بسم الله الرحمن الرحيم
السلام عليكم ورحمة الله وبركاته

بداية الحمد لله حمدا كثيرا طيبا مباركا فيه

إنا لله وإنا إليه راجعون، اللهم أجرني في مصيبتي وأخلف لي خيرا منها

كنت مسافر بالعربية شرم الشيخ و قيل الطور بعشرين كيلو فوجئت بسيارة امامي تكاد تكون متوقفة و حاولت افاديها و لكن الطريق لم يسمح
دوست فرامل على الاخر العربية زحفت ناحية الشمال فحاولت اعدلها ناحية اليمين نزلت على الرمل و انقلبت على الجانب الايمن و السقف ثم اتعدلت من غير ما تنام على الجنب الشمال
الحمد لله الاصابات خفيفة بالنسبة لحادث زي ده جروح قطعية من الزجاج اللي اتكسر و كدمات لبعض افراد اسرتي
للعلم السيارة مرخصة من اسبوعين فقط و تم عمل صيانة الالف قبل السفر بيوم واحد يعني السيارة كانت لسه بشوكها
طبعا الحمد لله و قدر الله و ماشاء فعل
احتاج منكم المشورة و النصيحة في احسن حل في اصلاح السيارة
و هل لو بعتها على حالتها ممكن تجيب كام
العربية من الفحص المبدئي لم تتأثر من ناحية العفشة او الموتور حيث ان الموتور بيدور و العفشة شكلها سليمة و الايرباج لم يفتح
تفتكروا لو عملت شكوى في حماية المستهلك عشان الايرباج ممكن استفيد حاجة ؟
اخيرا مين احسن مكان ممكن يرجع العربية زي ماكانت ؟
و دي صور العربية