كيا كارينز 2015 هاف اوبشن االسعودية

**abozeiad1000** · 26-06-2014 02:42 PM

اخوانى مالكى الكارينز
أوﻻ اتقدم بالشكر ﻻعضاء المنتدى للمعلومات القيمه و الشيقه عن العروسه كارينز
ثانيا اتمنى من اصحاب الخبره اﻻفاده ﻻنى مقبل على شراء كارينز فى السعوديه هاف اوبشن ﻷن الفل او الهاى ﻻين هنا مفيش فيه بانوراما
ثالثا السعر فى حدود 74 الف ريال حوالى 142000 جنيه غير جماركها ، فلو حد يعرف جمركها يعمل كام برجاء اﻹفاده
رابعا النقطه الوحيده اللى مخوفانى مسألة الارتفاع عن اﻻرض علشان مطبات المحروسه فيرجى من ممتلكيها اﻹفاده .

**bakkarahmed** · 26-06-2014 04:32 PM

لو قدامك فتره طويله عندك هاتها واستمتع بها اوك
انما هاتجيبها علشان تنزلها مصر وتدفع عليها جمارك هاتخسر فيها كتير وهاتبقي اغلي من تمنها في مصر
انا حسبتها يمين وشمال لاقيت اني اجيب من مصر احسن

ده موضوع كنت عامله من 4 شهور لما كنت في حيرتك
http://www.nilemotors.net/Nile/415285-508.html

**Dr_Moustafa** · 26-06-2014 05:43 PM

اشتريها من مصر
هتبقى أرخص بكتير جدا
سواء اشتريتها من الوكيل أو خليجى (مواصفات سعودى)

**spidars** · 26-06-2014 08:00 PM

الهاف ابشن في مصر 175 بس ازاي بيجيبو العربيات الخليجي بسعر رخيص

**dr_alone133** · 27-06-2014 02:15 AM

اخى الفاضل
برجاء ملاحظه ان الكارينز الموجودة بالسعودية حتى الان 2000 سى سى
فخلى بالك علشان لو ناوى انك تنزلها مصر جماركها هتبقى رهيبه
ومبروووك مقدما

**abozeiad1000** · 27-06-2014 03:27 PM

المشاركة الأصلية كتبت بواسطة bakkarahmed

لو قدامك فتره طويله عندك هاتها واستمتع بها اوك
انما هاتجيبها علشان تنزلها مصر وتدفع عليها جمارك هاتخسر فيها كتير وهاتبقي اغلي من تمنها في مصر
انا حسبتها يمين وشمال لاقيت اني اجيب من مصر احسن

ده موضوع كنت عامله من 4 شهور لما كنت في حيرتك
http://www.nilemotors.net/nile/415285-508.html

جزاك الله خيرا
فعﻻ موضوع الجمارك ده افور الحسابات

**abozeiad1000** · 27-06-2014 03:29 PM

المشاركة الأصلية كتبت بواسطة dr_alone133

اخى الفاضل
برجاء ملاحظه ان الكارينز الموجودة بالسعودية حتى الان 2000 سى سى
فخلى بالك علشان لو ناوى انك تنزلها مصر جماركها هتبقى رهيبه
ومبروووك مقدما

متشكر لحضرتك بس هما نزلوا 2015 ب 1600 gdi موتور عزمه كويس 135 حصان

**abozeiad1000** · 27-06-2014 03:54 PM

المشاركة الأصلية كتبت بواسطة abozeiad1000

جزاك الله خيرا
فعﻻ موضوع الجمارك ده افور الحسابات

وان شاء الله لو هجيبها هنا ممكن على اﻻقل 3 سنين على ما انزلها ف الجمرك هيبقى معقول وﻻ ايه؟

**sniper2393** · 17-10-2014 02:57 AM

السلام عليكم
ربنا يوفقكوا جميعا
بخصوص الكارنز 2015
انا هقولكوا غلي اللي وصلتله
اولا العربية مش هاف فل
هي طبعا عارفين في مصر فبه 4 فئات الفئة القبل الاخيرة اسمها ex وبعدها الهاي لاين تفرق عنها بالكاميرا وسنسور مطر و سقف بانوراما و حاجة كمان مش فاكرها
والاتنين جنوط 17
للاسف الناس اللي شغالة في الجبر فرع طريق المدينةاللي هو اكبر فرع في جدة مفيش اي خبرة رحت قالولي اللي هنا الهاف فل وضربلي مواصفات من دماغه اسئله طب فيها سنسور خلفي يقولي لا طيب الكاسيت تاتش لا ولا بيدولك ورقة بالمواصفات ولا حاجة هو اهم حاجة يقولك هات بس خطاب من شغلك والباقي سهل بصراحة طريقته خوفتني
لحد ما صادفت واحد في فرع تاني فاهم فيها كويس شجعني افكر اشتري
هو جابلي مواصفاتها من ااكمبيوتر هي العربية الفل اوبشن في السعودية اعلي من ال ex اللي هي في مصر قبل الهاي لاين واقل من الهاي لاين بمعني
الهاي لاين وال ex وهما اعلي فئتين للعربية في مصر زي بعض في كل حاجة ماعدا الهاي لاين فيها
1-كرسي السائق كهربا
2-التشغيل من غير مفتاح
3-سنسور امامي
4-كراسي جلد

اما في السعودية فمفيش حاجة اسمها هاي لاين و ex اللي هنا مزيج من الاتنين يعني
فيها كرسي كهربا للسائق
وكراسي جلد

بس مفيهاش فتحة سقف ولا سنسور امامي ولا تشغيل من غير مفتاح
يعني الخلاصة هي اعلي من ال ex بانها كرسي السايق كهربا و كراسي جلد واقل منها في الفتحة والمفتاح
بالنسبة للجمارك هي تقريبا 80 الف جنية وهتقل كل سنة يعني بعد 3 سنين ممكن تةصل ل 68 او 70 الف

انا بفكر اجيبها لانهم عاملين عرض التقسيط بسعر الكاش لمدة سنتين
انا اسف للاطالة انا هبلغكم بالتفاصيل لما اتاكد كمان من المواصفات لما شوف العربية قبل ما استلمها لو لقيت حاجة مختلفة هقلكم

عايز نصيحتكوا ليا او رايكم ياربت