ممكن اعمل ايه ب 100 الف جنيه

**د./اليشع ثابت** · 16-10-2008 12:19 PM

فعلا اخى

الارض هى الحل الامثل حقيقى وانا ممكن اقترح عليك تشترى فى المدن الجديدة

زى اكتوبر او حدائق الاهرام او القاهرة الجديدة

وربنا يوفقك إن شاء الله

**شريف** · 16-10-2008 02:30 PM

المشاركة الأصلية كتبت بواسطة aleshath

فعلا اخى

الارض هى الحل الامثل حقيقى وانا ممكن اقترح عليك تشترى فى المدن الجديدة

زى اكتوبر او حدائق الاهرام او القاهرة الجديدة

وربنا يوفقك إن شاء الله

مبلغ ال 100 الف قليل جدا على اى ارض فى المدن العمرانبة الجديدة
ومفروض انة يبنى كمان فى فترة زمنية محددة

مبلغ زى دة يوزع نصفة فى وديعة فى البنك و النصف الاخر دهب مستعمل من السوق اللى جنب الحسين (بس لازم تتاكد من الدهب اللى بتشترية ميكونش مضروب)

**hic** · 16-10-2008 05:43 PM

المشاركة الأصلية كتبت بواسطة aleshath

فعلا اخى

الارض هى الحل الامثل حقيقى وانا ممكن اقترح عليك تشترى فى المدن الجديدة

زى اكتوبر او حدائق الاهرام او القاهرة الجديدة

وربنا يوفقك إن شاء الله

جزاكم الله كل خير على اراكم الغاليه
انا فعلا سالت على الارض بس انا خفت بصراحه من انى ممكن اشتر ارض و افاجا ان حد وضع يده عليها

**dr_3eshoo** · 16-10-2008 06:51 PM

مش لازم اراضي في المدن الجديده يعني الاراضي الي في سوميد و الي على المحور و الي على طريق الواحات مش لازم تبني في فتره زمنيه محدده
الاراضي المفروض محامي الي يتكلم يقول الخطوات الواجب اتباعها في شراء ارض
محمد ابيزا يعرف في الموضوع ده

**mohamed ibiza** · 16-10-2008 07:12 PM

الارااااااااااااااااااااا اااااااااااااااااااضي بس يكون معاك محامي كويس و امين لان في اراضي كتير ورقها مضروب

**mohamed ibiza** · 16-10-2008 07:14 PM

و كمان اغلب الاراضي اللي علي الصحراوي و كده وضع يد يعني انت هتشتري من البدو و بعد كده تخلص مع الحكومة عشان الارض تتسجل بأسمك لان العقارات لا تنتقل ملكيتها الا بالتسجييييييييييييل مش زي الحاجات القابلة للنقل زي السيارات اللي القاعدة فيها (الحيازة في المنقول سند الحائز) لو هتستثمر فلوسك في الاراضي خليك حذر جدا خصوصا لو ارض ورقها مضروب و عليها مشاكل

**WalidAdel** · 16-10-2008 08:12 PM

والله نصيحه ليك يعني الناس حتبتدي تتجه في الخمس سنين القادمه علي مرسي علم و راس غارب الحتت دي
هاديه و بتاع و الجو فيها تحفه و المناظر و المطار اللي فتح دا كام شهر في السنه و احتمال يتفتح علطول
و حتبقي زي شرم و كده
الخلاصه ممكن حضرتك تروح هناك و تشوف حتة ارض هناك و تسقعها كام سنه و تبيعها
و الله الموفق

**KoDaK_Gti** · 16-10-2008 10:31 PM

انا عندى رأى
حاول تشوف حاجة فى الساحل الشمالى
لأن بيقولوا انهم هيعملو مطار هناك والاسعار هتضرب
وممكن تشوف بيهم شقة او شاليه صغير فى قرية من قرى الساحل وهتعملك دخل حلو فى الصيف بردو
وممكن تاخد بيها شقة جمبك وتأجرها بردو
او حتة ارض فى الاماكن الجديدة

**Hussein_Ramdan** · 17-10-2008 02:02 AM

غلط انهم يتشالو من غير ما يشتغلو
عشان القيمة الفعلية للفلوس بتقل معا الزمن
انا معا رائى العقارات الشقق كل يوم فى الطالع
ممكن تشترى حتيت ارض وتبنيها عمارة
طبعا مش معقول بالميت الف
لكن التاجر بيعملو كالاتى
1- يشترى قطعة الارض بالفلوس الى معة
2- يطلب من البنك يبنى العمارة بضمان قطعة الارض
3 - لما العمارة تخلص يبيع العمارة تمليك
4 - يسدد فلوس البنك ويطلع كسبان الضعف او الضعفين