الموضوع: تقرير عن اول تجربة للصيانة مع شركة النيل الهندسية

المشاركة الأصلية كتبت بواسطة ayman2

الأخ الكريم كل عام وحضرتك بخير ورمضان كريم
فقط اسال عن اسعار فلتر الهواء والبوجيهات وفلتر الزيت عند الكيلانى لهذا الموديل بالأضافه لثمن الزيت (أكثر من 300 جنيه ) + المصنعيه + ضريبه المبيعات على كل ماسبق وطبعا الميكانيكى اللى فى الشارع معندوش أجهزه حديثه ومعندوش ضرائب ولايوجد فواتير بالأضافه انك سوف تكون مطمئن بنسبه كبيره ان سيارتك مع ناس فاهمه مش بتعك على الأقل وتعمل وفقا للكتالوج والجداول المقرره بدون فهلوه التى ندفع ثمنها يوميا فى حياتنا وهى سبب تأخرنا وايضا حضرتك منتظر فى مكان محترم ---- كل هذا له ثمن ممكن يكون مبالغ فيه فى بعض التوكيلات وانا متفق معك بدون شك لكن فى هذه الحاله موضع النقاش اعتقد انه لايوجد مبالغه ورمضان كريم

استاذي العزيز أ / ايمن
انا متفق مع سيادتك في كل كلامك لكن تعالي نتناقش في نقطه تانيه خالص و هي الفرق بين الكوري و الماليزي و بين السيارات الاوروبيه - ليه كل قطع غيار الكوري ارخص بكتير من الاوروبي ؟

لسبب بسيط جدا هو ان الشركات الكوريه او بمعني اصح الشرق اسيويه يهمها الانتشار ليس بقد المكسب و دا اسلوب اذكي بكتير من المكسب الكتير في مبيعات اقل كما يحدث للاوروبي

و بيساعد في كده التوكيل او بمعني اصح المحتكر الاوحد للمنتج

تعالي نتخيل حاجه تانيه خالص ان المستوردين مش بس محمد يوسف و الكيلاني لا دا فيه الاستاذ ايمن و شركاه و خالد و اخواته و 15 محل مستورد كمان - هكذا هل تعتقد ان اسعار القطع هاتكون بنفس السعر الحالي ؟

بالاضافه الي ان القطع الاصليه بتييجي باليورو و في فرق في السرعات ااقصد في العملات
لكن تعالي نستورد من الصين الوضع هايختلف مع كامل الاحترام في الفرق بين الجودة طبعا

خلاصة القول انت علي حق و انا علي حق و هي مجرد وجهات نظر
و كله بيرزق في الاول و الاخر

و رمضاااااااااان كريم
لك مني كل الاحترام

شركة مش بروفيشنال خالص، تجربتي معاهم زفت لما جيت اتصل عليهم علشان احجز ميعاد، وواحدة ردت عليا بمنتهي قلة الذوق وقلة الادب وبسألها عايزة اعرف صيانة ال٦٠٠٠٠ عبارة عن ايه، فبتقولي انا معرفش واتصلي الساعة ٣ اسالي علشان التكنيكال معاها عميل، قلتلها وانتوا بتقفلوا الساعة كام، بتقولي ٣، فبقولها وهي هتفضل مع العميل لحد الساعة ٣، المهم وخلاصة الكلام انها قالتلي انها هتخليها تكلمني الساعة ٢ وطلعت كدابة، ومن الاخر طريقتها مستفزة ومش عارفة اخد ميعاد والمشكلة ان انا عندي الفرامل لازم تتغير وسيادتها بتقولي العربية بتبات، ومكنتش بعمل كدا في اوماترا، بجد ياخسارة

علي ما يبدو

انه اسوء من سيدي الا ستي

و رمضاااااااااااااااااااااا ن كررررررررررررررررررررريم

المشاركة الأصلية كتبت بواسطة khaled_k21

علي ما يبدو

انه اسوء من سيدي الا ستي

و رمضاااااااااااااااااااااا ن كررررررررررررررررررررريم

غالبا كده، كان معاهم التوكيل فى التسعينات و كانوا مش تمام حسب ما اتذكر
ياريت نكون غلطانين و يحاولوا يحسنوا فى شغلهم

يا جماعة بالنسبة لموضوع التوكيل في التسعينات ،، هو كان فعلا معاهم ،،،،لأني تطرقت للموضوع ده مع ا/ محمد فقالي انهم كانو في شراكة في التوكيل وع فيات نفسهم و كانو كمان بيجمعو التمبرا و السيينا ولكن فيات هي اللي قررت وقف هذه المشروعات وسحب الاستثمارات فبناءا عليه رفضت النيل الهندسية الاستمرار فحولت فيات التوكيل الي اوماترا،،
هذا ما عرفته اثناء زيارتي لهم