الموضوع: غوايش الفتيس ماهى مشاكلها اسبابها الحلول

غوايش الفتيس هى اجزاء مدورة مسننة و فى الغالب بتكون من النحاس ... علشان لو حصل تاكل يحصل فى الغوايش دى ....

اعراض تلفها ..... الغيار مش بيثبت مكانه ... او كما يطلقون عليه ... الغيار بينطر
و ده بيكون سببه تاكل الغوايش دى ... قالغيار مش بيفضل معشق و يفصل تانى ...

ان شاء الله احد الاعضاء يفيدنا اكتر

دى صورتين لغوايش الفتيس بس مش لبى ام

الغويشة بتكون بين كل ترس والتانى بمعنى الترس بتاع الاول وعليه غويشة بتمسك الحارة والتانى علية غويشة و هكذا مع الاستخدام او العمر الافتراضى الغويشة بتنعم

طب فرضا لقدر الله ان الغويسة بتاعت تانى نعمت يعنى بياخد الحارة بصعوبة او ينطر الغيار هتنزل الفتيس طبعا عند حد متخصص فتيسات ويغير غويسة التانى و الكلام دة بيفشل مع عربيات كتير بتكون محتاج تغير الترس كلة بالغويشة بتاعتة من فتيس تانى وكمان بتحتاج تغير ترس قبل او ترس بعد

بمعنى المشكلة عندى فى التانى يعنى غويشة بتاعت التانى هتحتاج انك تغير ترس وغويشة للتانى و ترس وغويشة للتالت كمان مع انة سليم

طبعا فك وتنزيل وتغيير زيت ومصناعية ثمنها بيساوى ثمن الفتيس فراى الشخصى وعن تجربة امشى على الفتيس لحد ما تجيب اخرة وبعدين هات واحد تانى استيراد

المشاركة الأصلية كتبت بواسطة hamisa08

الغويشة بتكون بين كل ترس والتانى بمعنى الترس بتاع الاول وعليه غويشة بتمسك الحارة والتانى علية غويشة و هكذا مع الاستخدام او العمر الافتراضى الغويشة بتنعم

طب فرضا لقدر الله ان الغويسة بتاعت تانى نعمت يعنى بياخد الحارة بصعوبة او ينطر الغيار هتنزل الفتيس طبعا عند حد متخصص فتيسات ويغير غويسة التانى و الكلام دة بيفشل مع عربيات كتير بتكون محتاج تغير الترس كلة بالغويشة بتاعتة من فتيس تانى وكمان بتحتاج تغير ترس قبل او ترس بعد

بمعنى المشكلة عندى فى التانى يعنى غويشة بتاعت التانى هتحتاج انك تغير ترس وغويشة للتانى و ترس وغويشة للتالت كمان مع انة سليم

طبعا فك وتنزيل وتغيير زيت ومصناعية ثمنها بيساوى ثمن الفتيس فراى الشخصى وعن تجربة امشى على الفتيس لحد ما تجيب اخرة وبعدين هات واحد تانى استيراد

ربنا يكرمك ..... كلامك صحيح جدا ... بس اختلف مع حضرتك فى نقاط صغيرة .... احتمال يكون كلام حضرتك على فتيس البى ام ... اختلافى مع حضرتك على الفتيس بتاعى و هو مش على عربية بى ام

الغويشة بتكون بين الترس و بين برميل الغيار ... و البرميل هو الى بينقل الحركة من الاكس للترس .. عن طريق الغويشة ... الى بتتحمل صدم حركة النقل من الاكس للترس .... باختصار ... ده الجزء الى احنا بنخليه يتاكل ... مش الترس

الى فى الصورة دى غويشة الغيار الثالث ... علشان الغيار الثالث كان بينطر لوحده .... و بعد ما فكيته و رحت لبتاع قطع الغيار ... قالى ان الغويشة سليمة ... و سنانها حادة زى الجديدة تماما ... و ورانى غويشة جديدة و فعلا تأكدت من كلامه ..... المشكلة كانت فى بلية الدرك ... كانت بايظة و غيرتها

مشكلة الحاجات الاستيراد اليومين دول ... انها هى و ظروفها .. ممكن تطلع كويسة ... و ممكن تطلع سيئة جدا

باقى كلام حضرتك انا متفق معاه ..... كنت هودى الفتيس بتاعى لصليبة الى فى شبرا ... و كان حياخد 500 جنيه اجرة ايده فك و تركيب فقط .... و الميكانيكى كان حياخد برضو 500 جنيه تسقيط الفتيس و تركيبه تانى فقط .... ده غير تمن قطع الغيار الى حتتغير .... سعر الفتيس الاستيراد 1200 جنيه

مرسى لذوك حضرتك

بس حسب معلوماتى البلى دة بيعمل صوت ونه ملووش دعوة بالغيارات وبعد فترة البلى بيتقل فالصوت بعد الونة اصبح صوت خشونة فى المشى وكدة الفتيس بيكون بيودع يفضل تغييرة فى اقرب وقت علشان فى مرحلة الخشونة الفتيس بيكون هيتكسر منك مرة واحدة يكسر ترس او عمود او بلية

دى حصلت معايا وربنا مايكتبلهاش على حد ,, العربية ولا بتروح يمين ولا شمال ولا حتى عايزة تتزق