تكييف الجيتا اللعين ارجوكم المساعدة

**hoksha** · 26-06-2014 02:13 PM

السلام عليكم
من فترة اشتربت جيتا 2007 وبعديها بفترة التكييف باظ فروحت وسألت عن ايه المشكلة يمكن يكون شحن ولا حاجة لقيت الراجل بيقولي يا بيه الكومبرسور بتاعك بايظ وعاوز يتغير هو والسربنتية فا قولت اكيد عاوز يعمل مصلحة روحت لواحد تاني قالي برده نفس الكلام فا روحت سالت على التكييف لقيته ب 4000 جنيه فا روحت للراجل تاني قالي ممكن نجيب كومبرسور ياباني ونعمله قاعدة ويركب زي الف وافضل من بتاع العربية الجيتا .سمعته من هنا وروحت وقلت بلاش شغل الحلانجية والتعديلات دي

انا مش عارف هل الكومبرسور ممكن يتصلح؟
وايه الحل اللي ممكن اعمله ؟
ومين افضل واحد ثقة يصلحلي التكييف؟
وهل فكرة التعديل دي ناجحة ولا لا؟

خصوصا ان كذا واحد بيقولوا تكييف الجيتا على قد حاله

ايه الحل دلوني لاني بدأت افكر ابيع العربية

**Gelgel2004** · 26-06-2014 02:33 PM

اسال مركز كول اير
م ايمن عبد الجواد 26202455
متخصصين و فاهمين و شغلهم مضمون
بلغهم من نايل موتورز و ان شاء الله تكرم

**snakeson2** · 27-06-2014 09:59 PM

بص ياقائد من الاخر
التكييف الكمبروسر بتاع الجيتا بيضف بعد خمس لسبع سنين ، وده مش عيب ده عمر افتراضي
الحل يتلخص في الآتي
سيبك من اشتعالات الناس كلوا عايز يعمل مصلحه ويغير كمبريسور جديد صيني او مكتوب عليه أمريكي او ياباني وهوا صيني ويغيرلك سربنتينه صيني او تايلندي ويشحن ويكلف اربعه او خمسه
الصح انك تجيب كمبروسر استيراد من عند عبدالله في الحرفيين ، بالتركيب والشحن يعمل ٢٠٠٠
وعليه ضمان أسبوع ، وطالما اشتغل أسبوع متقلقش خالص وهوا بيركب جنبوا لو فيه حاجه بتغير علي طول
المهم تجيب الكمبروسر الي كلاتشه حديد وبكره ، وبص علي موديل إنتاجه ميكونش قديم .هما عارفينه لان ده هوا التعديل الي نزل بعد موديل ٢٠٠٩ ومفيهوش مشاكل
وخلي الصنايعي يشوف المواسير لو نضيفه متغيرش السربنتينه لو وسخه غيرها بواحده جديده تايلندي .
ل
واحذر من التعديل لانه ببساطه عك !
ان شاء الله خير

**hoksha** · 29-06-2014 10:47 AM

المشاركة الأصلية كتبت بواسطة snakeson2

بص ياقائد من الاخر
التكييف الكمبروسر بتاع الجيتا بيضف بعد خمس لسبع سنين ، وده مش عيب ده عمر افتراضي
الحل يتلخص في الآتي
سيبك من اشتعالات الناس كلوا عايز يعمل مصلحه ويغير كمبريسور جديد صيني او مكتوب عليه أمريكي او ياباني وهوا صيني ويغيرلك سربنتينه صيني او تايلندي ويشحن ويكلف اربعه او خمسه
الصح انك تجيب كمبروسر استيراد من عند عبدالله في الحرفيين ، بالتركيب والشحن يعمل ٢٠٠٠
وعليه ضمان أسبوع ، وطالما اشتغل أسبوع متقلقش خالص وهوا بيركب جنبوا لو فيه حاجه بتغير علي طول
المهم تجيب الكمبروسر الي كلاتشه حديد وبكره ، وبص علي موديل إنتاجه ميكونش قديم .هما عارفينه لان ده هوا التعديل الي نزل بعد موديل ٢٠٠٩ ومفيهوش مشاكل
وخلي الصنايعي يشوف المواسير لو نضيفه متغيرش السربنتينه لو وسخه غيرها بواحده جديده تايلندي .
ل
واحذر من التعديل لانه ببساطه عك !
ان شاء الله خير

اولا شكرا لحضرتك على الرد
ممكن حضرتك لو مفيهاش مضايقة تبعتلي رقمك على الخاص هكلم حضرتك وافهم منك حبة حاجات

**saef777** · 03-07-2014 10:46 PM

اولا انا مقدر الحيره الي انتا فيها. انا هاقولك علي تجربتين مع صحابي واحد معاه كورتبا وواحد معاه سكودا فانتازيا والاتنينراحو لاكتر من واحد ووكله اجمع علي تغير كباس للكورتبا وتغير تلاجه للفانتازيا. وبعد البحث علي النت عرفنا توكيل ساندن في المعادي ورحنا وكان رئيهم انهم يجربو وضع السياره علي جهاز كمبيوتر وده بيقيس اذا كان في تنفبس في الدوره +سحب الفريون والزيت من الكمبروسور. وتغير الاتنين الغاز والزيت وتنظيف الدوره وشحن الفريون بمقدار علي حسب موديل العربيه وفي الحالتين كانت النتيجه مبهره والسيارتين الان التبريد بتاعهم ممتاز. ممكن تجرب عندهم وتشوف .

**m_saeed** · 06-07-2014 07:11 PM

مركز محمد سعيد لتكييف السيارات بالمعادى
الكشف مجانا ولدينا جميع قطع غيار تكييف اصلية توكيل دنسو معتمد
نعمل جميع انواع السيارات
19 شارع فلسطين المعادى الجديدة
01001584119

**mido_antouhh** · 07-07-2014 02:45 AM

انا معايا باسات 2009 الكمبروسر كان بايظ سالت عليه استيراد ب 2000
روحت لكهرباءي فهمان الى هات كمبروسر بتاع اوكتافيا a4
وحنعدله جبته 550 بقعدته ومساميره وشغال معايا زى الفل تلاجه واتكلف 400 جنيه بشحنه ومصنعيته وكان فى تسريب