مساعدة بخصوص السحب في كليو
السلام عليكم
عندي مشكلة في عربية كليو 2004
العربية سحبها ضعيف جدا بقالها فترة
وحصلت مشكلة غريبة وهي إن العربية بتبقى ماشية كويسة وأول ما تدي الغيار التالت علشان تتسارع
تبدأ تبطأ ودواسة البنزين مش بتستجيب ولو رجعت للغيار الأقل برضه مش بتستجيب
رحت للميكانيكي قالي نغير طقم الدبرياج غيرته "بالمصنعية أخد 900"
وبرضه نفس المشكلة في السحب والمشكلة التانية دي حصلت معايا إمبارح وعلى طريق مقطوع لما بقيت أخاف أركب العربية لتعطل بيا في منطقة خطر !!
الميكانيكي بيقول الموتور مبيفصلش وحطها على جهاز كشف الأعطال وقال إن حساس الشكمان بايظ وكمان العربية بترمي بنزين زيادة
وكدة هنغير الأول حساس الشكمان
ولو مكنش المشكلة يبقى كنترول
الكنترول بألف ومتين جنيه
وأنا مش عايز أقعد أجرب وأصرف على الفاضي
في حد مر بنفس المشكلة قبل كدة أو عارف يقولي أعمل إيه؟
