عاوز انقل الداتا للموبايل الجديد

**4fun14** · 01-07-2014 05:34 PM

معايا جالاكسي نوت 1 وخلاص الزمن فرمه وبفكر ادخله ف نوت 3
يعني عاوز ابيع اللي معايا واشتري جديد ف نفس الوقت
السؤال.. ازاي انقل كل الصور والافلام والكتب والسورسات من موبايل للتاني وانا ف المحل؟
يعني ممكن ميكونش في كمبيوتر
ليا صديق قبل كده كان بيقولي انه في اوبشن كدة يخليني لما اخبط موبايلين ف بعض الداتا تتنقل بس انا مش لاقي الاوبشن ده عندي..
كمان عاوز الداتا بتاعتي تتفرمت اول ماخدها ع الموبايل الجديد

**enayat** · 01-07-2014 06:10 PM

من خلال الكمبيوتر عبر برنامج كيز اعمل سيرش ع النت علي البرنامج واعمله داونلود

**ah-elgendy** · 01-07-2014 07:01 PM

روح اى فرع من فروع خدمه موينيل او فودافون او اتصالات وقوله عاوز انقل الداتا بيوصل الموبيل القديم والجديد ع جهاز بينقل كل حاجه اسماء و رسائل وراجع عليهم وبعد كده فرمت تقريبا كان بخمسه جنيه الحوار ده لما عملته

**Forever.Leo** · 01-07-2014 07:32 PM

نزل برنامج GO Backup من Play Store .. البرنامج هيخليك تعمل نسخة من الاسامي و الرسايل و الميديا و البرامج من التلفون لكارت الميموري الخارجي .. بس خلي بالك البرامج هتتنسخ من غير الداتا بتاعتها لو انت مش عامل رووت .

https://play.google.com/store/apps/d...g.go.backup.ex

**4fun14** · 02-07-2014 08:47 AM

المشاركة الأصلية كتبت بواسطة enayat

من خلال الكمبيوتر عبر برنامج كيز اعمل سيرش ع النت علي البرنامج واعمله داونلود

ده بيستلزم وجود كمبيوتر.. يعني اشتري الجديد الاول وارجع البيت وانقل الداتا وبعدين ابيع القديم

**4fun14** · 02-07-2014 08:48 AM

المشاركة الأصلية كتبت بواسطة ah-elgendy

روح اى فرع من فروع خدمه موينيل او فودافون او اتصالات وقوله عاوز انقل الداتا بيوصل الموبيل القديم والجديد ع جهاز بينقل كل حاجه اسماء و رسائل وراجع عليهم وبعد كده فرمت تقريبا كان بخمسه جنيه الحوار ده لما عملته

برضه هيستلزم وجود الموبايلين بس حل سهل ومغري الحقبقه

**4fun14** · 02-07-2014 08:50 AM

المشاركة الأصلية كتبت بواسطة forever.leo

نزل برنامج go backup من play store .. البرنامج هيخليك تعمل نسخة من الاسامي و الرسايل و الميديا و البرامج من التلفون لكارت الميموري الخارجي .. بس خلي بالك البرامج هتتنسخ من غير الداتا بتاعتها لو انت مش عامل رووت .

https://play.google.com/store/apps/d...g.go.backup.ex

البرنامج عندي فعلا وعامل كذا باك اب
بس ده فايدته لو انت هتفرمط الجهاز بيحتفظ بارقام التليفونات والرسائل وغيره
لكن انا عاوز انقل الداتا لموبايل تاني خالص.. وبعدها افرمط القديم فمتلاقيش اثر للداتا القديمة

**Forever.Leo** · 02-07-2014 04:05 PM

المشاركة الأصلية كتبت بواسطة 4fun14

البرنامج عندي فعلا وعامل كذا باك اب
بس ده فايدته لو انت هتفرمط الجهاز بيحتفظ بارقام التليفونات والرسائل وغيره
لكن انا عاوز انقل الداتا لموبايل تاني خالص.. وبعدها افرمط القديم فمتلاقيش اثر للداتا القديمة

ما هو بيعمل كده فعلا .. انت هتنقل كارت الميموري اللي عليه الباكب للتلفون الجديد .. و بعدين تنزل GO Backup من store على الموبايل الجديد و تعمل restore للداتا .. بالمناسبة .. علشان تنقل داتا عن طريق خبط ( تقريب ) التلفونين .. لازم العدتين يكون فيهم NFC .

http://www.youtube.com/watch?v=QISeei0R-KQ

**4fun14** · 02-07-2014 04:51 PM

المشاركة الأصلية كتبت بواسطة forever.leo

ما هو بيعمل كده فعلا .. انت هتنقل كارت الميموري اللي عليه الباكب للتلفون الجديد .. و بعدين تنزل go backup من store على الموبايل الجديد و تعمل restore للداتا .. بالمناسبة .. علشان تنقل داتا عن طريق خبط ( تقريب ) التلفونين .. لازم العدتين يكون فيهم nfc .

YouTube

مممم وابقه احتفظت بالبرامج كمان..
والله حل اقرب للمثاليه فعلا.. مشاركه مفيده اشكرك عليها يا باشا

**Forever.Leo** · 02-07-2014 11:23 PM

المشاركة الأصلية كتبت بواسطة 4fun14

مممم وابقه احتفظت بالبرامج كمان..
والله حل اقرب للمثاليه فعلا.. مشاركه مفيده اشكرك عليها يا باشا

العفو .. بس فيه ملاحظة اخيرة .. لو الموبايل الجديد عليه كيت كات 4.4 احتمال تقابلك مشاكل في restore علشان اندرويد الكيت كات مكتف استخدام الميموري الخارجية بشكل مبالغ فيه بصراحة .