الله يخرب بيت التاكسيات

**fady.bekatcho** · 12-10-2008 03:24 PM

يا جماعة النهاردة وانا ماشى

تاكسى وقف فى مكان مخالف

فخبطت فى المراية

فالزجاج بتاع المراية الجانبية اتكسر

والهيكل سليم

الزجاج دا ينفع اغيرة لوحدة ولا اعمل اية

وبيتباع ولا اجيبة منين دا

هو واحد صحبى قالى لا دا انت بتعملة عند بتاع زجاج على نفس المقاس

بس انا عايز من الى كان متركب

وتتكلف كام الحكاية دى

**amir** · 12-10-2008 03:29 PM

معلش ربنا يعوض عليك
الموضوع بسيط ان شاء الله
لو امكن تنزل شارع دمشق تسأل عن سعر الزجاج فقط
و ممكن تتصل بالتوكيل من باب العلم بالشيء لأن السعر ممكن يكون بسيط و انا عارف ان الواحد بيبقي نفسه يرجع العربيه زي الاول و احسن
بس لو تعذر و انت مش مأمن انزل عند بتوع الزجاج و الموضوع مش هيعدي 50 جنيه
انما لو كنت مأمن روح بلغهم و هما يخلوك تشتري بفاتوره و يبقو يدفعوهالك
بس طمنا عملت ايه

**fady.bekatcho** · 12-10-2008 03:38 PM

اولا شكرا لسرعة ردك يا غالى

هو انا مش مامن عليها لسة ما امنتش

وانا مش فى القاهرة يا باشا

انا فى بنى سويف

طيب يعنى هيا كدة اعملها عند بتوع الزجاج ولا محلات اكسوارات العربيات بتبعها