الموضوع: معروض عليا x 3 موديل 2013 ممكن نصائح

المشاركة الأصلية كتبت بواسطة mohamed_hamdi

حضرتك تقصد اي موديل تحديدا هل ال ٢٠٠٠ سي سي ام ال ٣٠٠٠ سي سي علشان الرد يكون دقيق

2000 cc

المشاركة الأصلية كتبت بواسطة mohamed_hamdi

شوف يا ايمن باشا
١- ال X3 عربية محترمة جدا كاداء و قوة و نظام دفع رباعي فعال جدا و ان كانت موجهة اكتر للاستخدام المدني اكثر من كونها موجهة لاستخدام خارج المدينة off road لمحبي الصحراء و طبعا الجيب افضل منها في الموضوع ده و معاها النيسان الباترول و شبيهاتها من السيارات. بالنسبة لمصر فهي مناسبة جدا كاداء و حجم و طبعا الارتفاع عن الارض ٢٠ سم.

٢- فئة ال ٢٠٠٠ سي سي منها كويسة و ليست رائعة لسببين اولهم ان خرج الموتور السنجل تيربو هو ١٨٤ حصان فقط و ثانيهم ان تجهيزاتها و كمالياتها ليست بالافضل لان التوكيل طبعا عايز يعرف يبيع الموديل المجهز ب ٣٠٠٠ سي سي. الموتور الاكبر ٣٠٦ حصان و تسارع من ٠-١٠٠ كم/ ساعة في ٦ ثوان و عزم دوران ٤٠٠ نيوتن متر يبدأ في الظهور عند لفات للمحرك ١٢٥٠ لفة. طبعا المقارنة كاداء و سحب قياسا بوزن العربية في صالح الموتور الاكبر تماما. البافارية طبعا شايلين الزينون و الفرش الجلد و الابنوس و الكاميرا الخلفية من الموديل الاصغر و كمان الجنط ١٧ و ليس ١٨ و للامانة في فرق كبير كاداء و كتجهيزات بين الموديلين في صالح ال ٣ لتر فلو مش فارقة معاك الكماليات و ضعف قليل في الاداء فالموديل ال ٢ لتر كافي جدا و بسعر ٤٧٨٠٠٠ جنيه كاش مقابل ٥٦٨٠٠٠ لفئة البيزنس من الموديل الاكبر.

٣- كلا الموديلين متوافق مع بنزين ٩٢ تماما بدون مشاكل و لكن استهلاك البنزين في صالح طبعا موديل ال ٢ لتر بواقع فعلي حوالي ٨.٥ - ٩ كم / لتر بينما الموتور الاكبر استهلاكه الفعلي و سيبك من كلام التوكيل هو حوالي ٧.٥ كم لكل لتر كمتوسط فعلي او حوالي ١٥٠ كم لكل ٢٠ لتر. الفرق كاستهلاك بنزين مش الفرق الجامد بس الفرق الحقيقي هو تكلفة ضريبة الترخيص بواقع ١٠٠٠ جنيه سنوي لموديل ال ٢ لتر يزداد الى ١٠٠٠٠ جنيه سنوي للموديل الاكبر مع تنلقص سنوي قدره تقريبا ١٠٠٠ جنيه.

شكرا جدا للافادة يا أستاذ محمد
العربية المعروضة عليا 2000 سي سي موديل 2013 6000 كلم بيتكلم في 420000 وتنزل وانا شايف انها كتير وأنا أصلا مجربتش ال x3 بموديل ال 2 و 3 بس طبعا قصة الضريبة دي تفرق معايا كتير ومش هاحتاج الموتور الكبير ده اصلا بس في نفس الوقت شايف اني هادفع مبلغ كبير في عربية زي ما حضرتك بتقول بلا امكانيات زي الزينون والكاميرا وخلافه
المشكلة اني اصلا مكنتش بفكر فيها بس لقيت ال c200 , 250 واطية قوي ومتنفعش في بلدنا دي وخصوصا المحافظات ومطباتها علشان كده فكرت في البي ام لأن محدش برضه شكر في ال GLK
آسف للاطالة بس انا فعلا محتار

المشاركة الأصلية كتبت بواسطة mohamed_hamdi

كده يبقى تنسى العربية المعروضة عليك طالما الكماليات بتفرق معاك و أعتقد أن أنسب اختيار في الفئة دي ال x1 ال x-line و كمالياتها كويسة جدا و هتوفر حوالي 75000 ج كمان. ال glk ال 2 لتر أعلى فئة حلوة جدا بس غلوها ل 520000 و هتغير شكل كامل في 2015. أي عربية الخلوص الأرضي لها أقل من 16 سم هتضايقك جامد في المطبات و خصوصا المحافظات.

شكرا يا باشا وغالبا هالغي فكرة العربية دي
وأشوف حاجة تانية
وأكرر شكري وتقديري لحضرتك

حضرتك انا في نفس مشكلتك لازم عربية عالية و في نفس الوقت محتاج اوبشنز و من اللف و الدوران كثير لقيت انسبهم ال audi q3 بس ديه ١٤٠٠سي سي ممكن تشوف ال q5 بس مستعمل ٢٠١١ او ٢٠١٢ هتلاقيها اوبشنز اقوي و ٢٠٠٠ سي سي و ربنا معاك
لو عوزت اي حاجة في المعلومات انا تحت امرك

المشاركة الأصلية كتبت بواسطة ahmediqo

حضرتك انا في نفس مشكلتك لازم عربية عالية و في نفس الوقت محتاج اوبشنز و من اللف و الدوران كثير لقيت انسبهم ال audi q3 بس ديه ١٤٠٠سي سي ممكن تشوف ال q5 بس مستعمل ٢٠١١ او ٢٠١٢ هتلاقيها اوبشنز اقوي و ٢٠٠٠ سي سي و ربنا معاك
لو عوزت اي حاجة في المعلومات انا تحت امرك

شكرا يا احمد باشا بس أعتقد مشكلة اعادة البيع للأودي دي لوحدها مشكلة يعني لو حبيت أبيع مش هلاقي حد يشتري بعد كام سنة