لو سمحتوا شوروا عليا في الوظيفة المناسبة لظروفي
السلام عليكم
أنا هبدأ بذكر الوظائف الموجودة و هذكر العيب اللي بيخليني مش قادرة اقبلها وهوضح السبب
الوظيفة الأولى مركز بحثي - هيكون تعاملي مع الناس مباشرة - عيوبها إني هتعامل مع الناس بشكل مباشر
الموظفة اللي اجرت مقابلة معايا مكنتش مريحة ولا أنا كانت ردودي إيجابية كلها
رغم اني كنت اتوقع انهم مش هيقبلوني بسبب المقابلة ولكن تفاجأت بإنهم قبلوني
الوظيفة التانية تسويق في شركة تجميل نسائية الميزة إن عندهم حضانة للأطفال ومواصلات تابعة للشركة , عيوبها إن الشغل ميداني - هتعامل مع الناس مباشرة-
رغم ان المديرة كانت مقابلتها ممتازة ولكن قالتلي توقعي من العملاء كل شيء
وكمان زوجي عنده تحفظ على مسمى الوظيفة وطريقتها قالي المندوبة مابيكونش عندها شهادة بالإضافة لإني معرفش الأمكان النسائية دي بيكون فيها إيه
الوظيفة التالتة مركز معاقين داخل منتجع السن سيت الميزة اني هتعامل مع اطفال وممنوع مرافقة اي بالغ مع الطفل , العيوب اني لما بحثت عن المنتجع دا في النت فهمت ان له سمعه مش كويسة
المشكلة ان عندي مخاوف كتير جدا من الناس -موصلتش لدرجة الرهاب- ولكن المخاوف دي ببتلخص في إني لما حد بيوجهلي كلام والحد دا معرفوش مبعرفش ارد
بيكون في دماغي كل الكلام بس مش قادرة اطلعه ومش بس كدا بتخنق جدا وبيحصلي ضيق في التنفس ودوخة شديدة
هتعرض كتير للحكاية دي بسبب عنصرية المجتمع السعودي إتجاه الأجانب ومش عايزة احط نفسي في موقف كدا
ايه الحل في المشكلة دي لإنها عائق إني أمارس حياتي بشكل طبيعي
وبالمناسبة حتى لو اخدت الجنسية هتفضل المشكلة دي موجودة لإنهم ببساطة بيعرفوا السعودي من الأجنبي وبيبقى في عنصرية اتجاه الأجانب وخصوصا في الوسط النسائي
الاستفسار التاني هل فيه وظيفة متعلقة بالرد بشكل الكتروني أو ماتعملش خالص مع الناس لإن المشكلة دي مابتحصلش إلا لما بكون في مواجهة مباشرة