الموضوع: عملت صيانة ال1000 كيلو اليوم 30/11 بمركز قليوب النترا 2008

بسم الله الرحمن الرحيم
توكلت على الله وذهبت الى مركز قليوب اليوم لعمل صيانة ال1000
اتصلت بالمهندس عاطف وانا متواجد هناك بالمركز وكان رجلا خلوقا تكلم معى وكأنى صاحب له وابدى استعداده لأى خدمه يقوم بها ولكن الأمور كانت على مايرام ولم يكن لى اى شكوى من السياره تقريبا غير ان السياره فى الأرض الخشنه بتدب شويه وكنت ظابط الأطارات على ضغط 32
قابلنى المهندس مينا وكان رجل ذوق جدا والفنى الذى قام بالعمل اسمه ايضا مينا وكان يعمل بجد واخلاص
وقلت للمهندس مينا انه يظبط الأطارات فقط وبالفعل وانا راجع كان كل شئ تمام الدبدبه الموجوده راحت بعد الضبط
على فكره المركز كويس يا جماعه بس الناس مش عارف بيعطواا نطباعات عن المعامله السيئه بس ان بشهد شهادة حق ان المركز شغال كويس والناس فيه محترمين يمكن عشان لسه اول صيانه بعملها وهى صيانه ال1000 ميهاش مشاكل بس السياره الحمد لله انا راضى عنها تماما قبل وبعد الصيانه والذى تم الآتى بمبلغ 5و188
اولا تم وضع كيس بلاستيك لحمايه كرسى السائق وورق كرتون بالأرضيه مع اخذ البيانات الخاصه بالسياره الساعه التاسعه وكنت انا متواجد هناك من التاسعه الا ربع وخرجت من هناك حوالى الساعه 11 مع العلم ان السياره جاهزه من الساعه العاشره والنصف ولكن التأخير لدفع الفاتوره
1 تغيير زيت وفلتر الزيت شل 7000 كيلو
2 تربيط على العفشه
3 فك الاطارات وتنظيف الطنابير بالهواء وضبط مستوى الفرامل
4 ضبط مياه التبريد على المستوى اللازم
5 ضبط مياه قربه المساحات
6عمل تست للأناره
هذا ما تم ولم يكن لى اى شكوى اطلاقا الحمد لله السياره جديره بالأحترام

السلام عليكم الاستاذ Ahmedfd متهيالى كدة انى اعرف حضرتك ، هل انت احمد مدير عام الدعم الفنى فى شركة بترول ولا واحد تانى