اوكتافيا a7 موديل 2015 ولا bmw 316 موديل 2011

**Sherif Lotfy** · 01-07-2014 10:56 PM

لو ممكن حد ينصحني انا ناوي ادفع 215 الف او اكتر قليلا و كنت هاحجز اوكتافيا A7 موديل 2015 اللي نازله 1.6 و الفتيس الستبترونيك مش dsg . و بعدين ناس كتير نصحتني ب BMW 316 أو مرسيدس B موديل 2011 و الاتنين تقريبا بنفس تمن الاوكتافيا الزيرو . ايه الافضل فيهم في رأي حضراتكم ؟

**mostafa3000** · 01-07-2014 11:12 PM

طبعا ألبي ام أكيد فئة اعلي من الاوكتافيا
لكن برضة الزيرو لة رونقة
ان اميل اكتر للآوكتافيا ولاحظ ان الوسع الداخلي والارتفاع عن الارض في صالح الاوكتافيا

**JapRuleZ** · 01-07-2014 11:15 PM

بلاش مستعمل احنا مش فى سويسرا العربيه لو عامله فوق ال 60 الف بتبقى اتهلكت عفشه و مطبات الا لو عربيه حد تعرفه و عارف سواقته ساعتها تبقى لقطه و متتسبش

**Adnfalcon** · 02-07-2014 12:01 AM

اشتري bmw 316 فحاله واحده بس .. تكون هاي لاين
لأن البيزلاين فعلا فاضيه صحراء جرداء و شرط الحاله أكيد
غير كده هات a7

**Sherif Lotfy** · 02-07-2014 12:44 AM

شكراًجزيلاً ليكم جميعاً . و اضح ان الرأي واحد و هو الزيرو افضل إلا إذا كانت ال bmw بحالة ممتازه و من حد معرفه و يفضل كمان هاى لاين .. و طبعاً صعب الاقي كده و لو لقيت هتكون غاليه شويتين ده غير مصاريف الصيانه و التصليح الغاليه جداً و اللي هتبدأ من اول يوم بعكس الزيرو اللي فيه 3 او 4 سنين بدون اي مصاريف صيانه غير تغيير الزيت و الفلتر و بالكتير تيل فرامل .
و واضح كمان ان المرسيدس b مش مشجعه خالص في رأيكم .
باكرر شكري ليكم و في انتظار المزيد من النصائح إن امكن . و لو بتحديد السيارة الافضل في كلمة واحدة.

**JapRuleZ** · 02-07-2014 02:45 AM

المشكله بردو ان حضرتك معاك هوندا سيفيك و دى اعلى اليبانى المتاح حتى الان
للاسف الفئه السعريه انا شايف من وجهة نظرى الهوندا تتفوق على ال A7 موتور و عفشه و اعتماديه و السكودا هتبقى راحة و احساس بالفخامه
عامة الالمانى مبعترفش غير بال bmw و merc و VW

**JapRuleZ** · 02-07-2014 02:56 AM

http://www.nilemotors.net/Nile/42640...-2015-a-3.html

**J A G U A R** · 02-07-2014 03:09 AM

حاله مضمونه ونظيفه يبقى اكيد bmw او merc

**Sherif Lotfy** · 02-07-2014 09:20 AM

المشاركة الأصلية كتبت بواسطة JapRuleZ

المشكله بردو ان حضرتك معاك هوندا سيفيك و دى اعلى اليبانى المتاح حتى الان
للاسف الفئه السعريه انا شايف من وجهة نظرى الهوندا تتفوق على ال A7 موتور و عفشه و اعتماديه و السكودا هتبقى راحة و احساس بالفخامه
عامة الالمانى مبعترفش غير بال bmw و merc و VW

انا شاكر حضرتك جدا على اهتمامك . انا فعلاً باحب الهوندا جداً و اللي معايا موديل 2009 و هي عاليه عن الارض مش زي 2008 و معملتش معايا اي مشكله طوال 5 سنين و الحمدلله. مش اكتر من الصيانات الدوريه . بس المشكله ان توكيل هوندا لسه بيبيع موديل 2013 مش حتى 2014 ! التويوتا جميله بس خفيفه على الطريق بالنسبة للهوندا و اخف كتير من الاوكتافيا . عجبتني الفورد فوكس بس شكلها بره اتغير (فيس لفت) و احنا لسه عندنا الشكل القديم . احنا بنتعامل معاملة العبيد يا ريس

انا اتفاجئت ان موديل 2015 من السكودا برضه فيه مشاكل فتيس و ان التوكيل سئ اوي كده في تعامله مع مشكله زي دي .