امبارح كان الجو نار و انا وصلت لمرحلة اني كنت حاسس أني بسيح
فقررت اني ما اروحش غير لما اصلح التكييف
و انا ما كنت عامل حسابي في الفلوس
فقولت اروح لاي حد كدة
و انا ماشي في بين السرايات ش المرور لقيت حد شغال على ال صيف من غير محل و عنده عربيات كتير
فنزلت قولتله على المشكلة كشف و قالي بلف الكنترول بايظ
بكام ب 250 اصلي و شحن و مصنية 170
قولتله طيب حروح اجيب فلوس بقى علشان ما كنتش عامل حسابي ( انا الفلوس كانت تكمل بس قولت اسأل على البلف بنفسي )
و انا ماشي جه في دماغي مركز اوتو سكان اتعاملت معاه قبل كدة هو غالي شوية بس شغلهم نظيف قوي قولت لو هياخد 500 او 550 يبقى اضمن
قولت اعدي عليهم
كشف و كبس و نظف و بعد كدة شحن فريون و سحبه تاني علشان يتأكد من البلف
و طلع البلف فعلا
بكام قالي 120 !! جي ام اصلي
و الشحن 170 و مصنعية 20
يعني كله 310
و خدت خصم من المهندس فادي 10 و دفعت 300 بس
الوضع تمام بسس حاسس ان مروحة البلاور فيها مشكلة الهواء ضعيف شوية بس التسقيع تمام و لسة تحت التجربة و لو فيه جديد هبلغكوا في الموضوع هنا


ده غير اني قابلت الدكتور حلاوة من قسم فيات و دي كانت احلى حاجة في اليوم
كان بيشرب العربية كوكاكولا زيرو ههههههههه

انا بصراحة زادت ثقتي في اوتو سكان بصراحة

ده مش اعلان و الله بس للافادة