السلام عليكم
لما باجى ادور العربية مع اول سنة كونتكت - قبل بدء الموتور - بسمع صوت خروشة او تكتكة من اتجاة الدركسيون او العدادات ، الصوت مش بيطلع كل مرة و دا ملوش علاقة بصوت طرمبة البنزين دى صوت خروشة غير منتظمة.
دى يعرف اية دا ؟
عرض للطباعة
السلام عليكم
لما باجى ادور العربية مع اول سنة كونتكت - قبل بدء الموتور - بسمع صوت خروشة او تكتكة من اتجاة الدركسيون او العدادات ، الصوت مش بيطلع كل مرة و دا ملوش علاقة بصوت طرمبة البنزين دى صوت خروشة غير منتظمة.
دى يعرف اية دا ؟
انا مش عارف الصوت عامل ازاى بظبط بس فى صوت بيطلع دة بتاع البور عشان كهرباء
صوت الايموبلايزر ... لا تقلق
عندى نفس الصوت وانا بعمل صيانة قولت لهم علية قالوا لى هنغير لوحة العددات وهتيجى كمان ٣٥ يوم
يعني سبب العطل مجرد لوحه العدادات فقط وهيا سبب الصوت ده ؟؟؟
يبقي علي مااعتقد الموضوع بسيط ان شاالله
الصوت دا كمان بيختفى بعد تدوير الموتور!!
هل الموضوع ممكن يكون لية علاقة بلمبة الشنطة اللى بترعش - حاجة فى الكهرباء يعنى
الصوت مش صوت كهرباء ، هوة اكتر صوت خروشة او طقطقة من سماعات
طيب انا عندى سبورتاج 2015 وفيها صوت خروشة جاى من العدادات افهم من كلام حضرتك انة العدادات عندى بايظة
ولو كدة العمل اية دا لو جابوة قريب فى التوكيل اصلا
ودا اكيد معناة انهم هيفكوا الطابلوة كلة بقى
بجد حاجة مش ممكن لما تجيب عربية زيرو ويطلع فيها العيب دة
فعلا ربنا يستر :ask:
بس ازاى تكون لوحة العدادات بايظة والانوار والعدادات شغالة عندى 100% ما فيهاش مشكلة خالص ولا دا ممكن يحصل وبردوا تبقى بايظة ويا ترى عند حضرتك العدادات شغالة كويس ولا فيها حاجة هى اللى لفتت انتباهك جنب الصوت
انا كمان بلاحظ فى العدادات ان عداد الحرارة مش بيوصل لل90 لكن قبلة كدة بحاجة بسيطة مش عارف دة عادى ولا لازم الحرارة توصل لل90 وتثبت عشان العربية اللى قبلها كانت 90 وتثبت حتى فى الشتاء
الحقيقة الموضوع دة ضايقنى جدا خصوصا انهم قالوا لحضرتك انه مالوش سبب
طيب هو الصوت عند حضرتك مستمر مع فتح الكونتاكت لغاية اما تدور وبعد التدوير يختفى ولا بيظهر لمدة ثانيتين ويختفى قبل الدوارة اصل انا عندى الصوت بيقعد ثانيتين مع الكونتاكت صوت اكن فى اسطوانة محشورة فى سى دى روم ويفصل وبعد كدة ادور العربية عادى يعنى الصوت مثلا بيختفى مع اختفاء لمبة الدينامو
واسف على الاطالة فى الاسئلة
الصوت ده ظهر عندي مره وحيده تاني يوم اشتريت العربيه لمده ثانيتين ولاحظته لاني باركن في جراج هادي بس ما اديتهوش اي اهميه...ولما قريت الموضوع ده من فتره تابعت ظهوره تاني وحاولت اني اشوفه بيتكرر تاني ...بس ماظهرش وحاليا هيا معايا بقالها 3 اسابيع وماشي بيها 1200 كيلو ...متهيالي ده حاجه بسيطه ان شاالله
فى صوت كده زى زنة بسمعه عندى كل يوم و العربية بتدور اول مرة الصبح اول ما بفتح الكونتاكت قبل ما ادور العربية
و بعد ما بتسخن مش بيطلع الصوت تانى
دا صوت طرمبة بنزين و لا مشكله العدادات ؟
انا جربت موضوع الصوت في عربيه واحد صاحبي هاي لاين بصمه...لاقيت الصوت موجود دايما مع اول ماتدوس علي استارت انجن مرتين ورا بعض بدون فرامل يعني لما بنور انوار علامات التابلوه وحسيت انه صوت طبيعي ومافيهوش مشكله...تماما زي مايكون صوت سي دي محشور وبيقعد ثانيتين
طبعا ماحدش بيلاحظه في البصمه لان دايما اللي بيدور بيدوس فرامل مع الاستارت انجن ومابيمرش بمراحل التشغيل اللي بتكون اثناء لف المفتاح
رأيي الشخصي انه حاجه عاديه
برده علشان قلق صاحب الموضوع يتابع معاهم في التوكيل ويجرب في عربيه هاي لاين هناك وخير ان شاءالله
انا متأكد ان الصوت مش طبيعى لانة جديد. العربية مكنتش كدة الاول. موضوع عدادات ولا لأ دة اللى معرفوش
بس واضح ان الصوت عند ناس كتير. ممكن نتقابل يوم ونجرب ونشوف احنا بنتكلم فى نفس المشكلة ولا اية
انا رحت التوكيل والمهندس اللى قابلتة الاول اسمة محمد وقالى ان الصوت طبيعى وان دى سنسورز بتشتغل وبعدين حسستة انى مش مقتنع بادب طبعا
فالراجل يشكر جاب مهندس تانى وسمع وقال نفس الكلام وجابوا مهندس الورشة كمان وسمع وقال الحمد لله ما فيش حاجة ودة طبيعى وان دى سنسورز بتشتغل
فالحقيقة عشان الواحد مش متخصص قررت انى لازم اشوف عربية زى بتاعتى واجرب الصوت بنفسى وبقالى يومين بلف على المعارض للاسف ما فيش سبورتاج دلوقتى غير قليل قوى ومشعاوز اسئل حد فى الشارع معاة العربية عشان ما لعبش فى دماغة واوسوسة وكدة واعتقد ان الحل دة هيعرفنا اذا كان فى عيب فى عربيتنا ولا الصوت عادى
معلش هو الموضوع جايز يكون بسيط فى الظاهر بس الخوف ليكون المشكلة كبيرة ومستخبية
وبردو لما اوصل لحاجة هقول لحضرتك ان شاء الله
اخوانى الكرام كل سنه وانتم طيبين..
انا عربيتى هاى لاين بصمه.. مع اول ضغطه على مفتاح الكونتاكت بيصدر صوت الخروشه.. مع المتابعه الدقيقه بعد قرائتى للموضوع تبين لى انه صوت فك اللوك الخاص بالدركسيون.. تظهر احيانا هزه بسيطه فى الدركسيون حسب وضعه عند اطفاء المحرك اخر مره..
ارجو انى اكون افدتكم.. اسألكم خير الدعاء..
الفيصل بينى و بينك
شوف الفيديو دا فيه صوت خروشة مش عارف دا اللى عندك و لا لا
2014 KIA CERATO / FORTE | عرض كامل #كيا سيراتو - YouTube
هو للاسف الصوت مش واضح قوى فى الفيديو بس عارف حضرتك الصوت زى حاجة محشرجة كانها سى دى محشورة كدة مع فتح الكونتاكت
هو اللى مخوف الواحد ان ممكن يكون التوكيل عارف انة عيب بس مخبى كعادة معظم التوكيلات فى مصر خصوصا ان فى مشاركة لاحد الاعضاء فى انه راح التوكيل ابو رواش تقريبا وقالوا ان العدادت فيها عيب وهيغيروهالوا
المشكلة بقى ان الصوت دة صعب يتوصف وصعب على الاقل بالنسبالى اقدر اقول اذا كان الصوت من اول ما اشتريت العربية ولا لأ ومركزتش فية غير لما قريت الموضوع
وما فيش قدامى غير الانتظار لغاية ما اشوف عربية زيرو فى اى معرض وانا بدور واجرب الصوت بنفسى واتاكد وربنا يستر ويطلع صوت عادى يارب
عفوا اخى الكريم...
هو احنا لو روحنا قارنا فى التوكيل نفسه حد هيقول حاجة؟؟
يعنى وقت ما العربية فى الصيانة ندخل نتفرج ومن حقنا ندور العربية. والله لو الصوت مش موجود لو المهندس قال طبيعى يبقى الرد ادخل جرب وشوف