[مساعدة] الاختيار ما بين ابيزا 2002 او 2006

**samsam_91** · 26-06-2014 10:42 PM

السلام عليكم

اولا اوجه شكر للناس اللي مسؤولة عن القسم ده في المنتدى لاني استفدت كتيير من الكلام اللي اتكتب هنا

ثاني حاجة و اختصارا للوقت ادخل في الموضوع على طول

انا سؤالي عن ايه الاحسن ليا في موديلات دي في الابيزا 2000 - 2002 او 2006 -2008

انا حابب الابيزا و عايز اجيبها بس فيه مشكلة في ال 2000 ان هو 1000 cc بس و انا حاسس ان هو مش هيستحملني كا مشاوير و تكيف او سفر بس مش كتيير زي مرتين مثلا كل سنة

و حابب الجديد اللي هو 2006 ده بس خايف من ان يكون فيه مشاكل رخمة من اي نوع في الفتيس مثلا بس عاجبني فيه ان هو 1400 و هل الاتوماتيك فيها فيه خوف منه ؟

اتمنى تساعدوني عشان انا دوخت صراحة

وشكرا مقدما :)

**seatibiza** · 27-06-2014 01:21 AM

متابع

**SYD** · 27-06-2014 04:34 AM

في البداية أحب أرحب بيك في قسم سيات نايل موتورز

من وجهة نظري ابيزا 2006-2009
2009 نزلت 1.6 بفتيس تيبترونيك 6 غيار
بخلاف 2006 محرك 1.6 بفتيس اوتو 4 غيار

تحياتي

**ehab_mansour** · 27-06-2014 06:35 PM

موديل من 2003 الي 2007 تقريبا بتنزل بمحركات 1400 14 فالف و مانيوال و اوتو 4 سرعات و شغاله مع ناس كتير و زي الفل بل و اكثر من رائعه و مافيش حاجه اسمها فيها مشاكل في البوابة دي دائما بتكون مشاكل فرديه و طبيعي تحتاج حاجات تتغير و صيانات بعد سنوات من الاستخدام

عندك من 2008 الي 2009 نزلت بمحرك 1600 و فتيس ستيب ترونيك 6 سرعات و ده نفس المحرك اللي مازال بينزل فيها حتي الان و اكثر من رائع و لكن في الموديل ده هتلاقيها غالية شويتين عن السابقه لاختلاف الاوبشنز و المحرك و الفتيس

**hossamalsadik** · 27-06-2014 07:37 PM

الناس قلتلك المفيد بالنسبه للأنواع وحجم المحركات بها
بالنسبه للصيانه أكيد طبعا أسعار الصيانه فى 2000-02 أقل من 2003-07 وده ممكن تلمسه مع بعض البحث فى المواضيع وخاصة الموضوع المثبت لاكن مش الزياده الى تخض وكل واحد حسب وضعه ومتطلباته
بالنسبه للفتيس ال 4 او 6 نقلات مافيش مشاكل فيه وصينته فى العادى ومع الناس هنا وزى الفل معها
حاجت الابيزا من 2003 ونتاطالع كقطع غيار إستيراد قليله شويه فى الحرافيين وخاصة بعض القطع بس موجوده طبعا جديد
وربنا يوفقك وأهلا بيك معنا