السلام عليكم ورحمة الله وبركاته
خبراء المنتدى
انا مشكلتى انى معايا ميتسوبيشى لانسر 1990 والمكنة كانت تمام بس بقالها فترة لما بقرص على الغيار بيطلع دخنة بيضا ولما كنت اسافر بيها تطلع دخنة فترة وبعد كده تختفى مع العلم ان الزيت مكانش بينقص خالص رحت للميكاتيكى وقالى مخزنة ( مش فاهم يعنى ايه بصراحة ) بس من فترة كده موضوع الزيت ظهر بقاله فترة بينقص لما اشوف المقاس الصبح وهى باردة ولما بزوده مش بينقص خالص وسحب العربية حاسس ان مش هو واوقات كتير لما ببطل العربية بعد كام مشوار تفضل رجة جامدة كانها لسه مبطلتش .
كمان الفتيس عندى فى صوت عالى لما بدوس دبرياج بيروح ولما بسيب رجلى بيرجع مش عارف برده من ايه مع ان زيت الفتيس مظبوط .
اسف للاطالة وكل سنة وانت طيبين وفى انتظار الرد