفعلا مالقيتش على الفيوزات الـSpare أي فولت ... مع إن فيه كابلات مش عارف بتاعة إيه متوصلة من تحت عليها ... قلت فعلا كان عندك حق ... أنا ممكن أجيب fuse holder وأحطه جوا علبة الفيوزات عشان الماية وكدة ... ولقيت كمان إن فيه مكان آخد منه كهرباء (+) جوا العلبة :)
ربنا يكرمك ياباشا تعبينك معانا
وأنا آه مهندس كهرباء باور بس شغال بقى محطات ومولدات ومواتير ... المشكلة إني مش لاقي على النت الـ electrical wiring بتاعها ... فحاسس بالتوهان ... وكمان فيه مشكلة إني مش عارف المصطلحات بتاعة كهربائية العربيات ... يعني الـ fuse holder ده إسمه إيه عندهم ؟ حامل فيوزات ؟ ... والـ socket أبو 3 فتحات ده ليه إسم مثلا ؟