1000 مبروك على العربية وربنا يديك خيرها ويكفيك شرها !!
رقم العضوية : 46503
تاريخ التسجيل : 08Sep2009
المشاركات : 38
النوع : ذكر
الاقامة : Saudi Arabia
السيارة: Lancer EX Shark
السيارة[2]: Yaris
دراجة بخارية: no
الحالة :
شارك 2013 الفئة الاولى ضمان دايموند
بعد تجربة 2500 كم من ضمنها سفر ومطبات وجميع الظروف الممكنة
طبعا ده من وجهة نظري المتواضعة
العيوب
الشنطة ضيقة بشكل ملحوظ جدا من جهة العمق .. انما الطول والعرض عادي
عزل العربية سيء جدا .. صوت الموتور واضح جدا جوة العربية .. انما مع السلانسيه مفيش صوت خالص .. ولو دخلت في شوية طينة او حصي بتسمع صوتهم بيخبطو في الرفارف من جوة
الاضاءة الحمرا بتاعت شاشة المعلومات في التابلوه مش حلوة .. احنا اتعودنا ان النور الاحمر بيكون تحذيري .. متعودناش عليه شغال كدة على طول .. مزعج جدا وخصوصا في السفر بالليل والدنيا ضلمة .. اضطريت اخفف اضاءة التابلوه خالص عشان ميضايقنيش
الباور تقيل بشكل ملحوظ .. فين الباور الكهربا والدلع بتاعه .. حتى لما تحرك الدركسيون وهي واقفة سلانسيه تلاقي الار بي ام بيزيد دليل على تحميل طرمبة الباور عالموتور .. ده في العربيات القديمة مبيحصلش كدة .. اكتر حاجة ممكن تحصل انك لما تكسر عالآخر الار بي ام ينزل سنة وتسمع زنة .. انما حركة الدركسيون ترفع الار بي ام بالشكل ده .. فيه حاجة غلط
التوكيل مش كويس .. لازم تبقى مصحصح معاهم .. عند غيار زيت الالف كم حطو ال4 لتر 5w30 وزود النص لتر الاخير 5w40 .. هي مش مشكلة بس ده يخوفك لما تيجي تعمل عندهم حاجة كبيرة .. ويديك دليل على عدم احترافيتهم ودقتهم .. قررت مروحلهمش تاني
الكاسيت والسماعات على قدهم خالص .. السماعات في البيبان الاربعة بس .. مفيش ورا .. اللي هي بتبقى اهم سماعات وبتعمل لك البيز والدوم المحترمة نتيجة فراغ الشنطة .. ومفيش يو اس بي
واجهة العربية غريبة اوي .. شكلها طبعا جامد مفيش كلام .. بس الاكصدام مالوش لازمة لانه مش اكتر حاجة بارزة من قدام .. يعني لو ريحت بالعربية على حاجة قدامك اول حاجة هتتلمس الشنب العلوي مش الاكصدام .. وده السبب ان العربية لما بتقدم شوية بتلاقي شكلها وحش من الترييحات الامامية .. انا بعتبرها عربية بدون اكصدام
مفيش مسند خلفي ولا كونسول امامي برغم انها حاجات مش مكلفة ومش ده اللي المفروض يفرق بين فئة وفئة
المميزات
واسعة من جوة .. من ورا ومن قدام .. حتى مع الديناصورات امثالي .. مرتاح جدا فيها
عالية عن الارض بشكل محترم ولا مجال لأي حك في المطبات حتى مع التحميل لغاية 5 اشخاص
عفشة مميزة وهي الانسب لمصر ومطباتها .. انزل نام تحتها واتفرج عالمقصات الخلفية وانت تفهمني
مقاس الكاوتش والجنط رائع .. باختصار كل مكونات تعليق العربية هي الانسب لمصر ولساكني القاهرة خصوصا
الموتور قوي والفتيس حلو مفيهوش مشاكل .. العربية جابت ال 180 كم/ ساعة بسهولة وبسرعة وكان فيها لسة كتير بس معرفتش اجرب اكتر من كدة .. الطريق كان زحمة .. والثبات بتاعها محترم .. تحس على السرعة دي انك راكب اوروبي .. برغم انها عالية .. بس تصميم الايروديناميك والعفشة فيها .. ابداع
واضح جدا الاهتمام بقوة وصلابة الاجزاء المهمة بالعربية .. انزل اتفرج على مفصلات الشنطة وجوز المساعدين اللي فيها وميكانيزم الحركة بتاعها وانت تفهم قصدي
كفاية انك تعرف ان العربية دي نفسها في الخليج نازلة بمحرك 2000 سي سي وفي الغرب موتور 2400 سي سي .. يبقى البودي بتاعك متصمم ازاي ولحاماته عاملة ايه .. دي كأنك عامل اساسات عمارة تشيل 20 دور وبنيت عليها العمارة 10 ادوار بس .. تبقي عمارة قوية ولا لأ
الكونسول الامامي منظم وشيك اوي بدءا من الكاسيت نزولا الي تحكم التكييف والولاعة وعصاية الفتيس والهاند بريك .. مفيش حاجات تضايقك زي عربيات كتير بتلاقي فيها غباوة تصميمية في الحتة دي بالذات
التكييف حلو .. استلمت العربية في اول 9 .. ملحقتش اجربه في نار الصيف بتاعت 7 او 8 .. بس واضح انه هيبقي تلاجة
الفرامل حلوة جدا برغم ان مفيهاش اي حاجة زيادة ولا ايه بي اس ولا اي بي دي ولا يحزنون .. انا شخصيا الايه بي اس مبقتنعش بيه اوي طالما العربية لاستخدام داخل المدينة ومشاكله وعيوبه والاصوات اللي بيطلعها تخليك تكرهه متحبوش .. طبعا هتختلفو معايا .. عموما الشتيمة حرام
استهلاك البنزين حلو مش وحش بالنسبة للقوة اللي بتاخدها من العربية
سعر العربية حلو جدا قياسا بامكانياتها .. وهي الافضل في هذه الفئة السعرية بلا منافس .. شوف الريو بكام والاكسنت بكام والالنترا والسيراتو .. تهريج .. مع كامل احترامي لملاكهم
باختصار .. العربية يابانية بنكهة أوروبية .. وغير نادم على قرار شراؤها .. ولو رجع الزمن برضو هشتريها
fiat 128-fiat128-mazda929-toyota cressida-corolla-sunny-corolla-yaris-yaris- lancer ex لقد هرمنا
رقم العضوية : 130473
تاريخ التسجيل : 21Oct2012
المشاركات : 2,922
النوع : ذكر
الاقامة : الأسكندرية
السيارة: كانت 128 زستافا
السيارة[2]: فليشيا كومبى 1997
الحالة :
1000 مبروك على العربية وربنا يديك خيرها ويكفيك شرها !!
رقم العضوية : 133042
تاريخ التسجيل : 03Jan2013
المشاركات : 1,426
النوع : ذكر
الاقامة : cairo
السيارة: بيجو 301
السيارة[2]: اوبترا 2013
الحالة :
مبروووك
رقم العضوية : 142309
تاريخ التسجيل : 02May2013
المشاركات : 275
النوع : ذكر
الاقامة : المنصوره
السيارة: فيات 132
السيارة[2]: فيات 132
الحالة :
ربنا يباركلك فيها
رقم العضوية : 87952
تاريخ التسجيل : 10Feb2011
المشاركات : 93
النوع : ذكر
الاقامة : egypt
السيارة: ياريت
السيارة[2]: nubira2008
دراجة بخارية: لا يوجد
الحالة :
تقرير ممتاز و جاي نتيجة خبرة قيادة ..............ربنا يبارلك فيها و يعطيك خيرها
رقم العضوية : 136267
تاريخ التسجيل : 10Mar2013
المشاركات : 1,993
النوع : ذكر
الاقامة : none
السيارة: none
السيارة[2]: none
الحالة :
تقرير ممتاز
ربنا يبارك لك فيها ويكفيك شرها
وداعا
رقم العضوية : 116019
تاريخ التسجيل : 26Oct2011
المشاركات : 1,379
النوع : ذكر
الاقامة : القاهرة
السيارة: لانسر شارك ثم كروز من اليوم
السيارة[2]: بولونيز ثم لادا 2110(الشكل الجديد)
دراجة بخارية: no
الحالة :
تقرير تمام فيما عدا اعجابك بالكاسيت لانه مبهدل شكل العربية مقارنة بشكل الكاسيت الاصلى الاسود
وطبعا سعرها غالى على انها فاضية جدا
وموضوع الاكصدام -لا تقلق لان الترييح كله على الجزء السفلى والشبكة مبيحصلهاش حاجه فى الخبطات الخفيفة اخرك الاكصدام بيقلب لتحت وبيحتاج يتفك عند سمكرى ويتعدل الشاسيه تحتيه انا لبست مره فى واحده فى منزل كوبرى سرحت فلبست فى اللى قدامها ولبست فيها والاكصدام محصلوش حاجه بس اختجت افكه واظبطه بس
لا اله الا انت سبحانك انى كنت من الظالمين
رقم العضوية : 46503
تاريخ التسجيل : 08Sep2009
المشاركات : 38
النوع : ذكر
الاقامة : Saudi Arabia
السيارة: Lancer EX Shark
السيارة[2]: Yaris
دراجة بخارية: no
الحالة :
الكاسيت عندي الاسود العريض واعتقد انه الاصلي وشكله متناسق جدا مع التابلوه واضاءته نفس اضاءة باقي العربية الشاشة لمباتها بيضا والازرار منورة احمر. . انا لما كنت بشتري رحت اتفرجت عند سمير ريان .. ولقيت عنده عربيتين وكان فعلا الكاسيت صغير مش عريض وشكله متركب لها مش شغل فبريكة وشكله مبوظ العربية خالص .. وسبته ومشيت علي طول .. قالولي ساعتها ان دي خليجي مش ضمان الوكيل .. يمكن ده اللي انت قصدك عليه .. انا معجب بشكله بس .. انما صوته مع الاربع سماعات اللي في البيبان مش عاجبني خالص .. وشكرا انك طمنتني علي الاكصدام .. ومتنساش تحكي لي حكايتك مع علبة الدركسيون .. حكاية السعر دي اختلف معاك فيها .. ممكن تقولي فيه ايه احسن منها بنفس سعرها ? مستني الاجابة .. حكاية فاضية جدا دي برضو غريبة شوية .. انا شخصيا كراجل عجوز عندي 40 سنة مش محتاج اكتر من باور وتكييف وازاز كهربا ومرايات كهربا وسنتر لوك وسي دي وايموبليزر وريموت .. اعتقد العربية اللي فيها كل ده مينفعش نقول عليها فاضية .. وهي دي الكماليات الاساسية .. هي بس عشان اول فئة بتقول عليها فاضية .. الفاضية يعني فيرنا اول فئة . مفيهاش ساعة ولا حتي فتحة شنطة من الداخل ولا ار بي ام ولا سنتر ولا ريموت ولا ازاز كهربا ولا .. ولا .. ولا .. ولا ... هي دي العربيات الفاضية . واضح ان ذكرياتك مع العربية مخلياك شايل منها حبتين يا هندسة .. اوعي تنسي تحكيلي حكاية علبة الدركسيون .. سلام
fiat 128-fiat128-mazda929-toyota cressida-corolla-sunny-corolla-yaris-yaris- lancer ex لقد هرمنا
رقم العضوية : 116019
تاريخ التسجيل : 26Oct2011
المشاركات : 1,379
النوع : ذكر
الاقامة : القاهرة
السيارة: لانسر شارك ثم كروز من اليوم
السيارة[2]: بولونيز ثم لادا 2110(الشكل الجديد)
دراجة بخارية: no
الحالة :
بص يا غالى اولا انت مش عجوز لان 40 سنه عز الشباب ومتكبرناش معاك
ثانيا انا فعلا قصدى على كاسيت الخليجى
ثالثا وده المهم فاضية يعنى من غير اى بى اس ومن غير اير باج للراكب الامامى على الاقل ( مش بقول 8 اير باج زى غيرها) ومن غير جنوط ومن غير فتحه ومن غير مرايات ضم ومن غير كسوة للكبوت ولا غطا للموتور ومن غير حساسات نور ومطر وزينزن وكلام من ده
هتقولى ان سنك مش بتاع الحاجات دى هقولك تمام الا وسائل الامان يعنى الاى بى اس والاير باج مينفعش تفرط فيهم
ومينفعش نقارن عربية سعرها فى السبعينات زى الفيرنا بعربية معدية المية وتلاتين الف
واى انسان بيعدى الميت الف مينفعش يركب عربيه فاضية والمبلغ ده يجيب عربيات كتير مليانه عن كده يعنى على الاقل هيجيب بومه هاف اسبورت جبناها من 6 شهور لخالى من المصرية ب 131750 وفيها اى بى اس وجنوط واير باج للراكب الامامى ومخدع امامى وخلفى ودلايات وطبعا هيجيب النترا وار بى وريو ونيسان كاملة بالفيميه وبيجو 301 كامله اعلى فئة ومن سنه كنت تضيف عليهم الفلونس تانى فئة
اما موضوع علبه الدركسيون فالموضوع باختصار انى نمكى شوية ومبحبش عربيتى يكون فيها الهوا ولاحظت انى وانا مدور العربيه وواقف لما بهز الدركسيون خفيف بحس بتكه كده زى لما بيكون الحشو مبوش وده عيب مش مؤثر فى وقتها بس مين عارف كان ممكن يتطور لايه فغيرتها فى الضمان
وتقبل تحياتى
لا اله الا انت سبحانك انى كنت من الظالمين
رقم العضوية : 146599
تاريخ التسجيل : 26Jul2013
المشاركات : 24
النوع : ذكر
الاقامة : qatar
السيارة: Toyota
السيارة[2]: 128
الحالة :
المفضلات