الموضوع: ارجو المساعدة من الكل في مشكلتي مع البرافا

أول مرة أشوف مشكلة زي ديه ... أتمني لك التوفيق و إن شاء الله يطلع حلها سهل

اتمني حد يعرف عشان انا قربت اتجنن

المشاركة الأصلية كتبت بواسطة m_a_h_m

السلام عليكم

حصلتلي مشكلة غريبة مع البرافا .. صحيت الصبح بدري و نزلت ادور العربية .. دورت العربية و بعدين عداد الار بي ام بدأ ينزل واحدة واحدة لغاية ما بطلت العربية .. و بقيت كل ما ادور العربية ماتدورش و صوتها كأن مفيش بنزين مع انها متفولة .. طبعا بصيت علي طرمبة البنزين شغالة .. الايدل نضفتة و تمام و بردو مفيش .. سلوك البوجيهات شغالة .. الفيوزات شغالة .. طبعا البطارية تمام .. طب فين المشكلة .. حاجة تجنن .. ارجو مساعدتكم جدا

بسم الله
ان شاء الله اعرف افيدك فى مشكلتك ... واضح ان المشكلة فى البنزين بمعنى ان البنزين قل واحده واحده لحد ما بطلت العربية ... المشكله هنا بإذن الله هتكون فى دورة البنزين ... غالبا هتلاقي مصفاة البنزين الى بتبقي فى نهاية تانك البنزين مسدودة نتيجة شوائب البنزين ... وكمان هتلاقى فلتر البنزين عايز يتغير ... يعنى الحل ان شاء الله هيكون تنظيف دورة البنزين ومصفاة البنزين وفلتر البنزين يتغير

متشكر جدا جدا ليك .. بس ليا ملاحظة لما بدوس بنزين و العربية مبطلة العربية بتشرق يعني البنزين بيبقي واصل للموتور .. هل بردو ممكن يكون بردو دة السبب ؟

المشاركة الأصلية كتبت بواسطة m_a_h_m

متشكر جدا جدا ليك .. بس ليا ملاحظة لما بدوس بنزين و العربية مبطلة العربية بتشرق يعني البنزين بيبقي واصل للموتور .. هل بردو ممكن يكون بردو دة السبب ؟

لما بتكون دورة البنزين مش نضيفة او مسدودة بتقلل كمية البنزين الى رايحه للمحرك انما مش بتمنعها كلها الا فى حالة الانسداد الكامل ... انا عايز اسألك عن سحب العربية وانت ماشي على الطريق هل السحب كويس ولا ضعيف .. ؟؟؟؟
مستنى ردك