افيدوني في تغير من زيت معدني الي زيت تخليقي

**agaty1st** · 01-07-2014 03:02 PM

المشاركة الأصلية كتبت بواسطة swimmer25

إشتري ..Engine Flush أو إسمه Motor Flush..يكون نوع نضيف
وقبل ما تيجي تغير زيت جو المحطة..بتحط العلبة علي الزيت القديم وتتبع التعليمات اللي مكتوبة علي علبة flush
بيتساب 5 دقائق تقريبا علي السلانسيه او زي ما هو مكتوب علي العلبة
وبتنزل الزيت القديم مع الفلاش وتغير الفلتر
وتحط الزيت القديم

طبعا التخليقي أفضل من المعدني ..توكل علي الله

Engine Flush
أسرع حاجه تخلي الموتور يفوت
قيس كبس الموتور قبل و بعد
اللهم بلغت اللهم فاشهد

**MMamdouh** · 01-07-2014 03:16 PM

المشاركة الأصلية كتبت بواسطة john55

اعتقد خليك في المعدني العربيه ماشيه كيلومترات كتير التخليقي للعربيات الجديده ولكن بعد ماتعدي كيلو مترات كتير فوق 120000 بيستخدم زيت معدني علشانالخلوص بتاعت الموتور بتبدا تنعم وشكرا

الموضوع ملوش دعوة بعدد الكيلومترات... المهم الحالة الفنية للمكنة

انا عامل 150 الف و بحط تخليقى

MMamdouh

**mhi00002000** · 01-07-2014 05:40 PM

عدد الكيلو مترات المقطوعة ملوش اى علاقة بنوع الزيت لا من قريب ولا من بعيد(يعنى مثلا لو انا اشتريت عربية زيرو وبمشى كتير يعنى مثلا 50 الف فى سنة يبقى استخدم تخليقى اول سنتين او تلاتة وشكرا اقلب معدنى- طبعا كلام غلط جدا) طب الصح اية؟
الصح ان العربية الى موتورها قديم وضعيف شوية 10-15 سنة شغل وعربية تانية زيرو العربيتين من حقوهوم يستخدمو زيت تخليقى بس مع مراعاة اللزوجة المناسبة يعنى مثلا موبيل عاملة جركنين من التخليقى :
1- Mobil 1 New Life 0W-40 ودة الاقل لزوجة يناسب العربيات اللى موتورها زيرو

2- Mobil 1 Peak Life 5W-50 ودة لزوجة اعلى لكنو برضو تخليقى بالكامل يناسب العربيات اللى موتورها قديم شوية يعنى الزيت الاولانى هيعلى صوت الموتور لانو عايز موتور لسة بالبرشام نوفى يعنى.

طب امتى مينفعش نستخدم التخليقى بقى ونخش على المعدنى؟

1- لما نجربو نلاقيه بينقص عندنا جامد (المكنة بتاكلو)

2-لما نكون مش عايزين اعلى اداء يعنى عايزين زيت يمشى الحال وخلاص ومش مهم الاداء وخلافو

3- لما نسترخص

4- ناس بتحب تغير على 5 الاف وترمى وتجيب جديد (هوايتها كدة)

**swimmer25** · 01-07-2014 05:52 PM

المشاركة الأصلية كتبت بواسطة agaty1st

engine flush
أسرع حاجه تخلي الموتور يفوت
قيس كبس الموتور قبل و بعد
اللهم بلغت اللهم فاشهد

الكلام دا أعتقد في المواتير المتهالكة أصلا
لأن كل الرواسب بتبقي إتجمعت وسدت فراغات في السلندر والبساتم فالتفويت بيكون متسكن
ولما تعمل فلاش للموتور الحاجات دي كلها بتدوب وتنزل وتظهر عيوب الفراغات دي اللي بتأثر طبعا علي الكبس

وإلا فيه رأي تاني بيقول إن أصلا التغيير من معدني وتخليقي مضر للموتور بسبب إن التخليقي فيه إضافات مذيبة للشوائب فبالتالي بتأثر علي الأويلسيهات
راجع الموضوع دا:
www.nilemotors.net/Nile/341680-a.html

**أحمد عثمان** · 01-07-2014 07:42 PM

بص، عايز نصيحة من الآخر كده.
حط الزيت اللي معاك و هو زيت ممتاز و نزله على ٩٠٠٠ كم بالشكل ده الزيت هو اللى حينظف الموتور و مش محتاج تعمل فلش أو أي حاجة تانية.
الكلام ده بعد بحث كتير في الموضوع ده، و متسألنيش ليه ٩٠٠٠ مش ١٠٠٠٠ مثلا ، الحقيقة أنا مرتاح للرقم ده على إعتبار إن الزيت لو بيقعد ١٠٠٠٠ كم يبقى انت
نزلته قبل ميكمل المده و بكده تبقى إستغليت ميزة التنظيف اللي فيه لأقصى حد.
المهم بعد كده كمل على التخليقي على طول.

**abo3mmar2005** · 02-07-2014 09:31 AM

صباح الخير
يا اصدقاء المنتدي

بشكر كل فرد ساهم في ابداء رايه و نصيحته ، و باذن الله يوم الجمعه ان شاء الله حغير الزيت و الفلتر بس
و حبقي اكتب ملاحظاتي للزيت للاستفاده في المنتدي

مع خالص الشكر ،،،

**agaty1st** · 02-07-2014 03:10 PM

المشاركة الأصلية كتبت بواسطة swimmer25

الكلام دا أعتقد في المواتير المتهالكة أصلا
لأن كل الرواسب بتبقي إتجمعت وسدت فراغات في السلندر والبساتم فالتفويت بيكون متسكن
ولما تعمل فلاش للموتور الحاجات دي كلها بتدوب وتنزل وتظهر عيوب الفراغات دي اللي بتأثر طبعا علي الكبس

وإلا فيه رأي تاني بيقول إن أصلا التغيير من معدني وتخليقي مضر للموتور بسبب إن التخليقي فيه إضافات مذيبة للشوائب فبالتالي بتأثر علي الأويلسيهات
راجع الموضوع دا:
www.nilemotors.net/Nile/341680-a.html

1- لما تعمل فلاش لعربيتك المره الجايه ياريت تقيس كبس الموتور قبل و بعد
2- زيوت المحركات من وظايفها الأساسيه أنها detergent
3- راجع الموضوع ده http://www.nilemotors.net/Nile/397831-a.html
4- كل سنه و حضرتك طيب