عاوز اعمل صيانة جراند بونتو, و عندي شوية مشاكل, اروح فين؟
السلام عليكم,
كل سنة و انت طيبيين :)
دلوقتي انا عاوز اعمل صيانة ال 40 الف العادية للعربية و زي ما انا عرفت من هنا ان اوماترا مبقاش التوكيل خلاص, مين التوكيل الرسمي دلوقتي؟ و هل فيه حد اتعامل معاه و جربة؟
المشاكل الي عندي في العربية:
1) صوت شخلله في التابلوه من جوا في كل حتة (بس اكترهم ناحية فتحات التكييف في النص) سواء ماشي علي طريق مسفلت او لا بقت عاملة زي عربية موديل سبعينات مش 2010.
2) صوت تزييق في الكرسي بتاعي (السايق) مع اي هزة, الصوت عالي اوي و مستفز جدا.
3) التكييف في مشكلة هتجنيي, في اول 10 دقائق بيبقي زي الفل, و طول ما انا ماشي زي الفل. اول ما اقف في زحمة او العربية تسخن بيبتدي يقطع (الكمبروسر يفصل و يشتغل في اقل من ثانية) مش بيقثر علي التبريد بس بتبان في هزة في العربية و ال rpm و انا خايف علي الكمبروسر فبفصلة, بصيت علي المروحة لقيتها بتشتغل عادي السرعتين لما بشغل التكييف, المشكلة ممكن تكون من اية؟ السربنتينة عاوزة تتنضف مثلا ولا ايه؟
فانا عاوز اعمل الصيانة العادية و حد يبصلي علي الحاجات دية, اروح لمين؟