معدل تزويد قربة الميه؟؟

**safwat1100** · 30-06-2014 01:41 AM

كل سنه و انتوطيبين يا رجاله و يا رب يكون شهر خير عليكم و على امة المسلمين اجمعين
نخش ف الموضوع بقا
عايز اعرف معدل نقص الميه ف القربه يعنى المفروض ازودها كل أد ايه و هل تفرق لو الميه بتاعت حنفيه عن ملونه عن مية تكييف ولا ايه؟
سؤال اخير بقا ... يا ترى درجة الحراره الجميله بتاعت اليومين دول ممكن تكون سبب ف ان الميه تقل؟؟؟؟
العربيه فيكترا 2000 cc ايكو 2 كامه

**mahmoud kamal** · 30-06-2014 01:47 AM

1-المفروض الميه متقلش طول ما دوره الميه مفيهاش تنفيس بس مع درجه الحراره اللى احنا فيها والتكيف والمشى مسافات طويله الميه بتقل ومعدل الميه ملهوش معيار ثابت انها تقل كل قد ايه
2-طبعا نوع الميه بيفرق ونضافه الدوره مع التبريد فى العربيه يستحسن ميه خضرا ودوره الميه تكون نضيفه وتزودها ميه تكيف او ميه مقطره لو بتقل
تحياتى

**hagagatc** · 30-06-2014 03:26 AM

المفروض كل شهر مثلا نص كبايه لو مفيش تنفيس اوتسريب في الدوره

**safwat1100** · 30-06-2014 03:45 AM

انا فعلا كنت عامل كذا مشوار حلوين بس ده يكون سبب ان يبقا فاضل تلت الميه بس؟؟ و بعدين انا كابس الدوره قريب و مغير كوعه و كانت تمام
و بعدين انا قريت ف مواضيع هنا ان الميه بتقل كل كام يوم و بتتزود فهل ده صح؟؟؟؟؟

**safwat1100** · 30-06-2014 03:51 AM

المشاركة الأصلية كتبت بواسطة hagagatc

المفروض كل شهر مثلا نص كبايه لو مفيش تنفيس اوتسريب في الدوره

كل شهر و نص كوبايه

انت صدمتنى بالموضوع ده ..... بس انا لسه كابس الدوره قريب يبقا الميه تنقص ليه بقا

**mk3** · 30-06-2014 03:54 AM

مفروض القربه متنقصش لكن لو نقصت تبقى حاجه بسيطه اوى وكل فتره كبيره .....حدث عندى نقص متواصل وكنت بكملها ومش فبالى لغايه ما النقص بقى جحيم وشجره الميه ضربت وانا فى مشوار (العربيه اكسنت)

**Honda_lover** · 30-06-2014 04:50 AM

المعدل الطبيعي كل شهر او شهرين حوالي نص كوباية

**ibrahiiimooo** · 30-06-2014 04:58 AM

رد سريع بمناسبة قصة شهر او شهرين نص كوباية
المعدل الحقيقي تعرفه من كتالوج العربية لان كل عربية غير التانية
بالمناسبة عربيتي الفورد فوكس بيقول لو ان كملت الميه لتر ( لتررررر) كل شهر ده معدل عادي في ظروف التشغيل القاسية
شوف كتالوج عربية حضرتك بيقول ايه

**احمد فهمى** · 30-06-2014 06:43 PM

الميه ممكن نقل بسبب الحراره فى الدوره المفتوحه لكن المغلقه زى الاوبل المفروض متقلش غير لو فى تسريب فى خرطوم او غطا القربه وفى الغالب بيكون التسريب فى جوان وش السلندر مع العمر وده ممكن يوصل لنص لتر او لتر فى الشهر

الموضوع: معدل تزويد قربة الميه؟؟

LinkBack

أدوات الموضوع

عرض

-

-

-

-

-

المواضيع المتشابهه

قربة الميه في الاوبترا

قربة الميه في الفنتازيا

غطا قربة الميه

قربة الميه فيها شرخ من فوق

تزويد الميه وعلاقته بربط وش السلندر

الكلمات الدلالية لهذا الموضوع

المفضلات

المفضلات

ضوابط المشاركة