الموضوع: دايهاتسو تريوس أو نيسان جوك؟

جوك شكل وضمون من حيث قوة الاداء والثبات

المشاركة الأصلية كتبت بواسطة maghnom

السلام عليكم,
بدور على عربية مرتفعة عن الأرض، عفشتها قوية، موتورها كويس و كماليتها معقولة

انحصر الاختيار بين التريوس و النيسان جوك

ايه الافضل من وجهة نظركم من حيث الأجمالي؟
وايه العيوب اللي في الاتنين؟

شكرا مقدما لكل النصايح

نصيحتي اسال عن سعر قطع غيار الجوك
في زميل في المنتدي اجتاج كوبلنج انيسان قشقاي ( موش جوك ) فوجئ ان سعر الكوبلنج من غير الضريبه والتركيب 17الف جنيه يعني هايقفل معاه حوالي 20 الف
علشان كده اتاكد من اسعار قطع غيار الجوك
اما التريوس فهي متجربه وقطع غيارها ماحدش اشتكي منها

حصريا لنايل موتورز .. أســعار قــطع غيــار الاصلية لنيـسان قـاشــقاى من الوكيل
http://www.nilemotors.net/Nile/284394-a.html

ينفع تفكر فالسبورتاج ؟

المشاركة الأصلية كتبت بواسطة s o p h o s

ينفع تفكر فالسبورتاج ؟

للأسف سعرها عالي عليا، لو كان متوفر معايا مكنتش فكرت في غيرها مفيش كلام

المشاركة الأصلية كتبت بواسطة abdoumahros

نصيحتي اسال عن سعر قطع غيار الجوك
في زميل في المنتدي اجتاج كوبلنج انيسان قشقاي ( موش جوك ) فوجئ ان سعر الكوبلنج من غير الضريبه والتركيب 17الف جنيه يعني هايقفل معاه حوالي 20 الف
علشان كده اتاكد من اسعار قطع غيار الجوك
اما التريوس فهي متجربه وقطع غيارها ماحدش اشتكي منها

شكرا يا باشا بس اعتقد ان صيانة التريوس وقطع غيارها غالية برضه

المشاركة الأصلية كتبت بواسطة max13

جوك شكل وضمون من حيث قوة الاداء والثبات

معاك في دي، بس التريوس ارخص شويتين... السؤال هنا هل القيمة مقابل الفلوس الزيادة اللي هدفعها في جوك تستاهل؟ خصوصا ان التريوس اعلى في ارتفاعها عن الارض ودي اهم نقطة عندي... انا هاجرت برة البلد اصلا بسبب حالتي النفسية من صوت حك المطب في الشاسيه من تحت في تويوتا كورولا كانت عندي،، وراجع مصر قريب ان شاء الله بس عايز المشكلة دي تتحل نهائي

ايوه طبعا القيمة تستاهل جدا وبرده شوف القشقاى