إلى كل من جرب البيكانتو وال i10 ايهما افضل حتى الان؟؟؟؟؟

**M.Nabil** · 15-10-2008 05:13 PM

بصراحة انا قر يت كل الموضوعات في القسم ده عن البيكانتو وال i10 وحبيت اعرف راي كل اللي بيملكوا احدي السياراتين يقولي ايه رايه وانهي الاحسن بعد الانتشار الرهيب لكل منهما.
عشان بجد انا قربت اتجنن مش عارف اجيب انهي فيهم.
وشكرا

**MomoMedo** · 15-10-2008 05:27 PM

انا معايا بيكانتو والحمد لله العربية جميلة اوي كموتور 1100 (طموحي كان اكبر من كدة)
صوتها واطي جدا بس بيبدا يعلى بعد ال3000 لفة تقريبا
انا كنت بقارن بينها وبين الاي 10 وجبتها عشان شكلها عجبني من برة اكتر
لكن انا شايف ان تابللوه الاي 10 احلى وفي الاخر دي ازواق
والعربيتين تقريبا نفس الموتور

**M.Nabil** · 15-10-2008 08:14 PM

مشكوور موموميدو على ردك
بس بالنسبة للصالون وشنطة العربية الاتنين زي بعض ولا في واحدة اكبر من التانية؟
وموضوع التوكيل ده اللي عاملي قلبان, انا مقتنع اكتر بال i10 شكلها والتابلوه احلي بس موضوع الصيانة ده اللي قالقني جدا.
وايه اخبار اسعار قطع الغيار والتوفير في البنزين؟
معلش انا اسألتي كتير بس الواحد مش بيشتري عربية زيرو كل يوم هههههههه

**shery103** · 15-10-2008 08:23 PM

انا قارنت بين الاتنين قبل ما اشترى و استقريت على البيكانتو بعد مقارنات كتير و نصح كل الناس ليا بالبعد عن ال i10 ، انا شايفة ان تقفيل البيكانتو احسن ، و كمان البيكانتو بقالها ماشية فى شوارع مصر 4 سنين محدش اشتكى منها ، فعلى الاقل مضمونة + التوكيل انضف ميت مرة من غبور طبعا + الضمان اعلى ( 100 الف او 5 سنين فى مقابل 60 الف او 3 سنين )
+ البيكانتو 100% كورى انما ال i10 متقفلة فى الهند

كل العوامل دى بتشير لتفوق البيكانتو فى رأيى

**M.Nabil** · 16-10-2008 01:38 PM

الف شكر شيري
هو فعلا مفيش حد غير لما اشتكي من توكيل غبور, ودي سمعة وحشة اوي للشركة عالاقل انهم ممكن يضيعوا عملاء وبيع سيارات قيمة جدا بسبب التوكيل.
وان شاء الله عالقريب هاجي اقولكم استقريت وجبت ايه, بس بعد اشوف الاتنين واجربهم وبرضوا اشوف راي الاعضاء.

**Karim_Monir** · 16-10-2008 01:45 PM

طبعا اهم حاجة الراحة النفسية
وهما الاتنين نفس الموتور ونفس الشاسية لان كيا مملوكة لهيونداي
لكن كل واحد ليها مصممينها وليها اختلافاتها
الاشتراك في الموتور والشاية وبعض الاجزاء الكهربائية لتوفير تصميم شاسيهة وموتور جديد
وانا شخصيا افضل كيا عشان الضمان
دول 5 سنين مش شوية
وسمعتهم افضل بكتير
وانا مجربهم في عربيتي الريو السابقة من 2006 الى 2007

**M.Nabil** · 16-10-2008 01:57 PM

مشكور كريم منير ويوسف مصطفي على ردودك السريعة
انا بجد محتار واتروشت, انا ال i10 عاجباني اكتر بس في نفس الوقت التوكيل مهم جدا , هلى في بديل لمركز صيانة ابو رواش عشان لو جبت الi10 اروحلوا ولا مفيش والافضل اجيب البيكانتو والصيانة تبقى مع توكيل محترم؟