زى مقال الاستاذ أحمد أن المايه بتنقص فى دورة التبريد المفتوحه فقط
لاكن فى الدوره المغلقه المفروض ماتنقص ولو نقص بيكون بسيط جدا يعنى مثلا كل 300-400 كم نصف كبايه ده مع درجة حرارة جو عاليه كمان
حضرتك هتراجع بالترتيب
- جوان غطا القربه ولازم يكون محكم الغلق
- الخراطيم وأماكن الكوليهات وأنها محكمه
- طبب الماتور
- تسريب من الريداتير
- جوان وش السلندر وده من الاحتمالات الوارده لو قديم
بالنسبه لنوعية المياه هتستخدم المياه الموصى بها عندك فى الكتالوج لان بيبقى فيها ماده مانعه للصدأ وماده زيتيه لتزيت طرمبة المايه وبالتالى رفع كفائتها وكمان هتحافظ على بلوكة الماتور من التاكل وهتحافظ على جوان وش السلندر
وكمان بتحتوى على ماده لرفع درجة الغاليان للمايه فبتساعد على تبريد افضل خاصة فى فصل الصيف
عندى فى الفولكس بنستخدم مياه +g12 ولونها أحمر وديه المياه الموصى بها من vw ولونها أحمر
تقريبا عندك مياه خضراء لان بلوكتك حديد أحنا ألمونيوم
أما مياه التكيف الى بتكون مقطره بطبيعتها او المياه المقطره فقط ممكن تحافظ فقط منع الصدا بس مش هتاخد أى ميزه تانيه
أما مياه الحنفيه فدبه خراب مستعجل هتعمل صدا وهترفع درجة حرارة الماتور وهتبوظ طرمبة المياه فهتقلل كفائة التبريد وبالتدريج بتقصر عمر بلوكة الماتور ونصيحه ممنوع نهائى مياه الحنفيه
تحياتى