هل ينفع اركب وحدة رفع للزجاج فى البومة 2009 1600 على نفس الريموت وهل بيكون للاربع شبابيك ولا الاتنين اللى قدام بس
وممكن يتكلفوا كام
وياترى لو ينفع اركبهم فى التوكيل احسن ولا اركبهم بره
عرض للطباعة
هل ينفع اركب وحدة رفع للزجاج فى البومة 2009 1600 على نفس الريموت وهل بيكون للاربع شبابيك ولا الاتنين اللى قدام بس
وممكن يتكلفوا كام
وياترى لو ينفع اركبهم فى التوكيل احسن ولا اركبهم بره
ايه ياجماعة ماحدش عايز يرد عليا ليه؟
طيب فين الباشمهندس طارق الجميل / ياترىممكن اركب وحدات الرفع دى فى التوكيل ويتكلفوا كام وياخدوا وقت قد ايه علما بانى عربيتى خليجى يعنى من غير ضمان وهى 1600 اوتو
1000 مبروك يا باشا على العربية
بالنسبة لوحدات الرفع التوكيل ما بيركبهاش لكن لازم تركبها عند مركز محترم علشان مايبوظش حاجة فى دائرة الكهرباء و التوكيل بيوصى بمركز ادريان وانا عن نفسى مركبهم هناك و فعلا ناس بتفهم و المصنعية كانت 50 جنية على التركيب و انا كنت جايبهم من التوفيقية ب70 جنية ولو دورت شوية فى المنتدى هتلاقى مواضيع كتير عن و حدات الرفع
اولا الف مبروك يا باشا
ثانيا فعلا التوكيل بينصح ب(ادريان) او اي مركز او محل محترم (يعني مش الواد بلية الكهربائي) علشان ميعملش مشكلة في كهربة العربية. واي سؤال تاني احنا في الخدمة
اولا الف مبروك يا وحدة الرفع بترفع 2 باب يعني لو محتاج ترفع الاربع ابواب يبقى هتحتاج و حدتين رفع
الله يبارك فيكم جميعا وأشكركم جميعا على ردودكم واهتمامكم وعلى فكرة انا استفدت جدا من المنتدى لانى متابعه من حوالى شهر ونصف قبل ما اشترى العربية وان شاء الله يكون لى مساهمات فعالة فيه واظن انى استفدت كتير من كل الامور اللى قرأتها فى المنتدى
الف شكر مرة ثانية
كمان ياريت حد يقولى فين مركز ادريان بالتحديد وهل بيشتغلوا على نفس ريموت العربية ولا لا
انا الفرع الي عارف مكانه في شارع جامعة الدول جنب( العمدة) مباشرة قبل ما تحصل تقاطع شارع شهاب .وفيه كمان فرع في مصر الجديدة وفرع في مدينة نصر بس معرفش العنوان بالظبط.ايوه وحدة الرفع بتشتغل علي ريموت العربية وعنده كمان الانذار الاوريجينال الي بيشتغل علي ريموت العربية.
استاذ حازم .. ألف مبروك العربية ربنا يديك خيرها ويكفيك شرها
الشباب قاموا بالواجب وردوا باستفاضة
الف شكر ليكم جميعا شكر لاهتمامك ياباشمهندس طارق وان شاء الله نتقابل قريب فى صيانة الـ1000 لانى حسب متبعاتى للمنتدى الفترة اللى فاتت عرفت انى ممكن اعملها فى التوكيل رغم ان العربية من غير ضمان.