وحدات رفع للزجاج للبومة 2009

**hazem66** · 15-10-2008 03:39 PM

هل ينفع اركب وحدة رفع للزجاج فى البومة 2009 1600 على نفس الريموت وهل بيكون للاربع شبابيك ولا الاتنين اللى قدام بس
وممكن يتكلفوا كام
وياترى لو ينفع اركبهم فى التوكيل احسن ولا اركبهم بره

**hazem66** · 15-10-2008 04:05 PM

ايه ياجماعة ماحدش عايز يرد عليا ليه؟
طيب فين الباشمهندس طارق الجميل / ياترىممكن اركب وحدات الرفع دى فى التوكيل ويتكلفوا كام وياخدوا وقت قد ايه علما بانى عربيتى خليجى يعنى من غير ضمان وهى 1600 اوتو

**basom** · 15-10-2008 04:53 PM

1000 مبروك يا باشا على العربية
بالنسبة لوحدات الرفع التوكيل ما بيركبهاش لكن لازم تركبها عند مركز محترم علشان مايبوظش حاجة فى دائرة الكهرباء و التوكيل بيوصى بمركز ادريان وانا عن نفسى مركبهم هناك و فعلا ناس بتفهم و المصنعية كانت 50 جنية على التركيب و انا كنت جايبهم من التوفيقية ب70 جنية ولو دورت شوية فى المنتدى هتلاقى مواضيع كتير عن و حدات الرفع

**civilpharaoh** · 15-10-2008 06:23 PM

اولا الف مبروك يا باشا
ثانيا فعلا التوكيل بينصح ب(ادريان) او اي مركز او محل محترم (يعني مش الواد بلية الكهربائي) علشان ميعملش مشكلة في كهربة العربية. واي سؤال تاني احنا في الخدمة

**mondy2010** · 15-10-2008 08:37 PM

اولا الف مبروك يا وحدة الرفع بترفع 2 باب يعني لو محتاج ترفع الاربع ابواب يبقى هتحتاج و حدتين رفع

**hazem66** · 15-10-2008 09:12 PM

الله يبارك فيكم جميعا وأشكركم جميعا على ردودكم واهتمامكم وعلى فكرة انا استفدت جدا من المنتدى لانى متابعه من حوالى شهر ونصف قبل ما اشترى العربية وان شاء الله يكون لى مساهمات فعالة فيه واظن انى استفدت كتير من كل الامور اللى قرأتها فى المنتدى
الف شكر مرة ثانية

**hazem66** · 15-10-2008 09:15 PM

كمان ياريت حد يقولى فين مركز ادريان بالتحديد وهل بيشتغلوا على نفس ريموت العربية ولا لا

**civilpharaoh** · 15-10-2008 11:29 PM

انا الفرع الي عارف مكانه في شارع جامعة الدول جنب( العمدة) مباشرة قبل ما تحصل تقاطع شارع شهاب .وفيه كمان فرع في مصر الجديدة وفرع في مدينة نصر بس معرفش العنوان بالظبط.ايوه وحدة الرفع بتشتغل علي ريموت العربية وعنده كمان الانذار الاوريجينال الي بيشتغل علي ريموت العربية.