السلام عليكم
هل الكلام دة صحيح فعلا . يعني في ناس في البنوك بتاخد المرتبات دي ؟
جزء من الموضوع
وعلى سبيل المثال، يتقاضى سائق رئيس أحد البنوك العامة راتبًا شهريًا قدره 15 ألف جنيه يرتفع لسائق آخر إلى 20 ألف جنيه، ويتقاضى رئيس البنك الذى يعمل به 140 ألف جنيه شهريًا، وبعد تطبيق الحد الأقصى للأجور بالبنوك، يتم خفض راتب رئيس البنك إلى 42 ألف جنيه شهريًا ولا يتم المساس بأجر السائق الذى سيصل إلى نصف راتب رئيس البنك.
http://www1.youm7.com/News.asp?NewsI...0#.U63OrfmSy3A
ما تعرفش السواق بتاع مدير البنك محتاج سواق ولا لا :Copy of m-s5:
انا قريت الخبر ده .. و مندهش من حكاية السواق ابو عشرين الف جنيه ! .. يعنى انا ممكن افهم ان فيه سواق لشخصيات مستهدفة .. مدرب تدريب خاص على قيادة السيارات المصفحة و المناورة و التعامل بالسلاح .. ممكن يوصل لمرتب زي ده .. انما سواق من البيت للشغل ؟! .. المهم في الموضوع ده .. انه بيتكلم عن ان كفاءات البنوك هتهاجر برة مصر .. هل فعلا فيه كفاءات تستحق اعلى من الحد الاقصى .. طيب لو يستاهلوا .. الدولة تعمل ايه .. الاستثناء ؟ .. كده مش هتعرف تطلع قانون اجور ملزم ؟ .. و اكيد فيه قطاعات تانية بالدولة هتعترض بالضرورة .. الشيء الساخر في تطبيق القانون برضه .. ان الادنى يرتفع .. و الاقصى ينزل .. و بس ! .. بدون اي هيكلة .. للناس بين الحدين ! .. انا في رايي .. ان فكرة الحد الاقصى و الادنى على الاطلاق هي فكرة فاشلة ! .. لازم كل تخصص يكون له الحد الاقصى و الادنى الخاص به .. مش ممكن مساواة الغير مؤهلين او الدرجات العلمية المختلفة و التخصصات بدون تفرقة .
البلد فيها كمية فساد رهيبة
و بعدين هجرة ايه بس يا سيدي للخليج
متوسط راتب البنوك من 8 الى 18 الف ريال شهريا و حضرتك بتدفع نصهم على الأقل على السكن و المواصلات و متعرفش تعيش بيهم نفس العيشة اللى هنا
يجربوا ياهجروا للخليج و هما حيرجعوا تاني هنا
مستوى البنوك للأسف سيء جدا جدا و الموظفين سيئين جدا و الخدمة لا تقارن بأقل بنك فى الخليج
أنا بتكلم على ال hsbc و cib اللي يوميا عندي عليهم ملاحظات تسيء لسمعة اي بنك - و كمية الأخطاء و التهريج و اللا مبالاة لا تحصى
و لو تعمل فى الخليج نص كده حينتهي عقدك ببساطة
لو ده حقيقي يبقي الشهادة
مجرد ورقة فعلا مع تقديري لاي مهنة
ولكن العميلة نسبية بردوا
أي هري..
الأرقام مش راكبة على بعض, أصل هو لو مرتب السواق 20 ألف فأكيد مرتب رئيس البنك مش هيكون 140 ألف بس..
عموماً هو أنا مش مع موضوع الحد الأقصى ده و معتقدش أنه ينفع يتطبق أصلاً خصوصاً في القطاع الخاص..
للعلم الارقام حقيقة والفاجعة الاكبر انها ليست اكبر الارقام هناك مرتبات اكبر بكثير
فعلا.....انا سامع ارقام هلامية فى مرتب رئيس البنكاقتباس:
المشاركة الأصلية كتبت بواسطة dede_dodo88
140 ده مرتب زهيد جداً بالنسبة لرئيس مجلس أدارة بنك, يعني ممكن نشقلب الأرقام و نخليها 410 و نكون قربنا من الرقم الحقيقي..اقتباس:
المشاركة الأصلية كتبت بواسطة mk3
و ممكن مليون جنيه فى الشهر غير العمولات والشاى و تسيهلات القروض و كولو بالقانون
للاسف السيسى محسبهاش صح
بدل متعمل حد اقصى افرض ضريبه على الدخل العالى
مفيش دوله متقدمه فى العالم بتعمل حد اقصى ده
افرض انا عاندى مصنع
و جايب مودير بيكسب المصنع ده فى السنه مليار جنيه
يبقا مش كتير لما اديلو ملوين فى الشهر ماهو كفاءه
الحد الأقصى لموظفين الحكومه مش للقطاع الخاص
و هو كفايه يطبق على الــ كام الف مستشار (مش القضاه) اللى منتشريين فكل المصالح و الهيئات و اللى مرتبهم 1.8 مليار فالشهر و بقالهم كام سنه فمكانهم و بدون اى افاده للبلد و لا رئساء و اعضاء مجالس الأدارات اللى اقل واحد فيهم بياخد 1000 ضعف الحد الأدنى و فالأخر كل الخدمات سيئه كل المصالح معطله حلول فاشله لأى ازمه
يبقى الناس دى كفايه عليهم كده و نستفاد بالفلوس دى فحاجه تانيه
مرتبى طبيب بقالى 5 سنين فى وزارة الصحه : 1116 جنيه فقط لا غير
وده مرتب المدرس بعد 11 سنه عمل فى التربيه والتعليماقتباس:
المشاركة الأصلية كتبت بواسطة Medicalist
Sent from my GT-S6500D using Forum Runner
يعني نفهم من كلامكم ان الكلام دة صحيح :L_bhuhhh[1]:
متابع
lol
مرتب رئيس البنك الأهلي معدي المليون جنيه شهريا
غير باقي التحابيش والأرباح السنويه
السواق مستحيل يوصل للرقم ده دي خزعبلات طبعا
المشكله مش في كده, المشكله حتى لو مش هيسافر بره, اي بنك خاص يتمنى ياخده عنده لأنه اسم طبعا
والبنك لاهيقلل مرتبه ولا حاجه
ورمضان مبارك
طبعا صحيح
اغلب السواقين اللى بيشتغلوا فى شركات البترول والبنوك وبعض الهيئات بيقرب من الرقم دة
دا غير الارباح السنوية اللى بتتوزع
بس طبعا رؤساء مجالس الادارة مش هيبقى مرتبه 140000 ج
دا رقم قليل
تخيلوا رئيس مجلس المصرية للاتصالات بياخد تقريبا ميليون ج فى الشهر !
دا الرقم المعلن غير الارباح والعمولات والذى منه
انا بتفق مع الاستاذ مينى كوبر
عمر ماحال البلد دى هينصلح طول ما الناس مابتدفعش الضريبة صح
اغلب المساجين فى امريكا مسجونين بسبب اما تهرب او هو اصلا مش قادر يدفع ضريبة !
اقتباس:
المشاركة الأصلية كتبت بواسطة omar-saad
هو مصدر حضرتك ايه للكلام ده
لو الاعلام اعرف انه كدب تماماً
لاسف الكلام فيه مبالغه بالنسبه للسواق
يا استاذ علوانى المدرس اه مظلوم بس حاليا هم على كادر و مرتب اقل مدرس دلوقتى مثبت مش متعاقد بيعدى ال 2600 جنيه من بدرى ده غير بدلات الامتحانات ومكافاه الامتحان الى بتعدى ال 6000 جنيهاقتباس:
المشاركة الأصلية كتبت بواسطة elawany13
لازم هيكلة للاجور من اول وجديد
الى كان عمل هيكله محترمه للاجور هو الدكتور سمير رضوان بس مشوه للاسف عشان ما يطرخش المشروع ده
هههههههههههههههاقتباس:
المشاركة الأصلية كتبت بواسطة medicalist
ياباشا ارقامك غلط خالص .... زيادة أكثر من الضعف
زى ما قولت فى المشاركة السابقة وده مرتب المدرس المثبت وبقاله 11 سنه عمل فى التربيه والتعليم بعد الكادر وبالحوافز وبكل حاجه
بالنسبة للمكافئة لمدرس بقاله 11 سنة عمل لا تزيد عن 2600 جنيه
يا باشا انا عمى مدرس ووالدى حاليا على المعاش كان مدرس برضه
عمى شغال بقاله بالظبط 18 سنه بياخد مرتب 2750 و المكافاه والله اكتر من 6000
ياباشا انا مدرس رياضيات .... والارقام المذكورة هى مرتبى ومكافئاتى بعد 11سنه عمل.....اقتباس:
المشاركة الأصلية كتبت بواسطة Medicalist
Sent from my GT-S6500D using Forum Runner
طيب احنا نجرب الكفائات ديه لما تهرب بسبب تقليل مرتبهم ونشوف ايه اللي هيحصل l :)
اعتقد السيسي هيطبق الحد الاقصي بكل حزم مش علشان عداله الاجتماعيه
..لأ ده بسبب ان كرامته مش هتسمحله ان فيه موظف حكومي يبقي مرتبه اعله منه :)
مفيش مشكلة لو راتب مدير البنك راتبه مليون جنيه وراتبه سواقه كام لكن المهم؟؟؟؟؟؟؟؟؟؟؟؟؟؟؟ ماذا اضاف سيادته لاقتصاد البلد او البنك الذي يعمل به جميع البنوك المصرية لا تعمل غير شيئين هم قروض سيارات (ومش مطلوب منك ان تسد القرض لانه سيتم حساب فوائد علي الاقساط الغير مسددة وعلي الورق البنك رابح ) او اعطاء الحكومة قروض لسد عجز الميزانية . والاخير فئة رجال الاعمال الكبار بين قوسين يعني ........وكل ذلك لا ياتي بنتيجة علي البلد او اقتصاده وكلهم يعملو علينا عباقرة ويجلسو يهددو فين انهم يروحو يشتغلو في بنوك الخليج وهياخدو كتير وكئن عملهم في بنوك الخليج شهادة نجاح بنوك الخليج كله ميزانيته من ميزانية حكوماته وبدون حكوماته ستسقط
[url=http://www.almasryalyoum.com/news/details/110607]اقتباس:
المشاركة الأصلية كتبت بواسطة A.Saad
اقتباس:
المشاركة الأصلية كتبت بواسطة aliabutaleb
تاريخ الخبر 23 يناير 2011 والزملاء بيتكلموا عن وضع حالى
الاوضاع اتغيرت تماماً
مرتب السائق حقيقي وشوفته كتير
رئيس البنك معرفش بس اعتقد صعب يكون فوق ال 100 الف
افتكرت حاجة لسه سامعها من يومين من وحد صاحبى عندهم محطة بنزين سواق التانك اللى بيجبلهم البنزين ... بعد ما بيأكله ويظبطه طبعا اعترفله انه لو معملش 30 الف جنيه فى الشهر يبقى ماشتغلش !