الموضوع: فيات بونتو ودايو ماتيز

المشاركة الأصلية كتبت بواسطة speranz

موديل 2000 تعملها 35 الف
لو حالة نضيفة مش هتحتاجي تعمليلها صيانة
عن تجربة مع عربيتي الفيات بقالها معايا سنتين
ومغيرتش غير السيور وتيل الفرامل حاجات تافهة يعني
لو كانت تنفع معاكي السيدان كنت ادتهالك متغلاش عليكي
دوري عند حد من معارفك واصحابك وافحصي قبل ماتشتري
ومتقلقيش من موضوع التخبيط
كل مالعربية كانت غالية في نظرك هتحافظي عليها بالسواقة الهادية
وهتريحك كتير لان ال 128 هتكرهك في السواقة بجد

.
.
أنت هتقول لي على 128 فعلا كرهتني ف السواقة ده أنا كنت عاوزة أجيب مرشدير من تقل الفتيس جبت الرابع والعربية طارت قدام وأنا باصة ورا ههههههههههههههههه
دي عربية مش مؤدبة عاوزة حد يبلطج عليها مش يسوقها :d
بس بالنسبة للسعر ال انت قولته أنا مش بلاقي منه غير 95 و 94 إنما ال 2000 بتبدأ في المعظم من 38

المشاركة الأصلية كتبت بواسطة abdoumahros

ايوه كلامي عن تجربه
اختي معاها بونتو كلاسيك 2009 مانيوال التكييف ماشاء الله تلاجه بمعني الكلمه
ولما سالت قالوا في التوكيل انهم بيستخدموا في البونتو تكييف ياباني
المهم ياباني ولا ايطالي التكييف رائع

.
.
وبردو 1300 cc زي موديل 2000 والاتنين نفس نوعية التكييف ولا معنكش فكرة؟
معلش صدعتك

المشاركة الأصلية كتبت بواسطة m.a

.
.
وبردو 1300 cc زي موديل 2000 والاتنين نفس نوعية التكييف ولا معنكش فكرة؟
معلش صدعتك

ايوه بونتو كلاسيك 2009 موتورها 1300
بخصوص نوعيه التكييف بصراحه معرفش
بس ممكن حضرتك تشوفي قسم فيات اكيد ها يقولولك
اما بخصوص الصداع ولا يهمك كده كده الصيام عامل عمايلو

المشاركة الأصلية كتبت بواسطة abdoumahros

ايوه بونتو كلاسيك 2009 موتورها 1300
بخصوص نوعيه التكييف بصراحه معرفش
بس ممكن حضرتك تشوفي قسم فيات اكيد ها يقولولك
اما بخصوص الصداع ولا يهمك كده كده الصيام عامل عمايلو

جزاك الله خيرا
وبالنسبة للصيام تقبل الله وإن شاء الله الثواب على قد التعب وأكثر

في ناس معقدني من البونتو بعد ما رسيت عليها وبيقولوا إن الإكصدام بتاعها خفيف وبيتكسر من أقل حاجة وبيرشحولي الهيونداي أكسنت 2000 أو سنة قريبة منها
إيه رأيكم في الشكل وقطع الغيار والتكييف والبنزين وكله بئا :d
أنا عارفة إني تعبتكم بس أنا معنديش حد يفيدني أكتر منكم بصراحة

الفيات اجمد وخامتها انضف من الاكسنت الي زي الورقة لان الكوري كان لسا بيقول يا هادي في الوقت ده
والاكسنت عربية تعبانة لو هتفكري في السيدان يبقي لانوس 2000 او السيفيا اغلي حبتين بس افضل
وبالنسبة لسعر البونتو انا عارف ان في ناس بتطلب 40 الف كمان بس عشان الفصال وانتي وشطارتك
واسئلي زي مانتي عايزة احنا تحت امرك لاننا هنا بنحاول نخدم ونفيد بعض بخبرتا حتي لو كانت محدودة

المشاركة الأصلية كتبت بواسطة speranz

الفيات اجمد وخامتها انضف من الاكسنت الي زي الورقة لان الكوري كان لسا بيقول يا هادي في الوقت ده
والاكسنت عربية تعبانة لو هتفكري في السيدان يبقي لانوس 2000 او السيفيا اغلي حبتين بس افضل
وبالنسبة لسعر البونتو انا عارف ان في ناس بتطلب 40 الف كمان بس عشان الفصال وانتي وشطارتك
واسئلي زي مانتي عايزة احنا تحت امرك لاننا هنا بنحاول نخدم ونفيد بعض بخبرتا حتي لو كانت محدودة

متشكرة جدا لذوقك وجزاك الله خيرا
وسعيدة جدا بردك لأني نفسيا ميالة جدا للبونتو رغم المحاولات الكتير من ال حواليا عشان أجيب حاجة غيرها أفضل من وجهة نظرهم
وبالنسبة لللانوس أنا فعلا فكرت فيها بس أعتقد إنها ضيقة من ورا وبردو موضوع الأبعاد ده بيزهق والهاتش باك ممكن تبئا أفضل في الركنة والزحمة يعني هتبئا عملية أكتر ولا أنت إيه رأيك؟

بالظبط كده الهاتشباك محندقة وبتتحكمي فيها بسهولة ومناسبة جدا ليكي وهتحبيها
والناس مش بتنصحك بالبونتو عشان مش منتشرة اوي عكس الاكسنت الي تلاقيها في كل حتة
والعربيات دي ازواق الي يحبها غيرك ممكن متحبهاش
وبالنسبة للانوس في منها هاتشباك اسمها دايو جوليت شوفيها بردو يمكن تعجبك
واي سؤال تاني تحت امرك وعقبال ما نقولك مبروك لما تشتري العربية ان شاء الله