الموضوع: موضوع المقارنات............فااااااااا ااااشل

متفق معاك يا دكتور أليشع في كل حاجة تقريبا ما عدا رقم 6

بلد المنشأ ملهاش دعوة بالمقارنات أو رؤية مميزات و عيوب السيارات

يعني مثلا
مرسيدس C150 أو S150 مش فاكر
عربية 1500 سي سي و بتدخل في نفس فئة سيارات تانية في الحجم و السعة اللترية و يمكن يكون الأختلاف الوحيد بينهم هو السعر
اللي بيكون شرط من شروط المقارنة و ليس شرط تحديد الفئة للسيارة

إنما ممكن يكون لتحديد فئة السعر و ليس فئة السيارة
يعني ممكن تقارن صني أم 100 الف بجيتا ام 150 الف

لانهم نفس فئة السيارات
انما مش نفس فئة السعر

و ده كان توضيح لرأيي الشخصي

و شكرا على المشاركة

المشاركة الأصلية كتبت بواسطة aleshath

شكراااااااااااا حبيب قلبى توت عنخ امون

بالمناسبة انا نفسى اتعرف عليك من قريب بعيد عن اسماء الفراعنة ههههههههه

المهم بالنسبة لرقم 6 وهى بلد الصنع برضة لها دخل

تعرف حضرتك اضعف الايمان اية؟؟؟؟؟؟؟؟؟؟

فترة عمر النصف كما درسنا او بمعنى اوضح العمر الافتراضى لحالة العربية

بالكامل و عمر قطع الغيار و غيرها على فكرة انا( صيدلى).

ومن خلال دراستى طبعا توجد فروق فى المادة الخام بين دواء والاخر وهم من

نفس المادة العلمية و بنفس التركيز لكن يختلف باختلاف جودة و اسم الشركة

وهو ما يعرف ب Good Manifacture Practes

او خطوات التصنيع الجيد

ودة طبعا بينطبق على شركات السيارات كمان

على فكرة انا كان معاى دوجان صدقنى كنت بغير قطعة الغيار اكتر من مرة فى

اقل من سنة . لكن طبعا لو غيرت قطعة غيار يابانى او المانى تخيل عمرها

على فكرة انا هكتبلك ايميلى و اكون سعيد لو ضفتنى

aleshath_98@yahoo.com

منتظرك اتشرف بيك

وتقبل حبى لك

دكتور أليشع أهلا بيك و إن شاء الله سأرسل لك رسالة على البريد الإلكتروني

بالنسبة لكلامك
طبعا نظريا ........... صح 100 % خصوصا في مصر

طيب أنا ليه قلت نظريا ؟؟
علشان عمليا الموضوع بيختلف شوية
بالنسبة لقطع غيار الدوجان ......... أنا مش عارف أنت كنت بتشتري حاجة مصنوعة فين ؟؟؟؟

هاديك مثال
العربية البونتو
سيارة أيطالي ........ و ليس ألماني
و مع ذلك يوجد لها قطع غيار من البلاد الآتية
ايطاليا طبعا ( أجود و أفضل قطع غيار )
ألماني ........ أسباني ........ و دول جودتهم معقولة و ليست كما نظن خصوصا أن الألماني منهم

فيه صيني و تايواني ..... و التايواني أفضل قليلا

طيب في المجمل
الأغلى هو الأيطالي ......... و الأفضل طبعا
بس لو حافظت على العربية و سوقتها بطريقة كويسة
هاتلاقي ان الكل عاش معاك
ايطالي و الماني و أسباني و تايواني

إلا الصيني اللي بيبوظ لوحده لأن مفيش معايير جودة أساسا في الانتاج

نرجع لكلامك عن بلد المنشأ

بلد المنشأ ممكن تدخل في المقارنة و ليس لتحديد المقارنة أو لتحديد فئة السيارة

يعني مثلا
عندك بولو ( الماني ) بس عربية عادية و زيها زي أي عربية في مستواها خصوصا من أوروبا
و عندك النترا كوري

ينفع تقول ان البولو فئة أعلى علشان ألماني ؟؟؟
طبعا لاءة
لان الالنترا فئة أعلى و تتقارن بالجيتا و الباسات و النيسان صني و التويوتا كورولا و البروتون الواجا و الأوكتافيا
مين اللي يكسب في المقارنة دي حاجة تانية
إنما الفئات للسيارة تحسب حسب الحجم العام للسيارة و حجم المحرك و سعته اللترية

يبقى السعر في كل عربية أصبح ميزة أو عيب ( عيب بمعنى عامل مؤثر في الشراء )

و أنا في رأيي لو عايز عربية حلوة ( بالاشارة لموضوعك الأخر عن السيارات المستعملة التي تريد شراؤها ) في حدود 100 ألف

رأيي الشخصي الجديد أفضل من المستعمل ما دام معاك فلوس الجديد

نيسان صني ( ممتازة و تقفيلها جيد جدا بشهادة أصحابها )
نيسان تيدا ( ياباني كاملة )
بروتون واجا ( سيارة متينة و بتعيش و قوية ) و غرقانة كماليات و عوامل أمان
سيات قرطبة ( أسباني و سيارة قوية و بتعيش ) و قطع غيارها ألماني و موتورها ألماني .......


يعني عندك اختيارات كتير و عربيات جديدة نوفي نوفي نوفي
يعني أنت أول رجل .... و أول أيد ....... و أول قعدة و العربية بأكيسها ....و بضمانها ...مش عارف ليه مصمم على عربية مستعملة ؟؟؟ طبعا أنت حر فيما تختار يا دكتور ........بس بنفكر معاك بصوت عالي للإفادة
بس طبعا لو وقعت في عربية مستعملة A4 و حالتها ممتازة
يبقى خلاص أتكل على الله فيها ........ لأنها عربية محترمة جدا

و تحياتي الخالصة لك

المشاركة الأصلية كتبت بواسطة aleshath

اخى الحبيب tutankhamoun

عندى لك مفاجاة حلوة بس هنتظر ردك

كنت نازل معرض فى المهندسين بناء على تليفون اخلص فى الاكتافيا

سبحان الله لقيتها طلعت المهم

خلصت فى لانسر 1600 سبورت كاااااااااااااملة تماماااااا

لغاية السبويلر و فتحة السقف

2006 فابريقة تمامااااااااااااا

و الحمد لله اة خلصتها على 90 الف

اية رايك بقى؟؟؟؟؟؟؟؟؟؟؟؟؟؟؟ منتظرك

ربنا يباركلك فيها يا دكتور أليشع
يحفظ طريقك ........ و يحفظك من شر الطريق ......
يعطيك خيرها .......

ألف مبروك

شوفت المسار أتغير ازاي ؟؟؟؟
من أوكتافيا ..........للانسر .......

مبروك العربية يا دكتور بس ممكن تشرح لنا ليه غيرت وجهتك فى شرا العربية مع انا انت كنت محدد عربية بعينها؟:k41: